رجعتلكم بعد سنة من غير كتابة روايات برواية جديدة وسرد جديد وافكار جديدة ✨
.
حاولت نعتزل الكتابة لكن الله غالب ماقدرتش هواية ماقدرتش نكرهها.....خل نحكيلكم ع روايتنا شوية🤎
.
بطل روايتنا ماسك مركز الشرطة بشخصية واعرة هلبااا إلا مع صحابه الثلاته لي هما محمد ومنتصر وفوزي وأخته الصغيرة اساور🤎
طبعه متملك هلباا حاجته حتى لو كان يكرها مستحيل يسلم فيها ، امه متوفية وبوه عايش اسمه عادل عنده خو واحد اسمه عارف متزوج جديد وحناهم بعد وفاة امهم سكنت معاهم.
عارف عايش في شقة فوق الحوش ع طول مقابلتها شقة رائد يلي مزال ماقرر يتزوج.
وبس هادي عيلة رائد يلي هوا بطلنا.
.
.
وبطلتنا يتيمة الأب عايشة حياة كئيبة هلبا وقفت قرايتها لما توفى بوها ومعاش فكرت ترجعلها.
امها سناء ، وخوها الصغير عمره 8 سنين مؤيد 🤎
واختها الأصغر منها جوري عمرها 17 سنة🤎
وعندها ولد خالتها محمد وفي نفس الوقت خوها من الرضاعة عمره 23 سنة وهيا عمرها 21 سنة🤎
.
.
.
لو لقيت تفاعل يعجبني رح نزل الحلقة الأولى🤎.
أنت تقرأ
جنة رائد🤎(روايات ليبية)
Romance- الأمر لا يتعلق كله بالحب بل بالأمان و الثقة. - أحبكِ بقدر كل شيء لا نهايه له. ... رواية #جنة_رائد باللهجة الليبية الطرابلسية 🤎 بوليسية+رومآنسيه 🤎 ... تم النشر يُـوم 29 ديسمبر 2023. لا أسمح بسرقة احداث رواياتي ولا اسمائهم!.🚫
