#جنة_رائد🤎
الحلقة التانية (2)🤎
بقلم الكاتبة خديجة رمضان (دوجي رمضان)🤎
أذكرو الله 🍃.
( الرواية بعيدة كل البعد عن الواقع الليبي+من وحي خيالي ✨💗).
~ قراءة ممتعة ~
.
.
.
.
رائد يشوف لِ بوه بأستغراب ويقين واقفة والحماس معبي عيونها جنبه.
أما محمد كان يشوف لصاحبه بضيق كأنه مايبيشي يتزوج من يقين.
عادل ... قررنا نزوجو اولادنا لبعض....رائد ويقين.
رائد قعد يشوف لِ بوه بهدوء من غير اي ردت فعل وهوا يسمع في الناس كيف يصفقو ويباركو.
محمد يشوف لِ رائد بقلق.
رائد شبح لِ اساور ويقين ... كأنكم مش متفاجئين؟
اساور بأبتسامة ... أنا صراحةً عندي علم وبما أنه مفاجأة ماحبيتش نقولك
رائد شبح لِ يقين ولقي ملامحها تميل للصدمة.
يقين هزت برأسها ... لا ماعنديش علم أنا زيني زيك نصدمت لكن جديات احلى صدمة في حياتي
جنات تشوفلها بنوع من القرف.
رائد شبح لِ محمد يلي ابتسمله وقال ... مبروك مسبقاً
عادل كمل كلامه وهوا يقول ... احممم تعالى رائد تقدر تلبس عروستك حالياً.
يقين ضحكت بفرح ومسكت في ذراع رائد كويس ومشت هيا وياه ، وصلو جنب عادل حضن ولده وسلم ع يقين بالخد.
عادل شاف لِ رائد ومدله الخاتم ... هيا لبسها
رائد خدي الخاتم وشبح لِ يقين يلي كانو عيونها يلمعو بالحب والحماس ✨
مسك يدها ولبسها الخاتم وسيبها طول.
عادل مد الخاتم التاني لِ يقين ... هيا هاك يابنتي لبسيه
يقين خداته ولبساته في يد رائد وشبحت للكاميرا يلي تصور ورفعة يدها بحماس وهيا توري في ذبلتها وكل الحاضرين بدو يصفقو ويباركو بأصوات متقطعة.
يقين ابتسمت وشافت لِ رائد بحب ... ماتبيش ادير شي خلاص الكاميرا تصور رائد اجبر بخاطري
رائد باسها ع رأسها وابتسم ... مبروك
يقين ابتسمت بسعادة ... مبروك علينا الزوز
عادل قرب حضن ولده من جديد وهوا يقول ... الف مبروك ياولدي
رائد ابتسم مجاملة ... يبارك فيك
عادل سلم علِ يقين ... ألف مبروك يابنتي
يقين قربت باست رأسه ... يبارك في عمرك عمو عادل
عادل شبح للحاضرين وهوا يقول ... شكراً شكراً لوجودكم مرة تانية شكراً.
~ روايات خديجة رمضان ~
محمد شبح لِ جنات وهوا يسوق ... عجباتك الحفلة
جنات شبحتله وابتسمت ... امم كويسة
محمد ... ماتوقعتش رائد ياخد يقين بكل نحس فيها البنت هادي مش ليه.
جنات بأستغراب ... كيف مش ليه؟
محمد ... مش عارف بس رائد مش نوعه البنات يلي زيها هوا اساساً مش مرتبط من قبل فأوله تجربة ما أتمنيتش انها تكون هكي
جنات ... مرات أنت تشوف فيها مش كويسة ليه لكن هيا كويسة
محمد ... مش عارف لكن تبي الحق
جنات ... اهمم
محمد ... تمنيتكم اليوم تتعرفو وتحبو بعض!
جنات ضحكت بصدمة ... لا هلبا محمد هكي
محمد ابتسم وهوا مركز في السواقة ... أني خوك ونحبك هكي يبالك هوا لو شافك أني متأكد أنه رح يطيح في حبك❤️
جنات قعدت تشوفله وهيا مبتسمة بحب❤️.
أنت تقرأ
جنة رائد🤎(روايات ليبية)
Romance- الأمر لا يتعلق كله بالحب بل بالأمان و الثقة. - أحبكِ بقدر كل شيء لا نهايه له. ... رواية #جنة_رائد باللهجة الليبية الطرابلسية 🤎 بوليسية+رومآنسيه 🤎 ... تم النشر يُـوم 29 ديسمبر 2023. لا أسمح بسرقة احداث رواياتي ولا اسمائهم!.🚫
