-الصباح ٧:٠٠-
دخل الجد على العيال فالمجلس وضرب العصا بالباب
الجد:قم انت وياه لا صلاه لا عباده قومو
قام نواف وعين مسكره وعين مفتوحه ويطالع جده
نواف:يالله صباح خير ي جدي ليش مقومنا ذا الوقت
الجد:خمس دقايق ارجع م القاكم صاحين م راح تروحون معنا المزرعه باقي م كمل كلمته الا كلهم صحو يتراكضون
قعد يطالع فراش نايف الفاضي بس استوعب انه بعد سالفه امس م شافه وانقبض قلبه راح بيسأل بندر عليه
عند بندر بالمطبخ جالس مع خواته وبنات اخوه
بندر:كم نسبه حماسكم لطلعه
غلا:اوفف ي عمي مره يأن طقت روحي بالبيت
بندر:اي وربي وانا عمك حتى انا طقت روحي على قولتك
سمعو صوت الجد ينادي بندر
بندر:سم يبه
الجد:تعال تعال
راح بندر الجد عبدالله:ولدك وين
بندر:أي واحد يبه
الجد:ما شاءالله من كثرهم عاد نايف
بندر:مدري عنه والله من بعد السالفه الي امس م شفته
الجد:وعادي عندك اذلف دور ولدك
بندر:ابشر ابشر
راح بندر لسطام بندر:سطام تعال وانا ابوك
جاء سطام:هلا يبه
بندر:اخوك وينه
سطام:مدري عنه من بعد سالفه الي امس م شفته
انقبض قلب بندر:ايشش رح شوف اخوك وين راح
راح سطام يدق عليه كذا مره و م يرد هنا سطام خاف
بس حاول يطمن أبوه راح له سطام:يبه معليك نايم عند واحد من اخوياه
بندر:زين زين اخلصو عشان نمشي
سطام:حاضر
-جوا فالبيت-
جالسين البنات يلمون اغراضهم ومها من اول م صحت ونزلت لهم وعينها على نجد الي جالسه تضحك مع البنات وتحارشهم وتنحاش حنان تهاوشها هي وغلا
ساره:ي بنات اجلسو شبلاكم جتكم فرط حركه
حنان:انا ادري عنهم كانهم بزران
غلا:نفسيه م ينمزح معها
نجد:خليها خليها تعالي نطلع السطح
غلا:يلا
طلعو السطح نجد:شرايك نلعب غميضه
غلا:يلا انتي عدي
نجد:طيب
ونزلت غلا تحت وسحبت عليها فالسطح تعد
فكت عيونها نجد:غلو وينك
لفت السطح كله و مالقتها طالعت السطح الجهه الثانيه
وهي تضحك بانتصار وراحت تركض للجهه الثانيه
-الجهه الثانيه-
كان فارس يدخن هناك وسمع صوت ركض ولما جاء بيطلع جات نجد مسرعه وطاح وطاحت فوقه شهقت نجد وقامت بسرعه ونزلت تحت وعلى نزلتها شافتها غلا:نجد وجهك علامه محمر فيك شي!
نجد وهي تتنفس بسرعه:ها لا لا
غلا:متاكده!
