الجد: عزمتي اهل الديره
الجده الجازي: اي عزمتهم كلهم حتى عيال ابو زياد الله يرحمه الجد: اي زين ، قالي سطام انه بيطلعونه الظهر كذا يمديه يرتاح لين م يجون الضيوف
-في غرفه البنات-
نجد: اوفف ايش البس للعشاء بكره
حنين: عادي اي شي انتي بسم الله عليك لو لبستي خيشه طلعتي تهبلين نطقت حنان: اي والله
ابتسمت نجد ونطقت غلا: تصدق نفسها ترا
حنين: وانا صادقه تهبل بكل حالاتها
نجد: طيب شوفو البس الفستان الاحمر ولا الاسود
حنان: الأحمر احلى
رغد: يهبلل ي نجد
غلا: أجل أنا باخذ الفستان الأسود رمته عليها نجد ونطقت: خذيه ولفت على البنات ونطقت: انتم وش بتلبسون
حنين: عندي فستان سماوي محد شافه
حنان: وانا عندي فستاني حق زواج صاحبتي محد شافه
رغد: وانا كمان عندي فستاني الابيض محد شافه حتى
غلا: حنا نشتري فساتين على الفاضي م عندنا مناسبات
نجد: لا ي حبيبتي زي الحين لو م عندنا فساتين ابتلشنا م عندنا شي نلبسه للعشاء
حنين: اخلصو نامو يلا ورانا شغل الصباح
-عند العيال فالمجلس-
كل واحد على فراشه عند فارس الي يهوجس في نجد وقرر اذا خلصت العزيمه بكره يتكلم مع جده
اما محمد وحمد في سابع نومه ونواف الي متحمس لعزيمه بكره هو م يدري ليه متحمس بس يحس فيه شي بيصير
-فالمستشفى-
سطام: جدي قال كلمه تتنفذ ي نايف فاهم
نايف: بس انا م ابيها م احبها
سطام: مو ضروري تحبها الحب بعد الزواج أنا بتزوج بنت عمي فهد وانا لا اعرف اي شي عنها والنصيب ولا انت فيه وحده ببالك؟
ارتبك نايف ونطق: لا بس مدري
سطام: انت تدري ان جدي بيزوجكم يعني بيزوجكم فالا تحاول نايف: طيب يمكن حتى هي مغصوبه علي
سطام: نايف لاتقعد تلف وتدور أنا اعرف انك تكره غلا ويمكن هي مو زي الي ببالك يمكن تغيرت عن وهي صغيره وانت استخير عاد
نايف: يصير خير
سطام: هيا نام عشان يمديك تقوم بدري عشان نطلع
-فالصباح يوم الجمعه ٩:٣٠-
قامو كلهم وجالسين يفطرون خلصت حنين ووقفت واشرت على البنات ونطقت: اذا خلصتو تعالو عندي اقسم الشغل عليكم غلا: يالله صباح خير اصبري طيب دوبنا م قلنا بسم الله نطقت حنين: أنا م قلت لك قومي قلت اذا خلصتو تعالو ساره: أنا بروح لنايف اودي له الفطور تبين شي ي عمه
لفت الجده ونطقت: سلامتك ي بنيتي لاتتاخرون
سلمت على راسها ساره ونطقت: ابشري
راحت حنين للمجلس ولقتهم يفطرون جات وسلمت على رأس الجد: تعالي ي حنين شيلي الفطور السرابيت ذول م يبون
نواف: من قالك مانبي ي جدي
الجد: شيلي الفطور ي بنت
حنين: ابشر
لما جات جهه نواف همس لها: ابوك شاد حيله ليه
همست له حنين: اسكت لا اعلمه
شالت الفطور وراحت تغسل المواعين
-فالمطبخ-
دخلت نجد وهي شايله صينيه الفطور حقتهم
ونطقت نجد: غسليهم
رمت حنين اسفنجه المواعين الي بيدها ونطقت: استغفرالله يارب تجي حنان تغسلها أنا يالله اغسل حقت الرجال نجد: طيب بشويش شفيك خلاص اروح اناديها
راحت تناديها وجات حنان: انتي ليش م تكسبين فيني اجر وتكملين المواعين سكرت المويه حنين ولفت عليها ونطقت: انا خلصت المواعين دورك انتي خلاص عاد قلنا تعبانه بس مو يعجبك الوضع حنان: خلاص خلاص بغسلها حنين: أنا بروح اقسم الشغل عليهم
حنان: طيب
راحت حنين للبنات ونطقت: يحليكم تعالو تعالو م قسمنا الشغل! رغد: طيب اخلصي وش بنسوي
حنين: نجد تروح تنظف الغرف وغلا قسم الحريم ورغد تنظف قسم الرجال كله ونجد غرفتنا لاتنظفيها عشان نتجهز فيها مره وحده بعدين أنا انظفها
غلا: لا والله
حنين: نظفي وانتي ساكته
غلا: طيب طيب
تقسمو البنات على شغلهم خلصت رغد قسم الرجال وفرشت لنايف عشان ينام عليه فالمجلس عشان لو جاء يجلس هنا مره وحده حتى اذا جوا الرجال يسلمون عليه اما نجد خلصت الغرف وغلا خلصت قسم الحريم وتجمعو بالمطبخ غلا: اهخخ تعبت
حنين: اقول قومو صلو وتعالو نخلص الحلا والضيافه وبعدها اجلسو قامو يصلون ورجعو يكملون الحلا
غلا: يعني لازم كذا حلا
نجد: اي لازم شتبين يقولون عنا عازمينهم ومو مسوين الا حلا واحد والبيت مليان بنات وش بيقولون عن جده!
حنان: البنت ذي تعجبني اختصرتها لك تبينهم يتكلمون عن امي يعني
غلا: يوه يوهه خلاص خلاص
حنين: وحده منكم تسوي الغداء سطام ونايف يجون الحين م يلقون غداء وسطام ضعيف من يوم طاح نايف بالمستشفى وهو معه
رغد: اي والله حزني تلقين أكل المستشفى الله يديم النعمه اجل أنا بقوم اسوي الغداء
طالعو فيها البنات بصدمه
نجد: رغوددد وضعك مشكوك فيه
غلا: ومسويه سنعه تقول بسوي الغداء له حزني
حنين: هههههه نيتها زينه بس انتم قليلات ادب
رغد بصدمه: وجع انتي وهي انتم نيتكم يبي اغسلها لكم بكلوريكس
حنان: معليك منهم سوي الغداء بس
