سمع صوت الرصاص صنم مكانه فتح عيونه بهدوء وناظر غلا اللي يدها ترجف وشايله السلاح ركض سطام باقصى سرعته لما لاحظ ان ماجد يحاول يلحق سلاحه عشان يثوره في نجد م أمده يمد يده ثبته سطام صرخ بأعلى صوته لان سطام دعس على رجله اللي غلا رمت عليها الرصاص أخذهم محمد ودخلهم كلهم البيت وانتظرو دقيقتين وجات الشرطه
محمد: هذا هاجم على بيتنا ومعه سلاح فطبيعي رده فعلي بتكون أصاوبه
الشرطي: ابسط حقوقك دفاعك عن اهلك وبيتك شالو ماجد للمستشفى بعدين إذا طلعو الرصاص ودوه القسم
-بالصاله-
كانت نجد ترجف بحضن حنين وجدان جالسه ساكته
حنين: بسم الله عليك خلاص مسكوه
طلعت وجدان من الصاله بهدوء تام وراحت للحوش الخلفي جلست تبكي لما داهمتها ذكريات كانت تحاول تشيلها من راسها وان لو صار شي لنجد لاسمح الله بتحمل نفسها الذنب جاء محمد من وراها وجلس جنبها ونطق بتنهيده: انتي مالك دخل بالموضوع ي وجدان
لفت وجدان بندافع وبكي: لو م جيت عندكم كان م صار ذا كله ونجد كانت بتضرر بسبتي ي محمد بسبتي
حضنها محمد وبدا يسمي عليها ونطق: يروحي هذا قدر ومكتوب مالك ذنب انتي
وجدان بنهيار: ماجد م راح يمشيها لنا بساهل
محمد: م راح يلمس شعره منك مدامك حلالي
وجدان: بس انت م تعرفه ي محمد م تعرفه
محمد: هو كان خاطبك من ابوك
وجدان بغصه: ابوي عطاني اياه مقابل م يسدد دين اخذه من ماجد
محمد: مو على كيفهم يأخذونك لعبه بينهم
بكت وجدان: اكرهم اكرهممم
محمد: أنا معك م راح اتركك
بدت تهدي وجدان
-بالمستشفى-
استاذنو الجد وفهد وبندر والعيال وراحو وهم م يدرون عن الأحداث اللي صارت ابد بقى مع فارس نواف
كان فارس يهوجس بنجد لو كانت قاعده عنده بدال نواف: هي ايش تهوجس فيه
فارس: ولاشي بس ودي اعرفه مين هذا
نواف: تقصد مين!
فارس: اللي طعني
نواف: أتحدا إذا ماكان زياد ذا الولد ياخي تحس وراه مصايب
فارس: والله أتوقعها منه بس انتم ماعاد تشوفونه بديره؟
نواف: لا هو يختفي بين فتره وفتره وضعه مشكوك فيه اصلا
فارس: انا بقدم بلاغ عاد انه هو شاك فيه ونشوف عاد وللحين كمان ماندري من اللي تعرض لنايف
نواف: استغفرالله المصايب صايره تنحذف علينا
فارس: أحمد ربك على كل حال ربي بيختبر صبرك ومو تجلس تتحلطم على راسي
نواف: الحمدلله
-فالبيت-
الجد بصراخ: انا م نبهتك ي محمد
محمد: يبه البنت الحين على ذمتي وانا الحين بتحمل كل مسؤوليتها يعني ماله داعي كل شوي تذكرني بسالفه
الجد: هو حنا نعرف اصلها وفصلها نعرف أهلها نعرف وش وراها بس تصدق انا مدري كيف طاوعتك تتزوجها
محمد: طاوعتني وخلاص وعاد والحين صارت على ذمتي
الجد: ومبسوط فيها وهذي بدايتها واحد جاء كان بيضر اهلك عشان وحده م تسوى
استغفر محمد ربه ونطق: شوف يبه كل شي إلا وجدان زي ماكان بيضر اهلي وجدان منهم!
الجد: شوف عاد زوجتك ذي م تسكن عندي فاهمم
محمد: طيب طيب
طلع من عند الجد معصب
