3
Unicode~~
ရှောင်ကျန့် ဆိုဖာနောက်မှီကိုမှီထိုင်ပြီး လက်ထဲက အရက်ခွက်ကိုငေးကြည့်ကာ ခွက်ထဲက ရေခဲတုံးတွေကို ပျော်ဝင်စေရန်လှည့်ကစားနေပေမဲ့ အတွေးတွေက~~
~~''Geကို မလုပ်ပါနဲ့ ...မ..အင့်...မလုပ်ပါနဲ့...~~~ သွေးတွေထွက်နေပြီလို့''~~~
ဆိုသည့် ငိုရှိုက်သံရောထွေးနေသည့် ဆူအောင့် စကားသံလေးက နားထဲတဝဲလည်လည် ။
"Geကိုမလုပ်ပါနဲ့"
"သွေးတွေထွက်နေပြီလို့"
ရှောင်ကျန့် နားထဲကြားယောင်မိသည့် စကားအတိုင်း သံယောင်လိုက်ကာ နှစ်နှစ်ခြိုက်ခြိုက်ပြုံးလိုက်မိသည်။
ဘာတဲ့ မနက်က ဟိုဆရာပါးစပ်ကနေ သူ့ဘေဘီလေးကို ခေါ်လိုက်တာ ဝမ်ကျယ်တဲ့ ။ ဘယ်လိုတောင် ချစ်ဖို့ကောင်းလိုက်တဲ့ နာမည်လေးလဲ ။ လူလေးနဲ့ နာမည်လေးက အဲ့လောက်လိုက်ဖက်နေဖို့လိုလို့လားကွာ။
"မင်းက မင်းမဟုတ်သလိုဘဲနော် ရှောင်ကျန့်"
ရှောင်ကျန့် သူ့အတွေးနဲ့သူ အလုပ်များနေတုန်း ထွက်ပေါ်လာသည့် ဟောက်ရွှမ်းစကားသံ။
ဟောက်ရွှမ်း၏စကားကြောင့် ရှောင်ကျန့် မျက်ခုံးအစုံက အထက်သို့ ပင့်သွားရသည်။
"ဘာကို"
အစမရှိအဆုံးမရှိပြောလာသည့်စကားကြောင့် ဟောက်ရွှမ်းဘာကိုဆိုလိုမှန်း မပေါက်တာကြောင့် မေးခွန်းပြန်ထုတ်လိုက်မိတော့~
" ဒီနေ့ ကိစ္စကိုပြောတာ ပုံမှန်ဆို ဒေါသထွက်ရင် ထိန်းမရသိမ်းမရနဲ့ တဖက်လူသွေးထွက်သံယိုမဖြစ်မချင်း မရပ်တန့်တဲ့ မင်းကလေ ဒီနေ့မှ ဘာတွေစိတ်ကောင်းဝင်နေတာလဲ"
အော် သူသဘောပေါက်သွားပြီ။ ဟောက်ရွှမ်းပြောလဲ ပြောချင်စရာပါဘဲ သူ့အကျင့်စရိုက်အရဆို သူ့အသားကိုလာထိတဲ့သူမပြောနဲ့ အကြည့်လေးတချက်နဲ့လာပြစ်မှားရင်တောင်တဖက်လူစုတ်ပြတ်သွားလောက်သည်အထိ အပြစ်ပေးနေကြသူလေ။ ဒါပေမဲ့ဒီနေ့ကျမှ ထူးထူးခြားခြားသူက ဘာလို့ဘာမှမလုပ်ခဲ့တာလဲ ဒါမှမဟုတ် ဟောက်ရွှမ်းပြောသလိုဘဲ သူ စိတ်ကောင်းဝင်နေခဲ့တာလား ဒါလဲမဟုတ်တာသူ့ကိုယ်သူသိပ်သိတာပေါ့။ ထိုအခိုက်အတန့် သူ့ဒေါသမီးတွေကို ရေနဲ့ပက်လိုက်သလို အေးငြိမ်းသွားသည့်အခိုက်တန့် အွန်း ထိုသူလေးကြောင့်ဘဲ သူ့ကိုယ်သူထိန်းချုပ်နိုင်စွမ်းရှိခဲ့ပုံဘဲ။
အဟက် အများထဲကတယောက် မင်းကထူးထူးခြားခြားလေးဘဲ ဘေဘီ။
