نجد: بسم الله
حنين: هههههه شفيك فزيتي شفتك جالسه قلت اجي اجلس معك وبعدين انتي طالعه بالبرد ولابسه علاقي بدون شال
نجد: تصدقين م حسيت بالبرد
حنين: ايوا وش تفكرين فيه
نجد:م ادري حنين بقولك كل شي بس بيني وبينك لان تعبت وانا افكر
عدلت جلستها حنين لما حست الموضوع جد
حنين: شفيك
قالت نجد المواقف الي صارت بينها وبين فارس وكيف هي تحس انها حبته و م تقدر تطلعه من تفكيرها
حنين: اخس طيب انتي استخرتي
نجد:اي واحس مرتاحه عادي بس ابوي م فاتحني بشي!
حنين: افا ي نجد م توقعتك خفيفه
نجد ضربتها بكتفها: م اقصد بس سالفه صار عليها ثلاثه شهور ومحد تكلم
حنين: اي ابوي مايبي احد يتكلم فالموضوع لحد مايقول هو جلست نجد وتنهدت ونطقت: اهخخ ي نايف الله يقومه بسلامه حنين: ان شاء الله بيصحى بس م عرف سطام من الي تعرض له
نجد: لا يقول استنى نايف يصحى ويسأله
-في بيت اول مره نروح له-
دخل زياد وهو متلثم جات سولاف تركض له
سولاف:زيادد وينك لك ثلاثه شهور مختفي
زياد: انحشت من الحكومه خفت تمسكني ولا يبلغ علي
سولاف: شسويت فيه
زياد: ابد بس طعنته وهجيت
ضحكت سولاف: يستاهل اجل أنا يبيعني عشان وحده بزر
زياد مسك شنبه: والله وثم والله ذا الشنب م يكون شنب رجال إذا خلال ثلاثه شهور م تكونين زوجته وحامل منه م اكون ولد رجال سولاف ابتسمت بهيمان: اهخخ يليت
زياد: معليك بيصير
تعريف:
زياد وسولاف اخوان امهم وأبوهم متوفين كأنو اهلهم معروفين بطيبتهم بديره بس الله يرحمهم وعيالهم طلعو عكس امهم وأبوهم زياد: شهاده ثانويه فقط عمره ٢٤ يحب المشاكل وطامع في تجارت الجد عبدالله وفلوسه والمحل الي بديره اما سولاف:تحب نفسها بس ونايف تحبه كمان مصلحه وشهاده ثانويه وعمرها ٢١ "اما نايف كان يحب سولاف حب جد بدون محد يدري بس لما جده قال له عن موضوع غلا عرف انه جده مستحيل يتراجع فاراح عند سولاف"
-قبل ثلاثه شهور-
طلع نايف من المجلس وهو معصب وراح بيت سولاف بسرعه هو يعرف ذا الوقت اخوها مو فيه دق الباب وطلعت سولاف بطرحتها سولاف:هلا حبيبي من زمان م جيتني زعلانه منك نايف: م فضيت والحين أنا بمصيبه سولاف:مصيبه؟
نايف: جدي تعرفينه إذا قال كلمه مستحيل م ينفذها صح
سولاف: ادري
نايف: جدي غصبني اتزوج غلا بنت عمي
سولاف: ايش تتزوج ذي البزره
نايف: غصبن عني
سولاف بانفعال: ايش الي غصبن عنك تتزوج بنت ال...
صرخ عليها نايف: سولافف أنا جد مو طايقها ولا ابي أتزوجها بس حدك تغلطين عليها غلا بنت عمي مهما صار فاهمههه وبعد كلامك ذا عنها لا أنا أعرفك ولا انتي تعرفيني حتى لو م تزوجتها م أتشرف انك تكونين زوجتي بعد كلامك ذا راح نايف وتركها سولاف بنفسها هين ي نايف هين
طبعا زياد يدري بعلاقه اخته مع نايف بدال م يعصب عليها بالعكس انبسط لأنه بيوصل للي يبيه
-الصباح ٤:٣٠-
قام الجد ولقى الجده الجازي فارشه سجادتها وتسبح
الجد: اذن الفجر
الجده الجازي: لا باقي بس كنت اصلي الوتر
قام الجد يتوضى ويتجهز للصلاة وطلع وراح للعيال فالمجلس وضرب العصا فالباب فزو العيال
الجد: قم انت وياه يلا على المسجد
محمد وهو بنص نومه: الله يهديك ي ابوي حتى بالحلم طالع لي ضربه الجد بالعصا: قمم
فز محمد وهو ماسك مكان الضربه: اوهه طلع صدق
الجد: اخلص رح توضى ووراي المسجد بسرعه
محمد: ابشر ابشر
راحو توضو بسرعه ولحقو الجد للمسجد
