أبيك لو أنك جمرة تحرق كفوفي

البارت ٢

راح نواف لباب الخلفي حق المطبخ وهو يدقه ويهز على كل دقه طلعت حنين وهي تضربه على رأسه
حنين:اهبل انت شفيك الابتسامه شاقه وجهك
نواف: ابدا جدي حول على العيال كلهم يتزوجون من حفيداته الا انا م جاب لي طاري بس فارس وسطام ونايف
حنين:اماا مين بياخذون
نواف: فارس نجد وسطام رغد ونايف غلا
جات حنان من وراهم وهي تشهق
حنان:ابوي بيزوج نايف غلا الخبله
نواف هبدها وقال:هي حدك على اختي
حنين:هي انت حدك على توأمي
نواف:مالت عليك وعلى توأمك
حنان:ترانا عماتك ي الخبل
نواف:طيب ي عماتي جدي يبي الفطور بسرعه لا يزوجني معهم
حنين:طيب دقيقه
راحت حنين وحنان يعطونه صينيه الفطور

-بالغرفه عند نجد-
جالس تأكل باظافرها ومتوتره من الموقف الي صار فجأة دخول عليها حنين وحنان وهم يزغرطون فزت نجد:والله م سويت شي شفيكم
حنين:ندري م سويتي شي بس عندنا لك بشاره
نجد:وش؟!
حنان:بتزوجين ونفتك منك
نجد:انا!!
حنين:ي بخت فارس بس
نجد:شدخل فارس
حنان:هو الي خطبك ي الدلخه
نجد:ايشش لا لا م أبيه حنين انتي تزوجيه
فطست حنين:ههههههه شفيك خفتي وكيف أتزوجه ي الخبله وانا عمته
نجد:مدري مدري صرفوه دورو له وحده ثانيه
حنان:هذا مو بكيفي ولا بكيفك
نجد:يعني!
حنين:يعني ابوي الي قرر يزوجكم وانتي تعرفين إذا ابوي قال كلمه تصير يعني تصير
نجد:بنات تكفون م ابي خايفه
جات حنان جنبها وهي تتكلم معها بجديه قالت:نجد يروحي ليش خايفه و م تبين
نجد:مدري مدري يخوف
حنين:ي نجد استخيري وشوفي يمكن ترتاحين
نجد:ان شاءالله

-عند العيال-
بعد م افطرو الجد:محمد
محمد:سم يبه
الجد:قم جيب لنا حليب من الناقه
محمد:احلبها يبه
الجد:اجل ايش فز
حمد جلس يضحك:ي حرام بيحلب الناقه مع ذي الشموس
الجد:حمد قم مع اخوك احلبها
طاحو العيال يضحكون عليه
فارس:تستاهل محد قالك تطقطق عليه
حمد:يبه شوفهم هذا وانا عمهم م يقولون لي عمي
الجد:لأنك م تستاهل كلمه عم إذا عقلت ذاك الوقت قالو لك
كتمو ضحكتهم كلهم وراح حمد ورا محمد عند النياق
محمد:تعال تعال انت امسك الطاسه وانا بحلبها
حمد:طيب بس لو هجت
محمد لا معليك م تهج انت اصه عشان هي م تتوتر وتهج حمد:طيب
مسك حمد الطاسه وجلس محمد يحلبها م بقى الا شوي ويعبون الطاسه وهجت الناقه وبرجلها صكت الطاسه وانكبت على محمد وحمد وثيابهم كلها صارت حليب
طالعو ببعض وماتو ضحك حمد:يويلنا من ابوي
محمد:الشكوى لله قم قم نرجع ثيابنا يبست
حمد:ههههههه خذ الطاسه باقي فيها شوي نعطيها ابوي
محمد:والله انه بيذبحني انا وانت

وصلو البيت ودخلو الحوش والجد كان جالس وعنده ترمس قهوه
حمد:ابوي مروق
محمد: يخوفي إذا شافنا يصكنا بالفناجيل الي عنده
لف عليهم الجد:انا قايل م منكم رجاء
حمد:يبه اصبر أفهمك شصار
الجد:وش صار يعني م تشوفون ثيابكم الي تنقط حليب نقلعو عني لا بارك الله فيكم من عيال جاء بندر وطالعهم وجلس يضحك:الحين مين الي ينزل حليب انتم ولا الناقه ههههههه
محمد:تقلع بس
الجد:روحو غيرو ثيابكم ذي
حمد:ابشر

