دخلت عليهم حنان شهقت: يويليييي
بعد سطام بسرعه عن رغد لف الجهه الثانيه يبتسم بدون محد يلاحظ اما رغد نزلت راسها بخجل وجسمها كله يرجف حنان: مانتم صابرين اسبوعين لاتشوفكم حنين بتلعن خيركم
سطام: اذلفي طيب
حنان: لا والله صاحيه انا أخليكم لحالكم مره ثانيه اذا خليتكم بتجيبون ورع
لفت رغد بصدمه: حنان وجع شذا الكلام
ضحك سطام وهمس لها: تبين نجيب ولد
رغد: جدي ينادي طيب رح
فز سطام على صراخ الجد راح للجد ولفت رغد على حنان
حنان: خربت عليكم صح
رغد: امشي قدامي اخلصي
-بالحوش-
جاء سطام ركض ونطق: سم
الجد: اخلص وين كنت.... سكت الجد باستغراب يطالع بسطام بتفحص والعيال ميتين ضحك
سطام باستغراب: شفيكم
الجد بشك: وين كنت!
نواف من ورا الجد يحاول يشرح لسطام ان فيه روج على شفايفه بس سطام م فهم
سطام: كنت بالمطبخ اجيب الأكل اللي سوه البنات
الجد: اي ومين كان بالمطبخ
سطام: رغ..... سكت بورطه لما تذكر الموقف وشرح نواف له حط يده بسرعه على فمه بصدمه
ماتو العيال ضحك على رده فعله
الجد: أنا ابن ابوي صدق هذي آخر علومك ي السربوت رح امسح العله اللي على فمك اخلص راح الجد يطلع لسياره قبلهم لف نواف على سطام بتمثيل: هي انت شمسوي ها
سطام: والله م سويت شي استغفرالله
ضحك محمد ونطق: يعني سويت
عصب سطام ونطق: اذلفو لجدي اخلصو
راحو للجد ورجع سطام للبيت
دخل في المطبخ ينادي وحده من البنات بصوت عالي
-بالصاله-
حنين: رغد فزي لزوجك ابلشنا ترا
حنان: لاتروح انا بروح
حنين: انتي شدخلك زوجها انثبري لفت على رغد ونطقت: قومي اخلصي
قامت رغد بخوف من نظرات حنان راحت المطبخ وشافت سطام وجه محمر واضح معصب والروج مطبوع على شفايفه شهقت بصدمه نطقت: شذا
سطام: روجك ليش مستغربه ان شاءالله روحي جيبي لي شي امسح العله ذي
تخصرت رغد ونطقت برفعت حاجب: قول والله بس انت اللي قربت لي ولا انا اللي طبعت روجي عليك
قرب سطام لها وهمس: روحي اخلصي لا تجربينها مره ثانيه فزت رغد من نبره صوته ونطقت: قليل ادب
وراحت تجيب له مزيل مكياج ابتسم سطام على خوفها
دخلت رغد الغرفه وهي تتحلطم ونطقت: من بدايتها اوامر اجل إذا تزوجته ايش بيصير
-فالمستشفى-
كانت نجد تساعد فارس يجلس على السرير ابتسم فارس ونطق: للحين زعلانه مني
نجد بهدوء: لا
فارس: نجد ناظريني
طالعته نجد ونطقت: هلا
فارس: زعلانه صح
نجد: لا قلت
فارس: تكذبين على مين واضح من عيونك
ابتسمت نجد: ماني زعلانه خلاص
فارس ذاب من ابتسامتها ونطق: العني خيري إذا زعلت ذا الزين مره ثانيه
نجد: يلا ماتبي تزعل ذا الزين آكل
فارس: ي نجد أكلهم الله يديم النعمه م ينبلع
نجد: أكل شوي على الاقل يجي جدي شوي وحنين تلقاها هي والبنات مسوين أكل أكل منه
فارس: طيب أعطيني اشوف قربت له الطاوله نجد مد يده ورجعها بسرعه بالالم نطق: اهخخ يدي
نجد: الله يهديك تدري العمليه لو انفكت أكلتها اهجد انا اكلك ابتسم فارس بمكر لأنه مثل ويبيها هي تاكله