نجد:وبعدين تعالي مخليتني بالسطح ونازله هنا
ضحكت غلا:صباح الخير بدري دوبك تستوعبين
-عند فارس-
لما راحت نجد هو باقي مصنم مكانه وريحه عطرها باقي يشمه بثوبه قام وهو يعيد الموقف بباله وابتسم بدون م ينتبه وراح يغسل وجه عشان يصحصح شاف ثوبه بالمرايه
فيه طبعت روجها الاحمر فارس بهمس اهخخ ي نجد
عند الجد:يلا يلا بندر يأخذني وياخذ أمه وزوجته وزوجه فهد وفهد يأخذ رغد وحنان ونواف وحمد وسطام وفارس يأخذ نجد وغلا وحنين ومحمد وركبو السيارات ومشو للمزرعه
-بعد ثلاث ساعات وصلو-
نزلو الحريم والبنات عشان يسون الغداء والغداء الي بيسوي نجد راحت نجد لبست قميص روز ولمت نص شعرها وراحت للمطبخ دخول عليها البنات ضحكو لما شافوها غلا:شعندها نجد عاشت دور البنت السنعه
نجد:سدي حلقك لا اهبدك بالملعقه
غلا:يوهه بنات الحين نجد تصير ريحتها بصل
نجد:بنات شيلوها عني لا أحطها بالقدر بدال اللحم
ضحكت حنين:غلا قطعي السلطه
غلا:اي ماعندي مشكله اقطع سلطه أهون من اقطع بصل
لفت عليها نجد بسكين وركضت وراها هي تركض وغلا تركض حول الطاوله وتطلع غلا لصاله عند الحريم ونجد وراها بسكين ورافعه نص القميص عشان م تطيح فيه
غلا راحت ورا جدتها
الجده:يويليي انتم شبلاكم
غلا:ي جده انا بوجهك لا تمسكني ذي
نجد:والله ي غلا لا أنتفك واحطك مقبلات مع الكبسه تعاليي وهي تنط ورا الجده ونزلت غلا مكانها
غلا وهي تردح لها:كانك بنت بندر امسكيني ركضت نجد وراها وطلعت غلا لعمها بندر غلا: ي عم بنتك بنتك امسكها عني جات نجد:تعالي تعالي ي بنت فهد تهايطين على مين وهي تنقز عند أبوها وتمسكها مع شعرها وبندر جالس يضحك عليهم غلا:ي عم تضحك على ايش بنتك بتحطني بدال اللحم سحبتها نجد مع شعرها للمطبخ وهي تعطيها السكين نجد:يلا ي بنت فهد قطعي البصل
غلا:طيب فكي شعري
نجد:م راح أفك لين تخلصين البصل بسرعهه
وجلست غلا تقطع البصل وهي تدمع من حراره البصل
والبنات ميتين ضحك عليها خلصت وقربت منها نجد:قالت يوهه بنات ريحه غلا بصل
حنين:هههههههههههه ياربي ي نجد
غلا طالعتها بنص عين:صرنا متعادلين ي حلوه حتى انتي ريحتك بصل دخلت عليهم الجده:يويلي ويلاه الغداء للحين م جهز فزو كلهم يكملون الغداء
-بالجلسه الي برا-
كانو جالسين ويسولفون وجاء نواف من بعيد وهو متلثم بالشماغ ومشى بطريقه مضحكه وهو يغني:عم يحلم قلبي برجال طفران ودرويش الحال يعيشني بأوضه صغيره م فيها غير حصيره ومابدي فراشه ولا مال خلي لغيري الفراطه ضحكو العيال وقال الجد:م عرفت تربي ي فهد
جلس نواف هو يضحك:شفيك ي جدي عيش الحياه لف عليه فارس وهو يضحك:طفران ها
نواف: ودرويش الحال ههههههه
جاء اتصال فارس وراح بعيد عنهم ورد
فارس:هلا والله سعود
سعود:هلا فيك فارس اسمع
فارس:سم
سعود:في مهمه بالحد الجنوبي لازم انت وسطام تجون
فارس:متى
سعود:بعد اسبوعين
فارس: طيب طيب
سعود:مع السلامه وانا اخوك
فارس:الله معك
تعريف بسيط عن سعود:خوي سطام وفارس يشتغل معهم بالحد الجنوبي أهله متوفين وساكن لحاله عمره٢٧
جابو الغداء ولف سطام يدور فارس سطام:فارسس تعال الغداء فارس من بعيد:يلا جاي
-عند الحريم-
جالسين يتغدون مها:يوههه ي نجد مكثره البصل
لفت غلا لامها:انا الي قطعته يمه
سكتت مها حست انها تفشلت طبعا غلا تدري بتصرفات امها وتكرها قالت الجده:بناتي يعرفون يطبخون ما شاءالله عليهم مها:مدري احس بغثيان ماني قادره
الجده:من متى وهو معك
مها:اسبوع يمكن
الجده:خلي فهد ياخذك المستشفى
مها:ان شاءالله
-في المستشفى-
دكتور:ماعرفنا اهله وحالته مره صعبه
دكتور ٢:مامعه بطاقه هويه اي شي
دكتور:الا بس موجود اسمه
دكتور ٢:طيب ناخذ اسمه ونبلغ الشرطه على الاقل تدور اهله ايش اسمه!
دكتور:نايف بن بندر بن عبدالله ال...
سمعو صراخ الدكاتره التفت الدكتور لصراخ
جات الممرضه:دكتوررر المريض نايف توقف قل.....
تيك mrl_824✨🤍!