-عند البنات-
جالسين ويتهاوشون مين تسوي الغداء الجده:كلكم تقومون تسونه نجد:عن نفسي م عندي اي مانع اسويه
الجده:هي الي مريحتني نجد احسن منكم
مها:يوهه ي عمه مالقيتي الا نجد اكثر وحده ضايعه بينكم
نجد: محد طلب رايك
الجده:عشان كلامك ذا بتقومين تسوين الغداء ي مها ومحد بيساعدك حتى بناتك فزي وريني طولك وعلى المطبخ
مها بنفسها (عجوز قريح هين إذا م ندمتك على اسلوبك ذا) وراحت للمطبخ تسوي الغداء دخلو عليها حنين وحنان وهم يضحكون حنان:ي عزتي لنا بنتسمم من الغداء حنين:معليه وانا اختك انا م أثق الا باكل نجد السنعه مها ناظرتهم بطرف عين: نجد بزر حدها تفك الغاز هذا إذا كانت تعرف تفكه ههههههه قربت منها حنين وهمست لها:شفتي الغاز الي نجد م تعرف تفكه بجيب شوشتك و أولع فيها عشان اعلمك شلون تتكلمين عن نجد طالعت فيها مها:والله تسوينها ي المريضه
حنان:اجل ابلعي لسانك وسوي الغداء وانتي ساكته
وبعد ساعه جهز الغداء

-عند الجد-
الجد:فارس
فارس:سم
الجد:قم شوف الغداء خلص ولا
فارس:ابشر
وراح فارس وهو يدعي يشوف نجد أو لمحه منها هو م يدري ليش بيشوفها بس م يدري ليه أخذت قلبه
راح فارس ودق باب المطبخ الخلفي وجلس يضبط نفسه
طلعت حنين وهي تضحك:ذا كله عشان نجد
فارس:هاا ايش تقولين انتي
حنين:اممم علينا فارس
فارس:اقول بس الغداء خلص
حنين:رغد جيبي الغداء عشان يوديه اخوك
رغد:طيب

-فالمجلس-
دخل فارس وهو شايل الغداء
بندر:هلا بالحامل بدون المحمول
فارس:افا ي عمي
بندر:اقول جيب جيب
محمد:هب ي ابو بطين
بندر حذفه بكرتون المنديل:قول ما شاءالله
جلسو ياكلون بصمت زي م عودهم الجد عبدالله
بعد م خلصو قال الجد:محمد وحمد المحل اليوم م رحتو له محمد:ابشر يبه شوي نروح له
الجد:زين

-عند البنات-
جلست غلا وهي تتأفف
غلا:ياربي طفش جده نبي نروح المزرعه يومين ونرجع
الجده:اي والله من زمان م رحنا للمزرعه
فزت نجد جنبها:يعني بنروح
الجده:بشوف عبدالله إذا قال اي اي وإذا قال لا لا
غمزت غلا للجده:جده اقنعيه بطريقتك الخاصه
هبدتها الجده على راسها:ي قليله الأحياء عيب عيب استحي
ضحكت غلا:حاضر ي جده بس نبي نروح
الجده:خلاص اسكتي ازعجتيني
مها:لو انها نجد م قلتي لها أزعجتيني
كلهم لفو عليها وسكتت

-الساعه ١٠:٣٠ الليل-
الجد:يلا يلا قومو نامو عطيتكم وجه
بندر:اول مره ابوي م يطردكم تنامون الساعه ٨ عطاكم ساعتين زياده
الجد:انت وراك م تسكت وتنقلع لزوجتك
بندر:سم
راحو كلهم ينامون

-في غرفه الجد-
صلت الوتر الجده ولفت على عبدالله
الجده:عبدالله بشاورك
الجد عبدالله:اسلمي
الجده الجازي:نبي نروح للمزرعه يومين ونرجع
الجد عبدالله:حاضر ي الجازي نروح ليش م نروح اصلا مطولين م رحنا
الجده الجازي:اجل تم
الجد عبدالله: هيا قوميهم بدري عشان نتغداء بالمزرعه
الجده الجازي:حاضر

-عند مها وفهد فغرفتهم-
فهد:ي مها امي لازم تتحملينها
مها وهي تمثل البكي:م اقدر تتامر علي ومخليه ساره م تشتغل شي فوق ذا تقول نجد احسن منك ومن طبخك
فهد:شدخل نجد نجد مسكينه حالها حال نفسها وان شاءالله بتصير زوجه ولدك
لفت عليه بصدمه مها:ايشش ولدي يأخذ ذي
فهد:شفيها كامله والكامل الله وبعدين ابوي قال كلمه وخلاص مها:طيب طيب إذا م خربت الزواج ذا م اكون مها
فهد:ي بنت الناس مالك دخل بزواج ولدك
مها:اصه انت ولدي وانا أتفاهم معه
فهد:حاضر .....

تفاعلكم ي حلوين🩷✨
تيك mrl_876