(البارت_التاسع))
" انتهى الإجتماع المعقود بشركة ((اندو ايجي)) وهي احدى شركات الأدوية الكبرى المتخصصة في انتاج المسكنات بمصر وكان الإجتماع قد عُقد للإتفاق على إدخال شركاء جدد بنسبة ٦٠% من الأسهم بدلا عن الشركاء المنسحبين وقد وتم الإتفاق على ذلك في الإجتماع ..... "
" امسك هاتفه وبدأ بالتحدث وهو ينظر عبر زجاج نافذة الشركة التي تطل على مياه النيل امامه
قائلًا : "
_اهلا يوسف باشا اي الأخبار؟
يوسف: بخير يا دكتور صلاح طمني الإجتماع انتهى على اي ؟!!
لحظة*****
((صلاح الدكروري))
" دكتور وبيزنس مان كبير اوي وواحد من اكبر موزعين الأدوية في مصر وكان بيمتلك ٦٠% من الأسهم في شركة **إندو ايجي ** ولكن في الفترة الأخيرة قرر يبيع نصيبه من الأسهم وإكتفى بإمتلاك عشرين في الميه منها بس، له بيزنس كبير بره مصر وبيمتلك اكبر مزارع للنباتات الطبية والعطرية في البلد، وكمان من اكبر المصدرين والموردين ليها ."
عودة****
صلاح: اطمن يا يوسف بيه الصفقة دي ليكم ونقدر نوقع العقد وقت ما تحب
يوسف: كده تمام اوي هكلم زين باشا واحدد ميعاد وابلغك
صلاح: في انتظار تليفون سعادتك مع السلامة
♕♕♕♕♕♕♕♕♕♕♕♕♕♕♕♕♕♕♕
" وقف الضابط شريف يتلقى واجب العزاء بإحدى الجوامع بوسط البلد وعلى وجهه تبدو علامات الحزن بشدة، وبجانبه وقف الدكتور جميل يتلقى واجب العزاء أيضًا في ابن خالته المقتول غدرا الدكتور إسلام. "
شريف: امر التشريح هيطلع بكره بالكتير اوي، انا عاوزك تمسك القضية دي
جميل: اي اللي مخليك متأكد اوي ان إسلام مات بسبب التقرير اللي كتبه ما هو ياما كتب تقارير وشرح جثث وممكن يكون حادثة سرقة مش اكتر
شريف: لا يا جميل الموضوع مش حادث ثم أن التقرير اللي كان معاه مش لاقيينه، وده معناه أن اللي قتله كان عايز يخبي حاجة شريف لقاها في القضية
جميل: طيب هو الله يرحمه مبلغكش بأي حاجة قبلها
شريف: اخر مكالمة كان متوتر وعايز يقابلني بس ملحقش.
جميل: الله يرحمه
شريف: اول ما يطلع الإذن هيبقى اذن اعادة التشريح على مكتبك
جميل: انا مش عارف اقولك اي إسلام كان صاحبي اوي بس انا مش هقدر امسك القضية دي
شريف: ليه ؟!!
جميل: انا مقدم ع اجازة وبالفعل اتقبلت ومسافر بعد يومين علشان ميعاد عملية امي اتقدم وانت عارف إن حالتها مبقتش زي الأول علشان كده الدكتور قدم الميعاد وبيستعجلنا
أنت تقرأ
فتاة بصحبة جثة )
Mistério / Suspenseفتاة من الصعيد تنتقل لدراسة الطب في جامعة القاهرة وتعمل بالطب الشرعي لتواجه أثناء حلها للقضايا عدة مشاكل والكثير ممن يريدونها أن تزور الحقائق ليفلتوا بفعلتهم.
