جنة_رائد🤎
الحلقة التانية عشر (12)🤎
بقلم الكاتبة خديجة رمضان (دوجي رمضان)🤎
أذكرو الله 🍃.
( الرواية بعيدة كل البعد عن الواقع الليبي+من وحي خيالي ✨💗).
50 اعجاب و25 تعليق انزل.
~ قراءة ممتعة ~
.
.
.
.
وقفت قدام المرايا وهيا تشوف لمكياجها يلي كان بسيط وحلوو وتسريحة شعرها اللطيفة وفستانها الذهبي يلي كان ع ذوق اصحاب الطبقة الراقية.
طويل ومنفوخ من لوطة ومشدود ع الخصر.
حرفياً كانت جميلة هلباا هلبااا كأنها هاربة من افلام ديزني.
جوري خشت وهيا لابسة فستان اخضر طوله للركبه ومنفوخ من تحت ، حضنت جنات ... قرو الفاتحة وروحو الف مبروك ياعيوني
جنات تنفست بعمق ولما بعدت جوري سألتها بتوتر ... ماما مش معاك؟
جوري هزت براسها بمعنى لا ... معاي حماتك اللفعة تخوف كيف تشبحلي
جنات ... عيب جوري
جوري قلبت عيونها بملل ... اوك هيا كان بتطلعي الكل يستنى فيك لوطة الحفلة تجنن قداش لينا ع الاجواء الحلوة هادي
جنات شبحت لنفسها للمرة الاخيرة علِ المرايا ولفت بتطلع مع جوري خش رائد وهوا يتكلم بالتلفون.
جنات قعدت تشوفله بإعجاب البدلة الرسمية والقرواطة كانو طالعات عليه تحفةةة ، ابتسمتله لما تلاقو عيونهم وهوا ماخفاش انبهاره بمنظرها الجميل من ابتسامته وعيونه.
جوري شبحتلهم بإعجاب وبعدين تكلمت ... احم احم اني طالعة ماتعطلوش
وطلعت بسرعة قبل ماتسمع ردهم.
رائد فصل الخط وقرب من جنات وهوا يشبحلها بإعجاب كبيير ... الف مبروك علينا يَا جنتي
جنات ابتسمت وعيونها دمعو عجبها هلباا كيف نادا اسمها بياء الملكية♥️ ، وتكلمت بصوت هادئ ... الله يبارك فيك
رائد تنهد وهوا يشبحلها بهيام ... طالعة حلوة هلبا
جنات ابتسمت بخجل ونزلت عيونها بتوتر وهيا تفرك ف اصابعها ببعض.
رائد ابتسم علِ منظرها الكيوت وباسها علِ خدها وهمس جنب أذنها ... نطلعو ؟
جنات هزت براسها بمعنى تمام وهوا شبك اصابع يده مع يدها وهمس جنب أذنها مرة تانية ... خودي نفس وماتتوتريش الامور طيبة صح برا زحمة هلبا لكن خليك واثقة بنفسك تمام ؟.
جنات هزت براسها وشدت علِ يده ... مدامه انت جنبي اني مش رح نتوتر
رائد ابتسملها بحب وطلعو مع بعض.
طلعو يسلمو علِ معازيم رائد ويعرف فيها عليهم.
لين وصلو لطاولة صحاب رائد يلي نصدمت جنات أول ماشافت فيها يقين يلي أول ماوقفو ع الطاولة نطت تحضن فِ رائد بكل وقاحة.
رائد تصنم ف مكانه وهوا يشوفلها كيف حضناته قدام الكل حط يديه ع كتافها وبعدها ... شن اديري يقين؟
يقين ابتسمتله ... استحشتك اسفة تحمست
رائد مرر نظره علِ جنات يلي سلمت علِ فوزي ومنتصر وقعد يهدرز عليها فوزي يحاول يلهيها.
يقين مسكاته من يده باش تلفت إنتباهه ... نبي نحكي معاك رائد
رائد حط يده ع يدها وحولها من عليه وهوا يهمس ... مش وقتك توا علاش جاية انتي للحفلة؟
يقين قلبت عيونها بملل ... نحكي معاك ونروح حاضر
رائد شبح لِ جنات يلي كانت تشبحلهم ولما هوا شافلها بعدت عيونها.
