جنة_رائد🤎
الحلقة العاشرة(10)🤎
بقلم الكاتبة خديجة رمضان (دوجي رمضان)🤎
أذكرو الله 🍃.
( الرواية بعيدة كل البعد عن الواقع الليبي+من وحي خيالي ✨💗).
20 اعجاب و10 تعليقات انزل.
~ قراءة ممتعة ~
.
.
.
.
صباح يوم جديد🌤️.
فتحت عيونها بتعب وهيا تشوف للسقف قعدت دقايق بس واستوعبت انها هيا مش فِ غرفتها ، قعمزت بفزع وهيا تشوف للغرفة الفخمة يلي راقدة فيها .
شدت راسها بوجع وهيا حاسة بصداع قوي تكلمت بصوت يرجف ... ياربي وين أني
نحت الورغان من علِ جسمها وناضت تمشي بخوف فتحت باب الغرفة وطلت براسها شوية وبعدين طلعت بخطوات حذرة لين طلعت من الممر ووقفت ف الصالة!.
قعدت تشوف للصالة بذهول لما اذكرت أنها نفسها شقة محمد ونخلعت أول ماسمعت صوت فخم من وراها وهوا يقول ... نضتي؟
جوري تلفتتله بفزع ... أنت شن دير هني؟
محمد رفع حاجبه ... بري اغسلي وجهك وتعالي قعمزي تو نقولك أني شن ندير هني
جوري وخرت بخطوات خايفة ... كيف وصلت هني؟ أني كنت عند هند شن جيبني هني
محمد قعمز ع الصالون وحط رجل ع رجل ... مانبيش نعاود كلامي بري ديري يلي قتلك عليه وتعالي
جوري مشت للحمام خشت وسكرت الباب ووقفت قدام المرايا وهيا تشوف لِ شكلها بهدوء غسلت وجها مرة واتنين وتلاثة لين!!
اذكرت.....اذكرت كيف شربت هلبا وكيف رقصت ف الشارع وكيف ركبها منتصر للسيارة كل شي كل شي مذكراته.?
حطت يدها ع راسها وهيا تقول بصوت باكي ... انتهيت حي عليا حيي نفضحت قدام الراجل اكيد يفكر فيا بطريقة غلط توا ياااربيي
نقزت بفزع وهيا تشوف للباب يلي طق طقتين مسحت وجها بالمنديل وفتحت الباب وطلعت وقفت قدامه وهيا تشوف لوطة بخجل.
منتصر وهوا رافع حاجبه ... اذكرتي شن جابك هني؟
جوري هزت براسها بمعنى ايه وتكلمت بصوت واطي ... اسفة
منتصر ... يعني اذكرتي يلي صار قبل مانجي ونشوفك
جوري قامت عيونها فيه ... ماصار شي اصلا كنت أني وياها بس في الحوش
منتصر يشوفلها وساكت.
جوري دمعو عيونها ... والله هذا يلي صار
منتصر ... اختك ضروري تعرف هالمرة مش رح نخبي عليها
جوري مسكت يده بترجي ... ارجوك لا ماتقولش
منتصر جبد يده منها بغضب ... قداش بنخبي عليك هاا؟ قداااش
جوري نزلو دموعها ... اخر مرة مستحيل نكررها مرة تانية ارجوك ماتقولش
منتصر قرب منها ... بشرط
جوري هزت براسها بسرعة ... يلي تبيه حاضر والله
منتصر رفع ابهامه وامسح الدمعة يلي نزلت من علِ خدها ... مرات مايعجبكش
جوري قعدت تشوفله وماردتش.
منتصر قعد يمسح ع خدها ببطئ وتكلم بهدوء ... صاحبتك معاش نبي نشوفك معاها
جوري قعدت تشوفله بصدمة!
منتصر نزل بِ ابهامه قريب من فمها ... هاا شن رايك ولا نقول لِ اختك؟
جوري هزت براسها بمعنى لا وعيونها تعبو دموع من جديد ... هند صاحبتي الوحيدة ماعنديش غيرها
منتصر حط ابهامه ع فمها ... خلاص امالا نقولو لِ اختك
جوري وخرت كم خطوة للخلف وهوا رفع حاجبه وتكلمت بصوت باكي ... قلتلك اخر مرة علاش بتقوللها
منتصر هز براسه واتجه للصالون خدي جاكيته واتجه للباب ... خلاص اطلعي قدامي نوصلك ونقول لِ اختك كل شي من البداية لنهاية
جوري قربت منه ومسكت يده بسرعة ... خلاص خلاص معاش رح نحكي معاها ولا نشوفها
منتصر لفلها وهوا يشوف لعيونها المدمعات يلي بدي يحب يشوفهم ... تمام كويس
جوري ... مش رح تقول ولا؟
منتصر هز برأسه بمعنى ايه ومسك يدها يلي ع يده وهوا يقول بشرود ... أني نقعد صاحبك بدالها مافيش مشكلة
جوري قعدت تشوفله بدهشة!.
منتصر سيب يدها وفتح الباب وطلع وهيا طلعت وراه بسرعة وسكرت الباب.
أنت تقرأ
جنة رائد🤎(روايات ليبية)
Romance- الأمر لا يتعلق كله بالحب بل بالأمان و الثقة. - أحبكِ بقدر كل شيء لا نهايه له. ... رواية #جنة_رائد باللهجة الليبية الطرابلسية 🤎 بوليسية+رومآنسيه 🤎 ... تم النشر يُـوم 29 ديسمبر 2023. لا أسمح بسرقة احداث رواياتي ولا اسمائهم!.🚫
