نطقت نجد بتعب: لاتتركني
فارس بخوف عليها صرخ عليهم ونطق: الاسعاف بسرعه !!
راشد من برا نطق: م يمدي شيلها حنا نوديها
شالها فارس وركض فيها لسيارة نواف وانطلق للمستشفى
- بالبيت -
كان الجد يدق بعصاته بالأرض بغضب ونطق بهمس: كل شي ابيه يخرب يخرب هين الحين بياخرون زواج نجد وفارس عشان البنت ماندري وين قلعتها بس معليه بعد بكره غلا ونايف بدالهم زواجهم وملكتهم بنفس اليوم واشوف وش بيوقفني
جات الجده من وراه اللي سمعت همسه ونطقت: استغفر ربك ي رجال يمكن ربي مو كاتب شفيك ناوي على الزواج ذا
الجد: اسكتي ي مره كلمتي قلتها بعد بكره زواجهم يعني زواجهم
الجده: ي عبدالله نايف وغلا واضح مو متقبلين بعض خلهم لا تجبرهم
الجد: من متى ناخذ رأيهم الزواج يتم يعني يتم متقبلين بعض ولا لا زمان كانوا يزوجونا بدون م يسألون الرجال حتى واللي قدهم المفروض معهم اثنين
الجده: يرجال خاف ربك انت رجال تصوم وتصلي وتعرف ربك انه لو اصريت على موضوع وربي مو كاتبه ماراح يصير
الجد: بيصير بس انتي فكينا من كلامك الشين
الجده: أنا اقولك عاد إذا بتزوجهم ترا ماراح يتقبلون بعض وراح توصل لاطلاق لاسمح الله
الجد: مين يطلق والله لا انتف رقبته
الجده: بكيفك عاد حذرتك
الجد: ماراح يصير شي بس تفاولي بالخير يحرمه
- بالمستشفى -
طلعو نايف وكان محمد سانده وعلى طلعتهم شافوا فارس داخل الطوارئ ويصارخ ونجد بين يدينه كانها جثه شهق نايف من منظر نجد وفلت يد محمد اللي ساندته وركض ناحيتهم اخذ نجد من فارس وحط راسها على رجله ونطق بخوف ودموعه بدت تنزل مثل الشلال: يعيون اخوك انتي من سوا فيك كذا نجد امي تكفين لاتروحين وتخلين اخوك يحتاجك نجد تكفين أنا عارف انك اقوى من كذا يروح اخوك لاتستسلمين وربي لا اخذ حقك منهه ي نجددد قربوا الدكاتره منه وشالوا نجد من بين يده صرخ بقهررر: نجددددد لاتتركينااا يعيون اخوك طالبك تكفين بدأ يضرب بفارس ويصرخ بوجه: ليش م ذبحته ليشششش
فارس بتعب: اخذوه الشرطه
نايف: وين انطق
فارس: مالي حيل اتكلم دق على نايف اساله
جاء محمد وحمد ونطق محمد: قوم نايف انت دوبك تعبان تعال نرجعك البيت ونروح حنا للمركز نشوف
فز نايف بغضب ونطق وهو يأشر على قلبه: هذي اختي مكانها ومعزتها عندي هنا والله لو اني منشل لاروح واجيب اللي خلاها توصل لذي الحاله قوم ودوني للمركز ولا اتركني اروح لحالي
حمد: خلاص نوديك وانت ي فارس اقعد مع زوجتك وانا بدق على سطام يجيك
فارس: طيب بس قوله لا يتاخر
راحو العيال وجلس فارس ينتظر نجد وهو يدعي ربه انها م تروح من بين يده
- عند سطام -
حس سطام انه فجاه بيبعد عن ذي المشاكل حس انه مو قدها استودع نجد ربه وطلع من البيت ورايح فوق الجبل شافته رغد لما طلع وجه واضح عليه الضيق اخذت عبايتها وطلعت تتبعه بخطوات بطيه عشان م يشوفها راح سطام جلس برأس الجبل وضم رجوله لصدره وحط راسه على رجله وتنهد بتعب جات رغد من وراه وماتبي تخوفه جلست جنبه بهدوء وسوت نفس وضعيته وحطت راسها على كتفه رفع راسه سطام
نطقت رغد بسرعه: لاتخاف تراني رغد
ابتسم سطام ونطق بهدوء: فكي النقاب م حولك احد
ابتسمت رغد ونطقت: ايه تبيها انت من الله
فكت النقاب ومد سطام يده يبعد الطرحه عن شعرها اللي طيره الهوى ونطق:
