#جنة_رائد🤎
الحلقة الرابعة (4)🤎
بقلم الكاتبة خديجة رمضان (دوجي رمضان)🤎
أذكرو الله 🍃.
( الرواية بعيدة كل البعد عن الواقع الليبي+من وحي خيالي ✨💗).
~ قراءة ممتعة ~
.
.
.
.
فوزي يدور في المكتب وهوا متوتر ... قصدي فاتو 3 ساعات مفروض اكتر شي ساعة ويطمنونا مش معقولة هكِ
منتصر مقعمز ع المكتب وفاتح الابتوب ... موقع هواتفهم يتحرك يعني هما بخير
فوزي ... كان بخير زي ماتقول علاش مايردوش ع التلفون؟
منتصر ... افففف فوزي وترتني النم قعمزز وشد مكان كان في حاجة رانا سمعنا أول وحدين
فوزي عيط بصوت عالي وبأعصاب لأول مرة ... شن هوااا يليي قعمزززز النمممم والله صايرة معاهم حاجةة واضحهه ياراااجل شن هالبروووود يلي عندك
منتصر يشوفله بقلق وساكت.
فوزي قعمز ع الكرسي وهوا داهش ... يااارب خيرر ياارب
_____-_____-_____-_____-_____-__
رائد من أول مافصل الخط نزلت من السيارة وقعدت نجري لجهة الأستراحة وانا خايف....
لكن وقفني صوت مستحيلل ننساه في حياتي.....صوت طلقة وحدة بس شقت قلبي نصفين💔
وزدت انهررت اكتر أول ماشفتهم مطلعينه ولوحوه كأنه حشرة مش بشرررر.
ومن هدا التاريخ وهذا اليوم قررت اني ننتقم منهم شر انتقام.......
قربت بخطوات ضئيلة وأني نشوفله كان قعد فاتح عيونه ويخترف بأسم "جنات جنات "
قعمزت ركبة ونص بسرعة وانا نرجف ... محمد نوض معاي هي بإذن الله مايصيرلك شي هيا نمشو للمستشفى محمد فيق
محمد يتكلم بصعوبة والم ... رر رائ د جنات جج جنات وو وعيلتها امم
رائد ماسك راس محمد ودموعه ينزلو ... اختك وعيلتك كلها مستنينك بالله نووض ماديرش فيا هكِ بالله عليك ياخوي
محمد ابتسم بتعب ... رد بالك منهم في امانتك رائد
رائد ناض وقف وهوا يحاول يوقف محمد معاه ... ياااالله ساااعدني
يمشي ويتكلم ... نمشو للمستشفى وبأذن الله يتحسن حالك وترجع لعيلتك بصحة ممتازة تمام!
محمد يأن بألم ويقاوم عشان يقعدو عيونه مفتوحين.
رائد ركبه في السيارة وطلع بأقصى سرعته لأقرب مستشفى جنبهم.
-
👑🔥 . . . . . . رِوآياّت . . . . . . 🔥👑
insta:- itz_kh_07
👑🔥 . . . . . . خديجة رَمضَان . . . . . . 🔥👑
-
هند بصدمة ... كداابه قصدك محمد عرف ؟
جوري بحزن ... اي وضرب حتى رمزي وقالي ممنوع تتلاقي معاه تاني
هند ... تي فوتيني من رمزي!! ضربك أنتِ ولا شن دارلك ؟
جوري مسحت دمعتها يلي نزلت ... لا وهذا يلي واجعني ماضربنيش ولا حاسبني ضميري يأنب فياا هلبا
هند بحزن ... أنتِ معاش تكلمي رمزي وخلاص تعلمي من غلطك
جوري ... والله تعلمت توبة خلاص💔.
هند ... اي ومدابيك تبيني لمحمد أنك تغيرتي ومعاش بديتي زي قبل ابداً.
جوري ... كيف؟
هند ... يعني هدرزي عليه خليك زي جنات في تعاملك معاه
جوري ... مانقدرش والله نخاف منه ماعمريش حتى شبحتله في عينه تبيني نهدرز عليه مع أني نعتبر فيه زي خوي لكن نخاف والله مانقدر
هند ... غبية وحق الله ، مدامه زي خوك علاش تخافي منه؟
أنت تقرأ
جنة رائد🤎(روايات ليبية)
Storie d'amore- الأمر لا يتعلق كله بالحب بل بالأمان و الثقة. - أحبكِ بقدر كل شيء لا نهايه له. ... رواية #جنة_رائد باللهجة الليبية الطرابلسية 🤎 بوليسية+رومآنسيه 🤎 ... تم النشر يُـوم 29 ديسمبر 2023. لا أسمح بسرقة احداث رواياتي ولا اسمائهم!.🚫
