- قبل الزواج بيوم -
صحى البيت كله متحمس واولهم محمد اللي شوي ويطير من الفرحه طلع من المجلس وهو يغني
الجد: هذا كله عشان زواجك بكره اثقل اثقل
محمد: والله الزواج مافيه ثقل يبه وحط رجله وهج عن الجد
الجد: اي والله داري ان قلبك رهيف
راح محمد بتجاه المطبخ وقفه فارس اللي يعرج بسبب الجرح ونطق: ايه وين رايح
ابتسم محمد ونطق: المطبخ
فارس: ادري ليش رايح
محمد: شدخلك انت
فارس: اجل بجي معك
محمد: نشبه ياخي اذلف
لحق فارس محمد للمطبخ دق باب المطبخ وطلعت حنان وهي معصبه ونطقت بغضب: لا والله خير ان شاءالله شتبون
نطقو كلهم زوجتي
حنان: تخسي انت وياه وجدان ماراح تشوفها الا بكره بالفندق وانت الثاني نجد أنا هاوشتها ماعاد تطلع لك الا إذا اخذتها من زواجكم ويلا اذلفو عني انتم الاثنين سكرت الباب بغضب لف محمد على فارس ونطق: كانها سكرت الباب بوجهنا
فارس: معوضين امش بس
- بالمطبخ -
رغد: شفيك تتحلطمين انتي
حنان: محمد وفارس في غيرهم
فزت نجد ونطقت: فارس
مسكت حنان قزازه الزيت اللي جنبها ونطقت: بتنثبرين وإلا لا
نجد: بشوفه بس امانه
جات بتلحقه حنان هجت نجد من المطبخ
نطقت بغضب: بنات مايجون الا بالعين الحمراء
طالعت بوجدان بصدمه اللي جالسه تقطع السلطه ونطقت: هذي وجدان ولا عيوني فيها شي
ضحكت غلا ونطقت: لا لا وجدان
شهقت حنان بصدمه ونطقت: وجدان مسكتها مع شعرها وكملت أنا ماقلت لك ماتمسكين شي بكره عرسك ي الدلخه ماقلتي انك بتروحين العيادة
وجدان: الا الا بس بشويش شعري أنا قلت أساعدكم
حنين: شكرا حبيبتي مانحتاج مساعده
حنان: سمعتي شقالت حنا ما شاء الله شكثرنا نكفي ونوفي اذلفي اخلصي
نجد: تراك عروس نبيك تبهرين محمد بزينك مو جالسه تسوي معنا الغداء
وجدان: خلاص خلاص أكلتوني بقشوري بروح
رغد: اجل اخلصي اذلفي
راحت وجدان للعيادة واخذت معها حنين كلمت سطام يوديهم
- بالمشب -
محمد اشر على نايف ونطق: فز فز اخلص
نايف: افز وين اروح
محمد: انت وفارس وحمد ونواف معي بسرعه
نايف: طيب وين بتروح
محمد: نروح نفرش الزوالي ونحط الخيم ولا نسيت زواج عمك
نايف: الله والعم عاد
فارس: مالي حيل امشي لين آخر القريه عشان نسوي خيمكم
الجد: بتقوم انت وياه ولا اقومكم بطريقتي
نواف: بنقوم ي جد ولا يهمكم
حمد: أنا ونواف نقدر ونايف يمدي جرحه خف بس فارس
فارس: ايه صح ي جد ماقدر ماقدر
الجد: تبي تقوم ولا العصا ذي كسرتها على ظهرك
فارس: لا والله اقوم احسن لي
راحو يمشون لآخر القريه عشان يبدون يحطون الخيم اللي بيتم فيها زواج محمد واجتمعوا عيال القريه يتعاونون معهم بفرحها لمحمد
- بالصاله -
الجده: خلصتو اكلكم تغديتو؟
البنات بصوت واحد: الحمدلله
الجده: اجل يلا ي بنياتي قومو كل وحده تمسك لها غرفه ونظفوا الا غرفة وجدان اللي فيها أغراضها لاتقربونها خلوها أنا وساره بنروح نسوي الضيافه من الحين فزو يلا قامو البنات وبدو ينفذون اللي قالته الجده الجازي
