جنة_رائد🤎
الحلقة التاسعة(9)🤎
بقلم الكاتبة خديجة رمضان (دوجي رمضان)🤎
أذكرو الله 🍃.
( الرواية بعيدة كل البعد عن الواقع الليبي+من وحي خيالي ✨💗).
20 اعجاب و10 تعليقات انزل.
~ قراءة ممتعة ~
.
.
.
.
اساور قعمزت ع الكرسي وحطت الكياس جنبها وهيا مبتسمة بسعادة ... مش مصدقة أنه كل الماركات يلي كان خاطري فيهم خديتهم
رائد ابتسم وهوا يشوف للمنيو يلي فِ يده ... شوفي شن تبي من القائمة
اساور قامت المنيو وع طول اشرت ع البيتزا ... بيتزا
رائد وهوا مركز فِ القائمة ... وشن تاني ؟
اساور ... ودجاج مشوي
رائد شبحلها بهزوة ... التنوع خطير
اساور ضحكت بمرح ... قداش ليا مانفتحتش شهيتي هكِ نحس فِ روحي جعانة هلبااا
رائد ابتسم ع جنب وحط القائمة واشر لنادل يجيه ... تمام خودي بيتزا ودجاج مشوي وكان تبي خودي المطعم كله
اساور ابتسمت بسعادة وهوا كلم النادل طلب شن يبو وشبحلها ... معاش نشوف فِ يقين تجيك؟
اساور تعكرت ابتسامتها وهزت براسها وهيا تشوف ليديها ... تحسابني عندي علم بعلاقتك مع اخت محمد
رائد تنهد بهدوء ... خطبتها رسمي وقريب بنتزوجها
اساور شبحتله ... علاش سيبت يقين؟
رائد ... ماسيبتهاش قلتلها نتزوجو بعد زواجي اني وجنة ع طول
اساور ضحكت بصدمة ... كيف يعني؟ مدامك تبي تتزوج عليها علاش واخدها من الأساس
رائد قعد ساكت.
اساور ... فكرتك ماتخشش العقل كيف تتزوجها بعد زواجك من البنت هادي ماتجيش را
رائد ... انهي الموضوع وأني غدوا تو نتكلم معاها ومع بوها وبنفسخ رسمي
اساور ... لو بابا عرف رح يزعل منك هلبا
رائد ... بوك هذا مش فاضي بكل لدرجة مخلي الشركة مقلوبة فوقاني تحتاني بتلخبيط عارف يلي بيجيب اخرتنا
اساور ابتسمت بإستهزاء ... فعلاً مش فاضي لي شي ابدا
رائد هز بحواجبه وقعد ساكت.
اساور سكتت شوية بعدين تكلمت بسرعة ... قصدك البنت نفسها يلي جت لِ حفلة زواج بابا؟
رائد هز برأسه بمعنى ايه.
اساور بصدمة ... ماحبيتهاش البنت واضح عليها شلافطية ومش مناسبة ليك بكل
رائد ربع يديه علِ صدره ... رايك احتفظي بيه لنفسك الموضوع تام عندي
اساور ... واضح عليها صغيرة نحس فيها اصغر مني حتى
رائد ... اكبر منك
اساور ... تبصر كم عمرها ؟
رائد ... 21
اساور رفعت حاجبها ... اياه طلعت اكبر مني بسنة لكن مهما كان صغيرة عليك أنت عمرك 31 رائد راا
رائد ... اي ووين المشكلة الهي في عمرك اساور وماتعكريش جوي
اساور قلبت عيونها بملل ... اساساً اني يلي تعكر جوي
-----------------------------------_
عارف قرب من عايدة بصدمة ... حامل؟
عايدة مسحت الدمعة يلي نزلت من عينها ... مانبيش منك ولا شي مانبيش البيبي مانبيشي يجي بين ام واب مش مناسبين لبعض
عارف حضنها وقعد يمسح ع شعرها بحنية ... قبل ماتقولي هكِ خلينا نحاولو نبنو علاقتنا من جديد وخليها اخر محاولة ،نحبك عايدة والله نحبك.
عايدة غمضت عيونها وهيا حاسة بقلبها بيطلع من مكانه من اعترافه يلي حرك قلبها.
عارف بعد من عليها بهدوء وهوا حاضن خصرها ... عطيني فرصة مستعد نصلح كل شي
حط يده ع بطنها وتكلم بحنية كبيرة ... اعطي فرصة حتى لِ ولدك ع الأقل يولد بين عائلة مستقرة ويحبو بعض.
عايدة اشرتله ع قلبها ... اخر مرة ،اخرة مرة رح نسمح لِ قلبي يعطيك فرصة
عارف هز برأسه وقام يدها يبوس فيها بهستيرية ... اخر مرة اخر مرة اصلا مش رح تحتاجي فرصة غيرها.
أنت تقرأ
جنة رائد🤎(روايات ليبية)
Romance- الأمر لا يتعلق كله بالحب بل بالأمان و الثقة. - أحبكِ بقدر كل شيء لا نهايه له. ... رواية #جنة_رائد باللهجة الليبية الطرابلسية 🤎 بوليسية+رومآنسيه 🤎 ... تم النشر يُـوم 29 ديسمبر 2023. لا أسمح بسرقة احداث رواياتي ولا اسمائهم!.🚫
