محمد بغضب: ذي زوجتي يابن......
وجدان بخوف: محمد خلاص
الرجال: طيب لا تتحمس لان لو مديت يدي ماراح تطلع سليم محمد: ولد ابوك مد يدك ورني اشوف انت اللي بتنضرب مو أنا ي.... تجمعو حراس الأمن عليهم لما ارتفع الصوت
حارس الأمن: اسحبهم
محمد اللي شاف حاله الرجال اللي أغمى عليه تورط كيف بيبعد وجدان اللي تبكي عنهم لف لحارس الأمن ونطق بهدوء: ممكن شوي بكلم زوجتي
الحارس: ممنوع
محمد: تمام ودني لها بس مو ضروري تفكني
الحارس: طيب بس بسرعه
وده ناحيه وجدان اللي ترجف من الخوف شافت محمد مكلبش وجاي عندها شهقت بخوف ونطقت: ليه ي محمد الرجال كان بيموت
محمد بهدوء: اص ومالك دخل فيه جعله بالموت تروحين الحين للبنات مع فارس يعرف ذي الامور خليه يجي القسم وجدان: وربي م اروح واخليك تروح لحالك صاحي انت محمد: بتروحين معي يعني وجدان: اي عادي
محمد: روحي ي وجدان الله يصلحك وقولي له اللي قلته
وجدان: طيب طيب
راحت لمحل البنات ركض ومحمد سحبوه للقسم والرجال نقلوه للمستشفى
-فالمحل-
حنين: لها نص ساعه وأكثر وين راحت ذي
غلا: جات جات
نجد: شفيها تركض!
قربو منها وجدان بكي: وين فارس بسرعه
نجد: ليه شفيك!
وجدان: محمد سحبو للقسم وقال اقول لفارس يعرف بذي الأشياء مدري مدري بس وينه
حنان: ايشش قسممم شمسوي
-فالقسم-
الشرطي: ليه تعرضت له
محمد بهدوء: دفاع عن النفس
الشرطي: ايش السبب
محمد: تحرش
الشرطي بصدمه: تحرش فيك انت
محمد بصدمه: ابن ابوي صدق لا لا محمد في نفسه( شذا العسكري الي معلوماته مضروبه داخل واسطه الظاهر)
الشرطي: مين!
محمد: تعرض لزوجتي زوجتييي ابسط شي أسويه اهبده
الشرطي: استغفرالله يارب اسحبه فالتوقيف لين م أشوف احد يعرفه سحبه العسكري لتوقيف
دق الباب الشرطي: تفضل
دخل فارس ونطق: السلام عليكم
الشرطي: وعليكم السلام تفضل
فارس: محمد بن عبدالله
الشرطي: المتهم محمد بن عبدالله
فارس: مو متهم دفاع عن النفس صار اتهام!
الشرطي: والله شوف واضح كلكم متهمين شرايك تجلس معه عند التوقيف ضرب فارس الطاوله بغضب وطلع بطاقته ونطق بحده: معك العميد فارس بن فهد ال عبدالله فز بخوف ونطق بارتباك: ارحب استريح استريح
فارس وهو يلعب بطاقته نطق: تدري اني اقدر أطردك من شغلك بمكالمه بس علشان أسلوبك ذا
الشرطي: لا الله يسعدك رزقي ذا
فارس: مشكلتي م احب اقطع رزق احد هيا اذلف جيب محمد عندي وطلعه
الشرطي: ابشر
جاب محمد وقبل م يطلع فارس لف عليه ونطق: اشتغل زي خلق ربي ولا وأقسم بالله لا أطردك من مدخل رزقك سامع انتفض الشرطي ونطق: ابشر ابشر
-فالسياره-
كأنو البنات ينتظرون محمد وفارس يجون جاء فارس لحاله وركب بهدوء وجدان: وين محمد
فارس: سجن ثلاثه شهور
شهقو البنات لما طلع محمد من شباك حنين ضحك فارس ونطق: طلعنا الخبل
حنان: وجع خوفتوني
ابتسمت وجدان بهدوء
محمد مثل انه جالس يبكي ونطق بكذب: بتزوجون وافقدكم نجد: كذاب يبي الفكه منا ابتسم فارس لما سمع صوتها ونطق: محمد احبك
استحت نجد ونطق محمد: وجع وش اللي احبك وطالع نجد اللي مستحيه وقال شوف سكت بصدمه وضرب فارس وكمل: يابن اللذينا احبك بس من ورا التريلات اهجد لا اعلم ابوي فارس: محد يحب عندكم انتم
محمد: امش وانت ساكت
