حيا الله الهبوب اللي تجيب طاريه ..

part ..1

حيا الله الهبوب اللي تجيب طاريه ..

للكاتبة : غيوم ..

بسم الله نبدأ ..

Part .. 1

في أحد الديرات ..

.........: وخر عني والله ان قربت بعد كان قاتلتك ..
.........: لا ي شيخه خوفتيني,
و قرب اكثر منها و مسك يسار كفها و ماكان منتبه ع يمينها ويش يحمل و ماحس الا بـ لحظتها و السكين اللي غاصت بأحشاءه ..
هنا رفع يده و سحبها من شعرها
..........: والله اني قاتلك ي بنت الكلب وين بتنحاشين مني ..
وصار يصارخ من وجعه و بيده الثاني للحين ماسك شعرها وهي تتوجع و بالقوه قدر يضرب راسها ع الجدار و طاح وارتمى هو ع الارض بين دمه ..
هنا كانت بدأت تدوخ حين ضرب راسها ع الجدار بس مسكت نفسها و هي تشوفه طايح ع الارض ومغرق بدمه , و ماحست الا وهي سامعه صوت احد جاي ع طول اخذت عبايتها وطلعت من الدريشه و انحاشت وهي ماتدري ويش اللي سويته مير انها الحين صارت قاتلة ..

..

في ديرة أخرى ..
.........: يبه تكفى انت تدري عني ما ابي غيرها و للحين ماتزوجت بس عشانك تغير قرارك وتأخذها لي, يبه انا مستحيل اخذ غيرها ..
........: انا قلت اللي عندي و عطيت كلمة للناس, ومابتأخذ غير هالبنت, والله وان كانك ماتعاملها زين وتحتويها وقتها مابيطلع لك معاي خير تفهم انت ..

..

.........: و هو ماسك برقبتها بيخنقها,
: والله وانا اقول والله ان كان احد يدري عن اللي صار, اني قاتلك و موب معين فيك خير ..
........: طالعت بعيونه بكل قوه ,هزت شيء فيه ..
: و الله وانا اقول والله اني موب تاركتك
الين اخلصك من اللي انت فيه ..
و دفته ع صدره وطلعت هاجه بسرعه ..

...................

فـــي الديرة ..
من امس وبيت ابو عياش بيعج بالحريم
وبيت ابو رافع بعد والتجهيز للحين مستمر و العيال مشغولين بتجهيز المخيم للرجال و الكل منشغل بشيء واللي يجهز الذبايح واللي يهتم بالاكل والبخور و العود معبي البيت في بيت ابو عياش
و هنا ابو عياش بعدما لبس و ام عياش تجيب البخور و تحصن زوجها و اولادها اللي صاروا مرتصين خلف ابوهم ..

ابو عياش .. عنده
ام عياش : طيبه و تحب اولادها, و زوجها مع انه طيب بس ماتقدر تناقشه بقراراته وتمشي معاه بكل شيء ..
عياش : الابن الاكبر, عمره 32 سنة, متزوج من هدى و عايش مع اهله بنفس البيت و عنده بنت اسمها هديل عمرها 3 سنين ..
بهاج و سياف : توأم عمرهم 28 سنة ,طبعا توأم موب حقيقي يعني مايشبهون بعض في الشكل وموب متزوجين ..
ريوف : عروستنا اليوم عمرها 24 سنة ..
غياث : عمره 24 سنة, فرفوش العائلة ..
طيف : اخر العنقود, عمرها 22 سنة ..

جاءت ام عياش ومعاها البخور والعود وبدأت من زوجها الين اولادها الاربعه اللي كلهم رجال بهيبتهم و حضورهم بالذات خلف ابوهم السبع ..