الجد: اسمع ي فارس امك تعدت حدودها وانطردت من ذا البيت واللي يتعدى حدوده على احد من أحفادي كانه تمادى علي
فارس بصدمه: ليه امي شسوت
الجد: امك قامت تتفاول عليك بالموت هذا وانت ولدها كيف تقول عن الغريب
سكت فارس مايدري ايش يقول كيف يتكلم ماتوقع في يوم أمه تصير ضده أو تتمنى له بالموت
-بالسوق-
كانت وجدان تلف وتدور تدور على فستان ابيض هادي
نجد: تعالي ندخل المحل ذا نشوف
وجدان: اوف تعبت وانا ادور مالقيت
حنين: ادخلي يمكن تلقين
دخلو البنات للمحل
شافت وجدان فستان ابيض هادي مفتوح من عند الصدر
وجدان: بنات شوفو هذا شرايكم
نجد: يجنن
غلا: مالك حق ماتاخذينه مره يهبل
وجدان: يعني اخذه؟
رغد: وبدون ماتفكرين حتى
أخذته وجدان ونطقت: لازم الحين ادور كعب هادي يليق على الفستان
حنين: سهل اهم شي لقينا الفستان
جات نجد من بعيد ومعها كعب ونطقت: لقينا كعب سندريلا
ابتسمت وجدان ونطقت: خلاص مابقى لي إلا أشياء بسيطه
رغد: يلا خلصنا من العروس الحين ندور لنا
بدو البنات يكملون يدورون فساتين وكل وحده اخذت فستان معين ابتلشت وجدان كيف بتروح تشتري أغراضها الباقيه والبنات معها مسكت حنين على جنب وقالت لها
وجدان: اسمعي روحو بمكان واحد بروح اشتري كم غرض واجي
حنين: وليش مانروح معك
وجدان: اقمصت نوم وش تبين فيها
ضحكت حنين ونطقت: اوو جوييي اجل رجلي على رجلك
وجدان: تستعبطين صح وين تذلفين
حنين: صاحيه انتي تستحين من خواتك امشي امشي بس
وجدان: ليتني م قلت لك
دفتها حنين قدامها عشان تمشي قالت حنين للبنات: بنات يلا نروح مع العروس نشوفها وش بتلبس لاخونا
شهقت غلا ونطقت: أنا أنا بختار لك
وجدان: انقلعو بس بلبس له قميص روز
نجد: تخسين نبيك تجيبين راسه وتقولين قميص روز!
-بالمحل-
دخلو المحل شهقت غلا: إذا بتزوج عشان هذا الملابس وهجت عن حنين عرفت انها بتهبدها على كلامها لحقتها حنين بنص المحل مسكت نجد راسها ونطقت: يويلي فضحونا
رجعت غلا تضحك وحنين ماسكتها ونطقت: يلا نكمل أبتسمت وجدان وبدو يدورون لها لقت وجدان واحد احمر طقم كامل شهقت نجد ونطقت: لا لا دوري لك ابيض
وجدان: ادري ي الدلخه اجل من اول يوم البس احمر لا اكيد بس عجبني باخذه غمزت لها رغد ونطقت: بصير ثور عمي قدامك
وجدان: اقول اصه وامشي بدو رحله البحث مره ثانيه ونطقت وجدان: لقيته بنات يجنن مره
حنين: ذوقك الصراحه خيال اهنيككك
ابتسمت وجدان ونطقت: خلاص اخذت اللي يكفيني هيا نحاسب
راحو يحاسبون وطلعو وقفت وجدان عند باب المحل وقالت بضحك: بنات وربي بس محل واحد وبعدها خلاص
رغد: متاكده محل بس
وجدان: محلين بس معليكم خلاص بخلص أغراضي وانفك
حنين: والمحلين ذي وش تبين فيها
وجدان: محل بشتري منه كريمات وعطورات الجسم والعنايه الكامله ومحل بشتري منه الاكسسوارات اللي ناقصتني
نجد: تمام بزواج بتلبسين الشبكه!
وجدان: ادري بس كمان أنا اكيد بطلع بعد الزواج عندكم يجيكم ضيوف يكون واضح اني عروس
ابتسمت غلا ونطقت: وأطلق عروس بعد امشي امشي
راحو لمحل العنايه وبدت تشتري اللي تحتاجه وجدان وطلعت وراحت لمحل الاكسسوارات دخلو المحل وجات غلا قدامها ونطقت: اووو جوي عاد خليها علي
وجدان: أنا بفهم مين العروس أنا ولا انتي
غلا: لا بس يعني اوريك ذوقي يمكن يعجبك
وجدان: اجل امشي وريني ضحكت غلا ونطقت: تم
بدت توريها ومنجد عجبها وجدان ذوقها لفت على حنين ونطقت: حنون امانه شفتي الفساتين اللي اخذتها تذكرينها صح؟
حنين: ايه
وجدان: امانه روحي نسقي عليها كم كعب وجيب كعب احمر اهم شي اثق بذوقك ترا
ابتسمت حنين ونطقت: اهم شي الاحمر
ضحكت وجدان وطلعت مبلغ وعطتها ونطقت: هيا روحي
ضحكت نجد ونطقت: وجدان منغنغه فلوس ههههههههه
ابتسمت وجدان ونطقت: خير زوجيييي
غلا: مالت عليك وعلى زوجك
وجدان: اقول اص وكملي وريني
خلصو ورجعهم سطام البيت
