#جنة_رائد🤎
الحلقة الأولى (1).
بقلم الكاتبة خديجة رمضان (دوجي رمضان)🤎
اذكرو الله🤎.
( الرواية بعيدة كل البعد عن الواقع الليبي+من وحي خيالي ✨💗).
~ قراءة ممتعة ~
.
.
.
.
صـوت ضـجـيـج الاغاني قوي ومنتشر في جميع اجزاء الڤيلا والمصدر من الضجة هذي كلها الجنان الكبير المعشب يلي معبي طاولات وكراسي منتشرة عليها الناس والجميل في الحفلة هذي انها كانت مختلطة🤍
بعيد ع الجنان والضجة هادي كلها كانت بنت في عمر ال 19 السنة في غرفة من غرف الڤيلا مسكرتها ومش طايقة حتى روحها...!
قربت .ع الروشن بهدوء تشوف للعريس كيف فرحان بعروسته...♥️✨
ابـتـسـمـت... بس بسرعة ماأختفت الأبتسامة لما تفكرت ألـعـريـس هـادا مـن يـكـون؟....
قعدت تشوف للعروس بحقد وغيرة واضحة هلبا لو كانو النظرات يقتلو را قتلوها؛؛...
مسكينة العروسة واضح انها رح تعاني هلبا وسط هالعيلة🤷♀️!.
طقتين خفاف نطقوا ع الغرفة وخش شخص طويل وعريض ونقشه ع الأشقر🤍.
رائد واقف ع الباب ... مش هكي اتفقنا احني؟
اساور ... مش ح نقدر نشارك فرحة أني مش حاستها كل الي حساته أنه في حد بياخد مكاني💔
رائد قرب منها ... اساور هادي أسمها انانية بوي قداش ماتعب علينا من لما كان عمرك سنة ماما توفت وخلاتك؟.. أني وبوي ربيناك وهتمينا فيك كيف مش قادرة تشاركييه فرحته حتى يوم واحد يااساور ماتتحسسيشي بشي!
اساور بدت تبكي وقعمزت ع السرير ... سماها كيف ماتبي أني مش نازلة خلينيي
رائد قعمز جنبها وحضنها ... اساور أسمعي كلامي ماتخربيش عليه فرحته
اساور مسحت دموعها وحضنت خوها ... يعني لو أني مانزلتش رح تخرب فرحته طبعآ لا أنت ماشفتش نظراته كيف لي هديكا المتشردة كلها حب وفرح حتى أني ماعمره شافلي بنظرات زي هادي.
رائد ... أنتِ بنته وهيا مرته في فرق!! وبعدين صدقيني بوي يحبك هلبا ومستحيل يحب حد اكتر منك
اساور بعدت من عليه وضمت يديها لحضنها ... رائد ماتضغطش عليا مش رح ننزل خلاص تو نشوفه غدوا ونباركله.
رائد تنهد بهدوء وباسها ع جبينها ... براحتك
وقف وهوا يقول ... تو نجيب العشي ونتعشو مع بعض مانبيش اي اعتراض!
اساور حطت يدها علِ بطنها وضحكت ... لا ابداً مافيش اي اعتراض حتى أني جعانة
رائد ابتسم وشبحلها قبل مايطلع ... دقايق ونجي
اساور ... اوكك
رائد طلع ، واساور تنفست بعمق وهيا تحاول تهدي نفسها.
قدام الغرفة :-
عارف قرب من رائد وقال بصوت واطي ... اقنعتها؟
رائد ... لا مسكرة راسها
عارف تنهد بيأس ... صاحبتها جت وقعدة مع عايدة لوطة (تحت) في الصالة نقوللهم يركبولها؟
رائد عقد حواجبه ... من صاحبتها؟
عارف ... يقين يعني من غيرها.
رائد هز برأسه بمعنى تمام ... خليها توا وارجع للحفلة ساد غياب اختك مانبو حد يحس
عارف هز برأسه بمعنى تمام وتوجه للدروج ورائد وراه بس فجأة وقفهم صوت اساور وهيا تقول ... لحظة...استنو
لفولها الزوز في نفس اللحظة.
اساور ... استنو نلبس بس وبننزل معاكم.
رائد يشبحلها بأستغراب!؟
اما عارف ابتسم ... تم هي خفي روحك صاحبتك تستنى فيك لوطة
اساور ابتسمت بحماس ... يقين؟ ناديها خليها تركبلي
عارف نزل من الدروج وهوا يقول ... تم خفي روحك بس
رائد يشبحلها بأرتياب ... شنو غير رأيك؟
اساور ابتسمت بتوتر ... قررت نسمع كلامك وننزل عشان فرحة بابا بس
رائد هز برأسه وهوا مش مقتنع ... تمام هي خشي جهزي روحك أني بننزل للحلفة
اساور ابتسمت بحماس ... تم حبيبي
وخشت لغرفتها.
أنت تقرأ
جنة رائد🤎(روايات ليبية)
Romance- الأمر لا يتعلق كله بالحب بل بالأمان و الثقة. - أحبكِ بقدر كل شيء لا نهايه له. ... رواية #جنة_رائد باللهجة الليبية الطرابلسية 🤎 بوليسية+رومآنسيه 🤎 ... تم النشر يُـوم 29 ديسمبر 2023. لا أسمح بسرقة احداث رواياتي ولا اسمائهم!.🚫
