الفصل الثالث والعشرون من رواية ( فتاة بصحبة جثة)
للكاتبة آمنة محمد أبو الخير ❤️🩹🌹🌹
أدعوا لأهل غزة والسودان رحم الله المستضعفين في كل مكان 💚
♕♕♕♕♕♕
وصل علي الباشا للمكتب وجلس يفكر لبعض الوقت وعقله مشغول بفكرة خطرت بباله.. يحتاج فقط لأن يربط الخيوط ببعضها البعض ليس إلا، أمسك هاتفه وأجرى اتصال وأخذ يتحدث بهاتفه لبعض الوقت مع شخص ما وهو يقول:
علي: بس يا فندم كل الشبهات بتدور حوالين شخص واحد لحد دلوقتي حتى لو الأدلة دي مش كفاية.. بس ما زال فيه نسبة لإحتمال تورطه.
مدير علي بالعمل: بس انت عارف ان شخصية زي دي مينفعش نلعب معاها يا علي.
ضيق علي عينيه وقال: عارف يا فندم علشان كده انا بستأذن حضرتك تديني كل الصلاحيات والموضوع هيبقى سري لحد ما أتأكد
المدير: تمام انا هوفرلك كل اللي محتاجة بس عايز الموضوع يخلص بدون شوشرة خاصة لو طلع ملوش علاقة بالموضوع.
علي: اكيد يا فندم اكيد.. مع السلامة
" اغلق علي الهاتف ليطرق العسكري الباب ويدخل وهو يؤدي التحية ويخبره بطلب زين الشامي الإذن بمقابلته فسمح له علي ليدخل زين وكارم معًا وبعد السلام جلسوا جميعًا ليقول علي"
علي: خير يا زين في حاجة جديدة حصلت؟
زين: ايوه احنا عرفنا مين اللي كان بيدي الجرعات لمريم
علي وهو يعتدل في مكانه: مين؟! وعرفت ازاي؟
زين: واحد شغال معاها في المشرحة واسمه حازم وهو حاليا معايا
علي بنفاذ صبر: وعملتله اي علشان يعترف يا زين ؟
زين: احنا ملحقناش نعمل حاجة ... ده اهو اعترف وانا لسه بسمي عليه
علي: يا زين مينفعش الأسلوب ده ... مينفعش احنا مش عصابة.. البلد فيها قانون.
زين وهو يتنفس بقلة صبر: المهم .. انا سجلتله الإعتراف ده
علي بضجر: ولا ليه اي لازمه.
كارم: يعني اي ؟
علي: لازم التسجيل يكون بإذن نيابة .. وكمان احنا لازم نتحفظ عليه .. وريني التسجيل ده كده!
" أخرج زين الهاتف وناوله لعلي ليمسك علي الهاتف ويشاهد الفيديو الخاص بإعتراف حازم وقد إستشاط غضبًا مما شاهده وسمعه ثم قال وهو ينظر لزين وكارم وقال:
_ الڤيديو ده هيفضل معايا ودلوقتي هتيجي معايا علشان تسلمني الولد ده بدون اي كلام يا زين.. لازم نتحفظ عليه.
" في البداية عارض زين قرار علي وبعد محاولات تفهم الموقف وخرج بصحبة زين وكارم وقوة من رجال الأمن ووصلوا للمخزن ليجدو حازم هناك بمفرده والمكان فارغ تمامًا وكان هذا أمر زين لرجاله بإفراغ المكان وتركه في الحال عند إقتراب القوة حتى لا يعرض أحد فيهم للمساءلة القانونية من قبل الشرطة
وصلت القوة وأمر علي رجال الأمن بالتحفظ على الدكتور حازم ثم عاد ليمارس مهامه بينما توجه زين وكارم للمنزل "
أنت تقرأ
فتاة بصحبة جثة )
Mystery / Thrillerفتاة من الصعيد تنتقل لدراسة الطب في جامعة القاهرة وتعمل بالطب الشرعي لتواجه أثناء حلها للقضايا عدة مشاكل والكثير ممن يريدونها أن تزور الحقائق ليفلتوا بفعلتهم.
