حيا الله الهبوب اللي تجيب طاريه ..

part ..3

حيا الله الهبوب اللي تجيب طاريه ..

Part ..3

في الديرة ..
ابو عياش : والله يشرفني ي ولدي اني اخطب اختك بنت اخوي ابو مشعل لولدي بهاج ..
بهاج فز من مكانه قدام الكل بصدمة ..
بهاج : وشوووووووووووووووووو..

هنا مشعل التفت ع بهاج و شاف صدمته وسياف اللي مسك كف بهاج يبي يهديه ..

مشعل : نتشرف فيك ي عمي و بولدك بس ي عمي ماكأن ولدك ماعنده خبر ..
ابو عياش : لا مو هاي القصه, ولدي هو اللي جاني امس و علمني عن قراره بما شافه من رجوله و مخوه فيك, صار وده بالقرب منك ,بس الحين انصدم انه علمتكم و هو اللي يبي يقدرك و يروح لبيتك و يقدر اختك المصون, بس انا اقول ي ولدي لا تشيل هم, بس يردوا انهم موافقين اكيد بنروح ع بيتهم و نخطبها لك..

بهاج كان يناظر ابوه و القهر كابد ع صدره لدرجة موب قادر ينطق و صار وجهه احمر ..
ابو عياش يومي لـ بهاج : صح ي ولدي..
بهاج بنفس حالته مانطق ..
سياف : اي اي يبه بس كلنا انصدمنا ماهقينا انك بتخطبها الحين ..
هنا مشعل ارتاح شوي لأنه كان مفكر ان ابو عياش جابر بهاج ع اخته ..

ابو عياش : اجل ويش تقول ي ولدي ي مشعل ..
مشعل : و الله ي عمي انت تدري الروح ترخص لك, بس هالموضوع خارج ارادتي, يعني الشور الاول والاخير لأخت مشعل ..
ابو عياش : اكيد ي ولدي وحنا مانبي الا رضاها وموافقتها شاورها ورد لنا خبر ..

هنا الكل طلع و راح ع بيته ومابقى غير ابو عياش و اخوانه و اولاده و خالد ..

بهاج بنفس صدمته وساكت ماقدر ينطق
بس الحين شاف ان الكل راح و خلى له الجو يقدر يتكلم مع ابوه ..

بهاج ودموعه بعيونه : يبه ويش اللي سويته ..؟
ابو عياش بكل جديه : اللي لازم اسويه ..
بهاج : بس انت تدري عني موب موافق, وراك تخطبها لي ..؟
ابو عياش : بس الحين انت بتوافق ..
بهاج : تهقى بوافق واترك اللي ابيها ..؟
هنا ابو رافع و ابو خالد فهموا سبب عصبية و صدمة بهاج ..
ابو خالد : وراك ي اخوي بتزوجه بدون رضاه ..؟
ابو عياش : انا اللي ادرى بمصلحته..
ابو رافع : استهدي بالله ي اخوي ,كان زوجته اللي يبيها ..
بهاج : انا موب موافق يبه ..
ابو عياش : ومن اخذ رأيك, قول ان شاء الله البنت توافق عليك ..
بهاج : احسن لها ما توافق ..
وتركهم بهاج و طلع و لحقه سياف ..
وبقية العيال كلهم مقهورين ع حال بهاج بس بدون ماينطقون كلمة ..
..
بهاج و دموعه ع عيونه : وراه ابوي علي ويش سويت له وراه يزوجني بها الطريقة ..؟
سياف : والله مدري ويش بلاه ابوي ..
بهاج : بس للحين في حل اول ..
سياف : اللي هو ...
بهاج : اخت مشعل لازم ترفض ..
سياف : اي يعني نقول ان شاء الله, بس كيف, ماندري عنها يمكن توافق ..
بهاج : انا بدبرها ..
..

عند مشعل اللي رجع ع البيت و شاف امه و اخته قاعدين ..
مشعل : ابي اعلمكم بموضوع ..
وابيك من الحين ي غرور تدرين اني مستحيل اجبرك ع شيء ..
ام مشعل : ويش عندك ي ولدي قول ..
مشعل : عمي ابو عياش تقدم وخطب غرور لولده بهاج ..
غرور انصدمت اهي صارت تدري منه بهاج هي طول هالشهرين تعرفت ع بيت ابو عياش ..
بس المشكله بعد هي شافت بهاج من قبل مع حرمه ..
غرور : طيب ي اخوي عمي ابو عياش اللي يبيني لولده, بس ولده يمكن مايبي ..
مشعل : انا بعد كنت مفكر كذه بس عمي يقول ان بهاج هو اللي راح و قاله انه يبيك..
هنا انصدمت غرور بعدها تحس انها انبسطت, هي ياما شافت بهاج و اعجبت فيه ..
غرور : بس ي اخوي انا ع هالحال بحكم ع حياتي بها الديره, وانت تدري انا للحين ماقدرت اتعود عليها, يعني احسها صعبه, عكس حياتي اللي تربيت عليها ..
مشعل : والله اني ادري عنك بتقولي كذه, بس انا ما اقدر ارفض بها الشكل لعمي اللي سوى كل شيء عشاننا, وانتي تدرين ي وصية ابوي انه انتي الاهم بالنسبة لي لو حتى اطلع من الديرة, بس ابيك تأخذين وقتك اللين بكره و تفكرين بعد, وانا راضي باللي بتقوليه, ومابزعل من رفضك, بس عطي حالك فرصه لبكره ..
غرور : ولا يهمك بقعد افكر الين بكره ..
ام مشعل : من ناحيتي مابنلاقي ناس احسن منهم, والامر يرجع لك ي بنيتي ..
..
دخلت غرور ع غرفتها وهي صح معجبه ببهاج بس مستحيل تقبل فيه, بهاج ابدا مايناسبها ولا يناسب احلامها ولا حياتها اللي متعوده عليها, هنا فكرت و قررت انها مابتنهي حياتها, وبتعلم اخوها ع رفضها, واساسا هي شافت بهاج مع حرمه, يعني عندها سبب ..
..
في بيت ابو عياش ..
البنات عرفوا باللي صار و هنا بدأ نقاش البنات ..
ريوف : والله حلوه غرور, وتناسب بهاج ..
طيف : حتى لو حلوه, حنا ندري بهاج من يبي ..
هدى : والله سمر بعد حلوه ..
غيداء : بس خلونا نضحك شوي كيف يقدر يجتمع بهاج و غرور الفرق بينهم شاسع ههههه..
سما : تقصدين التحضر, ماندري قلوبهم اهي اللي تجتمع ..
اسيل : بهاج يستاهل كل خير, و غرور باين عليها بنت طيبه ..