يقين مررت يدها قدام عيونه ... عيونك عليا حبيبي مش معطلة عطيني دقايق بس
رائد تنهد بغضب ... احكي هي
يقين شبحت حواليها بصدمة متصنعة ... هني معقولة؟
رائد اشرلها ع الحوش ... تحركي قدامي
يقين ابتسمت ومسكت ف ذراعه ... مش قدامك جنبك
رائد كيف بيحول يدها تكلمت بسرعة ... رائد حتى ءني خطيبتك علِ فكرة ومش متنازلة عليك
رائد نحى يدها بغضب ومشي وهيا نفخت بملل ولحقاته لين وصلو للحوش شبحلها بشي من الغضب ... شن هوا الشي هذا يلي بتقوليه باش خليتيني نسيب حفلة كاملة ع خاطره
يقين قربت منه وحطت يديها علِ سوريته بدلع ... نستاهل اني اهم من الحفلة ماتنساش انه اني اختيارك الأول مش هيا!
رائد بعدها بغضب وضحك بتهكم ... اختياري؟
يقين ... اوك مش اختيارك ومش اختياري لكن رضيت بيه ف النهاية
رائد تنهد بملل ... شن تبي بسرعة ماعنديش وقت ليك!
يقين قامت يدها يلي فيها خاتم خطوبتهم ... اني موافقة تتزوج مني بعدها
رائد قعد يشوف لصبعها بهدوء وهوا ساكت.
يقين خدت يده لحضنها ... نحبك
رائد قام عيونه ف عيونها وهوا يشوفلها بضيق.
يقين عقدت حواجبها وهيا محافظة علِ ابتسامتها ... خيرك؟
رائد سحب يده من يدها ... مش وقته توا هذا اطلعي من هني يقين من الحفلة كلها
يقين اختفت ابتسامتها ورفعت حاجبها وقربت منه بتعجرف ... من يلي كان ميت علِ بوسة مني يوم خطوبتنا وتوا بكل برود نقولك نحبك تلزني؟
رائد ... مش وقتكك
يقين حطت يديها ع كتافه ... تحبها؟
وع الكلمة هادي خشت جنات يلي سمعتها غلط!!
رائد من غير مايفكر حط يديه علِ يديها عشان ينزلهم وجاوبها ... اي
جنات حست برجفة ف رجليها وعيونها دمعو ع طول نسحبت طلعت برا وهيا تسأل ف الخادم ... وين الحمام؟
وصفلها الحمام وهيا اتجهت للحمام خشت وسكرت الباب وراها وهيا تشوف لملامحها وعيونها المدمعة خدت نفس وهيا تهدي ف روحها ... خلاص جنات هوا اساساً كان واضح معاي من البداية فهمني انه الزواج لمصلحتي اني يلي انجرفت ورا مشاعري
حطت يدها ع قلبها ومسحت عليه بهدوء.
مسحت دموع عيونها بحرص شديد عشان مكياجها مايتلخبطش.
طق طق.
" جنات؟ "
سمعت صوته بعد ماطق ع الباب وعاود تكلم تاني.
رائد ... جنات انتي بخير؟
جنات خدت نفس وفتحت الباب ... نعم؟
رائد قعد يشوفلها بتفحص ... انتي كويسة؟
جنات هزت براسها بمعنى ايه وهيا تشوفله بإستغراب ... شن صاير؟
رائد خدي نفس ... سألت عليك واحد من الموظفين قالي خشت الحمام تبكي!
جنات ضحكت ... شكله متلخبط بيني وبين حد تاني انا بخير زي ما أنت شايف
رائد هز برأسه وقرب منها بس بسرعة هيا تخطاته واشرتله ... ماما وصحبتي من بكري يسألو عليك ماسلمتش عليهم
رائد هز برأسه ... تمام هي
جنات مشت وهوا طلع وراها.
أنت تقرأ
جنة رائد🤎(روايات ليبية)
Romance- الأمر لا يتعلق كله بالحب بل بالأمان و الثقة. - أحبكِ بقدر كل شيء لا نهايه له. ... رواية #جنة_رائد باللهجة الليبية الطرابلسية 🤎 بوليسية+رومآنسيه 🤎 ... تم النشر يُـوم 29 ديسمبر 2023. لا أسمح بسرقة احداث رواياتي ولا اسمائهم!.🚫
