ئـاوازی شـیـعـرەکـان

ڕاســتــەوانــەیـــن

ئەگەر تۆ چیا بی من شاخم
ئەگەر تۆ سەوزایی من باخم

ئەگەر تۆ سارد بی من سەهۆڵم
ئەگەر تۆ ناسک بی من نەرمونۆڵم

ئەگەر تۆ گوڵ بی من باخەوانم
ئەگەر تۆ مۆر بی من ئەرخەوانم

ئەگەر تۆ گەڵای من دارم
ئەگەر تۆ زمان بی من زارم

ئەگەر تۆ ڕێگابی من ڕێبوارم
ئەگەر تۆ کەسک بی من بەهارم

ئەگەر تۆ دەریا بی من شینم
ئەگەر تۆ هەل بی من پەرژینم

ئەگەر تۆ باران بی من ئاوم
ئەگەر تۆ نیشانە بی من ناوم

ئەگەر تۆ ڕووناک بی من ڕۆشنایم
ئەگەر تۆ مانەوە بی من وەفایم

ئەگەر تۆ گوڵ بی من خونچەم
ئەگەر تۆ ئاواز بی من کەمانچەم

ئەگەر تۆ دەمار بی من خوێنم
ئەگەر تۆ بۆشایی بی من کەلێنم

ئەگەر تۆ هەناسەی من هەوام
ئەگەر تۆ دەرمان بی من دەوام

ئەگەر تۆ گیا بی من خاکم
ئەگەر تۆ سازگاری من پاکم

ئەگەر تۆ سێبەری من هەورم
ئەگەر تۆ پەروانە بی من دەورم