محمد: خرشتيني ي الدلخه
كانت حنين جالسه بالأرض ومتربعه وشوشتها بينه بالظلام تخوف نطقت حنين: وين كنت ي السربوت شهقت لما شافت وجدان ورا محمد فزت ومسكته مع أذنه ونطقت: هذي اخرتها ي محمد متزوج من ورانا ضحك محمد ونطق: مو متزوج ي بنت الحلال بس فكيني
شهقت حنين لما بالها راح لبعيد ونطقت بصدمه: انت تسويها ي محمد مستحيل نطقت وجدان بخوف: لا لاتفهمين غلط انا لا اعرفه ولا هو يعرفني تخصرت حنين ونطقت: لا والله اجل وش جابك معه جلسها محمد وفهمها السالفه وتعاطفت حنين معها ونطقت: خلاص انقلع للمجلس مع العيال وخل البنت معي لفت عليها ونطقت بابتسامه: صاحبتي الجديده
ردت لها الابتسامه وجدان كش عليها محمد ونطق: مالت عليك بس الصبح بفهم ابوي بهدوء بس انتم لاتطلعونها من الغرفه وعلمو امي وامي بتحبها ولف على وجدان ونطق: البيت بيتك وانا اخوك وذول خواتك وبتحبين امي بعد ان شاءالله يلا استاذن
وجدان بهدوء: مشكور راح محمد ولفت حنين بصدمه لوجدان ونطقت: هذا محمد اخوي لا لا مستحيل
ضحكت وجدان ونطقت: يزينك
ابتسمت لها حنين ونطقت: هيا الغرفه تلقين البنات كلهم صاحين
-بالغرفه-
دخلت حنين ومعها وجدان ونطقت: رحبو بي بنتنا الجديده حنان: حنين مين ذي
حنين: بنتنا الجديده شفيك
رغد: درينا انها بنتنا الجديده بس مين هي
سكرت الباب حنين ونطقت: اص لحد يسمعكم ولفت على وجدان وكملت: قولي لهم ي عيوني ترانا زي خواتك
نطقت وجدان بتوتر وقالت السالفه كامله لين محمد جابها هنا بكت غلا: يروحي انتي خلاص صرتي بنتنا تراك
وجدان ضحكت ونطقت: ليش تبكين طيب
نجد: ام دميعه حنان: الحين ابوي ايش بيقنعه
وجدان: والله اسفه لو بسبب لكم مشاكل
نجد: شدعوه وجدان
رغد: اسكتي بس صرتي بنتنا انطمي
حنين: يلا يلا ابعدو بتنام جنبي ترا
غلا: اقول اصه بس بتنام عندي انا
نجد: اذلفي نامي عند زوجك وش جايبك عندنا
وجدان: متزوجه انتي!
غلا بصدمه: لا لاتصدقينها تراها مرات تجيها حاله تزوجنا وطلقنا على كيفها نجد بصدمه نطقت: ي عزتي لاخوي بس ونايف الي منسدح فالمجلس وش يصير لك
غلا: ولد عمي
حنين: لا ي شيخه
نجد: لا اقصد فالمستقبل
غلا باستعباط: كمان ولد عمي
حنان: يراسي خلاص نامي نامي
نامو وعن وجدان الي اندمجت معهم بسرعه وارتاحت نوعا ما بس هي ماتدري بكره ايش بيصير وخايفه
-الصباح ٨:٠٠-
قامت وجدان على صوت الجده الجازي وهي تشهق
حنين: يمه البنت نايمه أرخي صوتك
الجده: الله يكتب أجرك ي محمد
حنان: يكتب أجره على ايش تراه بس ساعدها وجابها عندنا الجده: وهذا كله مو اجر لفو على وجدان اللي قعدت ابتسمت الجده بحنان ونطقت: ي مرحبا بوحده من بناتي ابتسمت وجدان وقامت تسلم على راسها ونطقت: ان شالله م اثقل عليكم ي خالتي
الجده: م ثقلتي علينا ولاشي ي بنيتي وبعدين لاتقولين لي خالتي قولي لي يمه حالك حالهم جتها غصه وجدان لما تذكرت امها المتوفيه ونطقت: ابشري يمه
ابتسمت الجده ونطقت: اجل يلا مع خواتك على المطبخ صرتي وحده منا لاتستحين وعبدالله بنفهم هو صدق شديد بس حنون وم يحب يبين حنيته ويغطي عليها بشدته شوفي ي بنتي مها لاتتكلمين معها هي تدور المشاكل الله يصلحها بس بناتها طيبات ترا
وجدان: هي بناته نجد وغلا
حنين: لا بس رغد وغلا نجد بنت اخوي بندر وزوجته تهبل تحطينها على الجرح يبرى
ابتسمت وجدان
