- بالبيت -
بعد م راحو المعازيم انرميت نجد على الكنب ونطقت: خلاص أنا مهلوكه ابي انام بس
حنان: تعقبين أشوف وحده تنخمد الحين يويلها
حنين: وليش ان شاءالله م نام
حنان: تروحنا الحين تمسحون اللي بوجيهكم وتغيرون وبروح أنا انظف المواعين ونجلس بالحوش بعدين
غلا: إذا نمت بنص حشكم مالي دخل
حنان: بهبدك بترمس القهوه
راحو البنات يغيرون فساتينهم ويمسحون الميك اب
وخلصوا واجتمعو بالحوش الخلفي
جلست رغد ونطقت: اهخخ يزين الراحه اولا البيت مقلوب تحت فوق من صوت الاغاني
غلا: تتوقعون وش جالسين يسون
نجد باستغراب: منهم؟!
غلا: وجدان ومحمد
ضربتها حنين ونطقت: وانتي شدخلك ي الملقوفه
حنان: قليله ادب
غلا: لا جد شسون
رغد: غلا حبيبتي نامي نامي
غلا: تبون اسكت الظاهر
حنان: اي انكتمي
نجد: اوفف برد
جاء فارس ونطق: دنيتي بردانه تعالي ادفيك جلس جنبها ودخلها بفروته ابتسمت نجد
نطقت حنان: شيلوهم عني لا اطيرهم
حنين: انت من وين تطلع كل م قالت نجد شي المفروض حنا نرد عليها تطلع انت
فارس: قلبي م يتحمل ابعد عنها ابتسمت نجد بخجل
طالعت فيها حنان ونطقت: وتبتسم بعد اخذت كرتون المناديل ورميته عليها
نجد بدلع عشان تنرفزها نطقت: اح بيب شوفها
فز فارس ومسك حنان ونطق: قالت بيب وماتبيني العن خيرك تعقبين
ضحكت غلا ونطقت: طلع خفيف والله ههههههههه
رجع مكانه ودخل معها بالفروه وضمها لصدره وهمس لها: عيديها
نجد بابتسامه: بيب
فارس: يويل حالي ويلاه
غلا بضحك: فارس م شفت اللي أرسلته لك
فارس باستغراب: لا
غلا: ادخل شوف
دخل فارس على سناب فك الفيد اللي راسلته غلا وكانت نجد تطالع بجواله وشهقت بصدمه ونطقت: غلا ي حيو...... م أمداها تكمل كلامها إلا مسكها فارس وسحبها بعيد عنهم وراح ورا الحوش
فارس: شذا!!
نجد: بسم الله وش
فارس: بتجلطني!
نجد: وش
فارس: م راح ترتاحين لين م تجيبين اجلي من زينك ارحميني ي نجد تكفين
نجد بدلع: اللي يأخذ وحده مزيونه يتحمل اللي يجيه
فارس: اهخخ يارب قرب الزواج بأسرع وقت
نجد: مو امين
فارس: استغفرالله ليهه
نجد: خايفه
فارس: من وش
نجد: منك
ضحك فارس ونطق: ههههههه ليه باكلك
نجد: إذا قدامهم كذا حركات كيف لحالنا
فارس بهمس: تعرفين إذا كنا لحالنا
نجد: شفت اعوذبالله ابليس متربع فوقك راحت نجد عنه
فارس: اهخخخ بس
-بالحوش-
رجعت نجد وهي تضحك
رغد: لا يشيخه دغدغك عشان تضحكين الضحك ذا كله
كانت بتتكلم نجد فجاه جاهم الجد بالعصا
ونطق: انتم ي سرابيت للحين م نمتو بسرعه كل واحد على فراشه
فزو البنات يلمون بقشهم وهجو لغرفهم
- الصباح ١٠-
كانت ساره تحاول تصحي فيهم بس مافيه فايده دخلت الجده ونطقت باستغراب: وش بلاهم ذول م يصحون
جلست الجده تحاول تصحيهم بس لا حياه لمن تنادي
نطقت: لا ذول فيهم بلا اكيد أنادي حمد يجي يصحيهم ادخلي انتي ي ساره دخلت ساره بالغرفه اللي جانبهم شافت الشباك مكسور استغربت مين بيكون كاسر الشباك يعني أنا بالغرفه الثانيه دخل حمد يحاول يصحي حنان بس مافيه فايده صحى حنين نفس الشي راح للمطبخ وأخذ كاست مويه وبدا يحاول يرشهم بالمويه حرفيا كانهم جثث م احد استجوب معه طالع فيهم لما شك بالوضع ونطق باستغراب: نجد وينها؟
الجده: ليش ي وليدي هي مو معهم
حمد: لا يمه مو فيه حتى فراشها فاضي شفتيها لما صحيتي
الجده: لا دقيقه اسال امها راحت الجده لساره ودخلت عليها ونطقت: ساره يمه م شفتي نجد
ساره: لا ليه مو بفراشها
الجده: البنت فراشها فاضي ومن الصبح م شفتها
انصدمت ساره وقربت من الشباك المكسور وشافت برا الشباك بالحوش فيه اثار د*م بدت ترجف لما قلبها انقبض وطالعت بالجده اللي تسأل مين كسر الشباك أسرعت بدون م ترد على الجده حتى ولبست اقرب شرشف صلاة وتلثمت وطلعت ل حمد راحت عنده ونطقت بخوف: حمد وانا اختك تكفى نجد
حمد بصدمه: وينها فيه
ساره: مدري مدري شباك الغرفه الثانيه مكسور بالكامل وفيه اثار د*م من برا
حمد بصدمه: ابن ابوي صدق فز يركض للمجلس
