فارس: انت سكت لما حس السكينه دخلت بين ضلوعه
المتلثم: هديه زواجك ي فارس
هج وتركه غرقان بدمه
طلعت نجد من المطبخ شهقت لما لقت فارس طايح جثه عند باب الحوش ركضت له حطت يدها تحت راسه ترفع راسه على رجولها نطقت بكي: لا تكفى فارس لا تغمض عيونك ركز معي فارس صرخت بأعلى صوتها: سطاممم جاء سطام ونطق: شفي... م كمل كلامه الا يشوف فارس غارقن بدمه بحضن نجد بصراخ: ذبحوه ذبحوه دفنت وجها بحضنه تبكي تجمعو كل البيت حوالينها ودقو على الاسعاف سطام: نجد قومي تغطي نواف بيدخل قومي نجد بصراخ: مابي مابي ماراح تأخذونه من عندي لفت على أبوها ونطقت بغصه: يبه مافيه شي صح ماراح يصير له شي قرب لها بندر وقفها ونطق بهدوء: تعالي معي ي نجد تعالي
وقفت نجد ونطقت: م راح تاخذونه الا وانا معه سامعين
دخلت تركض تلبس عبايتها وجات بتطلع مسكتها ساره ونطقت: ي نجد وانا امك اصبري هم بيروحون يودونه وبعدين تروحين نجد بكي: والله م يتحركون من هنا إلا وانا معه رجعت لفارس بعبايتها
فجاه البيت انقلب من فرح إلا حزن كلهم كأنو يبكون الوحيده اللي ماسكه نفسها الجده اما مها ولا كان فيه شي ولاكان ذا ولدها م أعطت اي رده فعل
-فالحوش-
المسعف: شخص واحد يطلع معه لسياره الإسعاف
نواف: ان...... قاطعته نجد الللي طلعت بعبايتها ونطقت: أنا بطلع معه
المسعف: يلا طيب
ركبت نجد مع فارس مسكت يده ونطقت بغصه: ماراح تتركني صح م رد فارس اللي كان كانه جثه تماماً انهارت زياده
-بالمستشفى-
نزلو كلهم ودخلو الطوارئ ودخلو فارس غرفه العمليات
الدكتور: يا اختي م يصلح تدخلين معه غرفه العمليات
نجد: بدخل يعني بدخل
جاء سطام مسكها ونطق: ماراح تدخل يدكتور ولف على نجد وكمل: خلاص خليهم يشوفون شغلهم دفته نجد ونطقت: بدخل يعني بدخل قلت راحت متجهه لباب غرفه العمليات سحبها سطام وثبتها قدامه وصرخ بوجهها: نجددد خلاص قلت اقعدييي ارتمت نجد بحضنه تبكي حاوطها سطام لما حس انه قسى عليه شوي
نجد بكي: بيروح ي سطام ماعاد بشوفه
سطام: لا من قال بيروح بيقوم ان شاءالله
انتظرو ثلاث ساعات وباقي فارس م طلع
-الفجر ٥:٠٠-
طلع الدكتور وابتسم ونطق: الحمدلله نجحت العمليه بس لازم يجلس عندنا على اقل اسبوع بس
ابتسموا ونطقت نجد: اقدر أشوفه
الدكتور: ايوا بس لازم واحد بس يرافق معه
نجد بسرعه: أنا
سطام بهمس: نجد اهجدي نواف بيرافق معه اخوه اولا فيه لفت نجد بغضب ونطقت: زي ماهو اخوه هو زوجي واسكت تراك واقف لي هنا خلني
سطام: خلاص اص
نواف: لا عادي سطام خل زوجته ترافق معه أنا اهم شي تطمنت عليه بكره أنا اجلس عنده
سطام: اجل خلاص المغرب نجيك وارسل لك حمد يجيب لك أغراض لك ولفارس إذا صحى
نجد: تمام
دخلت نجد عنده وصلت الفجر وجلست تدعي ربي يقومه بسلامه خلصت من صلاتها دخلت الدكتوره ونطقت: تقربين له
نجد: اي زوجته
الدكتوره: تمام هو الحمدلله جسمه قوي فا ماتأثر مره ممكن يصحى بعد ساعتين وممكن يصحى الظهر الله واعلم نجد: تمام أنا عنده اي شي يصير بلغتك
طلعت الدكتوره ونزلت نجد الكفتريا تجيب لها فطور وترجع
