سطام كان متوتر وهو يدق كذا مره على نايف و م يرد
جات ساره:سطام وانا أمك قلبي مو مرتاح وين نايف
سطام:اصبري يمه
دق جوال سطام
.....:السلام عليكم
سطام:وعليكم السلام
.....:انت تقرب لنايف بن بندر
سطام:اي ليه!
.....:ولدكم جاءنا مطعون وفقد دم كثير
سطام:ايش اي مستشفى
.....: مستشفى.....
قفل سطام ولف على امه الي تبكي سطام:يمه بسم الله عليك
ساره:ودني لولدي ي سطام
سطام:ابشري
سمعتهم غلا هي صدق م فيه شي يربطها فيه بس خافت راحت تركض لجدها غلا:جدي جدي
الجد:انتي شبلاك تركضين
غلا:سمعت سطام يكلم خاله ساره ان نايف بالمستشفى تكفى روح شوفه
الجد:كيف فالمستشفى وبندر قايل مع خويه
غلا:مدري مدري
الجد: قوميني اروح اشوف قومته غلا ودخلته فالمجلس
-فالمجلس-
بندر قاعد يتقهوى ويسولف مع محمد دخل عليهم الجد:حسبي الله عليك من ولد انت م تدري وين ولدك وتكذب علي بعد قم جعل تقوم قيامتك
فز بندر:هد هد شصاير
الجد:ولدك بالمستشفى و ماتدري عنه
بندر؛ايش نايف بالمستشفى!
الجد:قم قم ودني له
دف الجد غلا الي ساندته وراح مع بندر غلا بهمس:اح عادي عادي تمون ي جد ياربي شفيه نايف يعني لازم اعرف ولا الفضول بيذبحني فزت غلا لما تذكرت نجد
ركضت لها
نجد:هوب هوب شفيك انتي
غلا جلست نجد وحطت يدها على رأسها غلا:نجد قولي لا إله إلا الله نجد:وجع شفيك انتي
نطقت غلا بسرعه:نايف بالمستشفى
نجد:تمزحين صح
غلا:لا وربي فالمستشفى بس معليك ما مات
قامت نجد تدور أبوها بس م لقته
غلا:اصبري اصبري الحين بقول لابوي نروح كلنا هم سبقونا وراحو المستشفى
نجد شافت عمها فهد جاء أسرعت له
نجد وهي تبكي:ي عم تكفى نايف بالمستشفى خلنا نروح
انفجع فهد:ايشش المستشفى بسرعه روحي البسي عبايتك والحقيني لسياره راحت نجد تلبس عبايتها وطلعت وغلا معها
-في المستشفى-
وصلو سطام وامه والجد وبندر راح سطام للاستقبال
سطام:سلام عليكم نايف بن بندر وين غرفته
البنت الي تشتغل بالاستقبال: وعليكم السلام بالعنايه الدور السادس غرفه ١٠٧ طلعو للغرفه وشافو دكاتره متجمعين حول الغرفه سطام بيتأكد إذا اخوه الي بالغرفه ولا سطام:ايش اسمه المريض الي بذي الغرفه
دكتور "عبدالعزيز":نايف بن بندر انتم أهله!
الجد:ي وليدي الولد حي ولا ميت
قبل يكمل الدكتور في آخر السيب شافو فهد يدور من بين الغرف شافهم وأسرع بخطواته
فهد:وينه شفيه
الجد:اصبر ولف على الدكتور كمل
الدكتور:نايف جاء لنا مطعون وفقد دم كثير
كلهم:مطعون!!!!!
الدكتور:انتم لكم أعداء أو له اعداء!
سطام:لا ماله اعداء
الدكتور:تمام هو فقد دم كثير ونحتاج متبرع
فهد:ايش فصيله؟
الدكتور: A+
فزت غلا: انا انا
طالعوها باستغراب غلا: شفيكم مجرد مساعده!
الدكتور:تمام تفضلي معي
راحت غلا مع الدكتور ودخلت بوحده من الغرف وناد الدكتور الممرضه
الدكتور: اسحبي منها كيسين دم
الممرضه: تمام
جات الممرضه تسحب دم ولما خلصت غلا حست بدوخه اعطتها الممرضه عصير تشربه عشان تروح الدوخه بعدها طلعت لهم غلا وجلست جنب نجد
غلا:شدعوه تبكين مافيه شي ان شاءالله ونطقت غلا من باب المزح: دمي اختلط بدمه
ناظرت فيها نجد:غلا اعترفي تحبينه!
غلا وهي مكمله الكذبه: اهخ ي نجد احبه كلمه قليله بحقه نجد:هاااا
غلا بضحك:امزح امزح ههههههه
ناظرت فيها نجد بشك
طلع الدكتور بندر:بشر ي دكتور
الدكتور:بخير الحمدلله تعدى مرحله الخطر بس دخل بغيبوبه ولا ندري متى يصحى طاحت ساره تبكي:اهخخ ولدي بيروح مني يألله إذا بتاخذه خذني معه يارب ولدي
بندر مسكها: ي حرمه مافيه شي ولدك قومي قومي وادعي له
-بعد ثلاثه شهور-
ولحد الآن نايف م صحى ولحد الآن م يدورون مين الي طعنه
-فالمستشفى-
كانت ساره جالسه تقرا عليه وخلصت ولفت على سطام
ساره:أنا بنام عنده اليوم رح للبيت انت لك ثلاثه شهور جالس بالمستشفى
فز سطام يسلم على يد امه سطام:لا يمه انتي روحي ارتاحي بالبيت ومتى ماتبين تشوفينه تعالي أنا بجلس عنده ساره:الله يهديك وانا أمك أبيك ترتاح شوف وجهك شلون واضح فيه التعب
سطام:معليك يمه أنا برتاح إذا صحى
ساره:الي يريحك ي ولدي
جلس سطام وهو يقسم ويحلف إذا مسك الي طعن اخوه
ليذبحه لو هذا الشي يكلف روحه
-في بيت الجد-
عند الجد الي خلاص قرر إذا طلع نايف بسلامه يزوجهم ويفتك من ذي السيره قال كلمه ولازم ينفذها
-فالسطح-
جالسه نجد لحالها والهوى يطير شعرها وتهوجس هي ذي الفتره مو فاهمه نفسه صايره تفكر بفارس كثير اي هي خايفه خايفه تكون تحبه فنص تفكيرها حست في احد جاء من وراها وغطاها بشال ولفت......
حبايبي ادري البارتات قصيره بس بصير انزل كل ثلاثه ايام
وان شاءالله يكون البارت اطول من كذا 🤍.
حسابي تيك mrl_824 ✨
