♕♕♕♕♕♕♕♕♕♕♕♕♕♕♕♕♕♕
" توجه علي بصحبة شريف إلى المكان الذي توجد به الشريحه والذي بالطبع توجد به حسناء كانت الساعة وقتها تجاوزت الثانية عشر مساءً وعندما تحرك علي بصحبة رجال حراسته تلقى حينها إتصال من زين الشامي تجاهله علي في البداية ولكن بعدما تكررت الإتصالات كثيرا إضطر لأن يجيب في النهاية "
علي: ايوه يا زين؟!
زين: في اي يا علي اي اللي حصل وحسناء فين؟!
علي: مش وقته يا زين هقولك بعدين
زين: طب انت فين !!؟
علي: أنا في طريقي ل ******
شريف مقاطعًا علي أثناء مكالمته لزين: علي باشا الشريحه مكانها إتغير وحاليا بتتنقل من مكان للتاني شكلهم كده هيغيرو المكان
علي بغضب: يا ابن الكل***** يا باسم والله ما هرحمك طب خليك وراهم يا شريف
زين: في اي يا علي رد عليا؟! انت فين انا جاي مع الرجالة بس اديني موقعك
علي: المكان بيتغير يا زين ولسه مش عارف بس احنا طالعين على الطريق الرئيسي لإسكندريه هبعتلك اللوكيشن وخليك ورانا
زين: طيب خلاص ماشي ....انا وراك على طول ابقى بلغني بكل جديد
علي: خلاص تمام.. ربنا يستر
" أغلق زين الهاتف مع علي وقد كان زين بصحبة يوسف ورجاله بالسيارات متوجهين خلف علي بعدما علموا ما حدث من مريم عندما حاولت الإتصال بحسناء كثيرا فلم تجب عليها لتتصل على بسمة زوجة علي فتخبرها بما حدث وهي في حالة إنهيار شديدة وبعدها أخبرت مريم زين بكل ما حدث والذي تحرك بمجرد سماعه لتلك الأخبار بصحبة رجاله وفي الطريق هاتف يوسف وأبلغه بما حدث ليجتمعوا معا وينطلقوا خلف علي
*************
#قبلها بعدة ساعات في شقة باسم صلاح
دخل رجال الحراسة الخاصة بباسم صلاح إلى تلك الشقة وأحدهم يحمل حسناء بين يديه ووضعها في أحد الغرف بأمر من باسم
باسم وهو يمسك بذراعه: دخل الزفته دي جوه
الرجل: امرك يا باسم باشا
باسم: وأربطها كويس مش عايز صداع
الرجل: تحت امرك يا باسم باشا
باسم: وشوفلي يا ابني حد يعقملي الجرح ده
الرجل: تمام سعادتك
خرج الرجل بعد أن ربط حسناء من يدها وقدمها وهي فاقده للوعي
جلس باسم بجانبها وهو يبتسم ثم نظر لجرح ذراعه وهو يقول
باسم: بقى انتي بقه كنتِ عايزة تقتليني ....اممم هنشوف مين هيقتل التاني وازاي ثم أخرج من جيبه المسدس وقبل أن يبدأ بتفكيك خزنته بدأت حسناء في التأوه وإستعادة وعيها..... وضع باسم السلاح بجانبه ثم قام وتوجه ناحية الفراش المقيده فوقه حسناء لتستفيق حسناء وتبدأ في إستيعاب ما يحدث حولها لتجد باسم يقف فوق رأسها
أنت تقرأ
فتاة بصحبة جثة )
Misterio / Suspensoفتاة من الصعيد تنتقل لدراسة الطب في جامعة القاهرة وتعمل بالطب الشرعي لتواجه أثناء حلها للقضايا عدة مشاكل والكثير ممن يريدونها أن تزور الحقائق ليفلتوا بفعلتهم.
