حيا الله الهبوب اللي تجيب طاريه ..

part ..23

حيا الله الهبوب اللي تجيب طاريه ..

Part ..23

..

سياف و خالد بعدما شافوا حالة شداد وانه اغمى عليه وماقدر يصحى, هنا بسرعه خالد جاب سيارته و حملوا شداد و خذوه ع المشفى ..
سياف : ابك ي خالد اسرع دوووس, انا مستحيل اخسر شداد من جديد ..
خالد : سياف تكفى انت بعد اهدا اهدا الله يخليك ..

وهنا كان جوال سياف يدق رفعه وشاف ان المتصل بهاج
سياف : خالد خذ الجوال و رد ع بهاج, انا موب قادر اضبط نفسي ..
خذا خالد الجوال و فتح
خالد : حياا بهاج ..
بهاج : خالد ..؟ وينه سياف, وراك انت اللي ترد ع جوال سياف ..؟
خالد : والله ي ولد عمي ويش اقولك, حنا جايين لعندك ..
بهاج : خير ويش صار سياف فيه شيء ..؟
خالد : لا لا مافيه الا العافيه, بس شداد طاح علينا وباقي ماصحى وحنا الحين اخذناه و جايين في الطريق و سياف حده خايف ع شداد عشان كذه ماقدر يكلمك ..
بهاج : خير ويش فيه شداد, اساسا ان موب مطمن لغيبته ..
خالد : خلاص بسكر الحين و شوي وبنكون عندك ..
..
و فعلا ع شوي وصلوا المشفى و بهاج منتظرهم
وبسرعه حملوا شداد و نقلوه ع الاسعاف بسرعه
سياف بخوف : بهاج بهاج انا مستحيل اخسر شداد من جديد
بهاج اللي خاف اكثر حين شاف حالة شداد بس حاول مايبين خوفه حين شاف حالة اخوه ..
بهاج : اشفيك انت هذا شداد يطيح ويقوم مابيدفنا غيره ..
خالد : ي شين مواساتك ي بهاج ..

..
و ع شوي طلع الدكتور و ملامحه ماتبشر بالخير ..
الدكتور : انتوا اقرباء المريض ..؟
الكل : اي اي حنا هله ..
الدكتور : وشلون تسمحون له يوصل لها الحاله ..؟
بهاج : والله ي دكتور غاب يومين مادرينا انه تعبان, لو عرفنا كان ماتركناه لوحده ..
الدكتور : تبي تقنعني ان هالشيء من يومين فقط, الباين انه صار له فتره ..
خالد : انت ويش تقصد ي دكتور ..؟
الدكتور : قريبكم ذا كان يتعاطى ماده ممنوعه, تدرون ان هاي جريمة اولا و لازم اعلم عليها الشرطه ..
سياف : انت ويش تقول ي دكتور اكيد غلطان في شيء يمكن مخربط مع مريض ثاني
الدكتور : ويش هاي حيلة عشان تنقذون نفسكم من الشرطه الحين تمثلون ماتدرون والله باين عليكم جماعة مدمنه
هنا قفز بهاج و مسك بياقة الدكتور و عطاه بوكس
بهاج : دكتور اشفيك انت ويش تقول اعرف زين كيف تطلع كلامك ..
الدكتور كان يسب ويغلط في بهاج و هنا بهاج ماعاد بعد عن الدكتور وقاعد يضرب فيه
وهنا خالد وسياف صاروا يحاولوا يفكون بهاج من الدكتور و تجمعوا الناس و وصل امن المشفى و حاولوا يفكوهم بس بدؤا يضربون ع بهاج بالعصا و هنا سياف و خالد تدخلوا و ضربوا امن المشفى
و اخيرا وصلت الشرطه و قدرت توقف الخناقة اللي صارت ..
الدكتور : حضرة الشرطي انا اشتكي عليهم ثلاثتهم و غير موضوع الاعتداء بالضرب هذول شباب مدمنه و مالها قعده غير بالسجون ..
وهنا بهاج قفز من جديد و عطاه بوكس للدكتور الين كسر انفه ..
و تدخلت الشرطه بسرعه و خذتهم ثلاثتهم ع القسم ..
..
و هنا غرور و ام عياش سمعوا الصراخ قرروا يشوفوا ويش اللي صاير ..
ام عياش : والله اني قاعده ادعي ان بهاج مايكون له يد بها الاصوات والصراخ المعبي المشفى..
غرور : الله يهديك ي خالتي, ليه بهاج بيكون له دخل, اكيد موب بهاج ي خالتي لا تخافين ..
..
وهنا انصدموا حين شافوا الشرطه اخذتهم ..
ام عياش : بهاج ي ولدي وين رايح ويش اللي صار ..؟
و طالعت خلفه و شافت سياف و خالد بعد ..
ام عياش بصدمه و خوف : سياف انت بعد, انت كنت بالديره ويش جابك ويش اللي صاير ..
الشرطي : اسمحي لنا ي خاله, نبي نطلع ..
سياف : يمه ماعليه شوي و راجعين ..
ام عياش : ويش تقول وين رايحين ..
بهاج يضحك : الشرطه تقول تبي تسوي لنا لفه و تقهوينا و راجعين بعد شوي ..
خالد يضحك : خالتي, شوي شوي حين تعلمي الاهل, ترا اخذنا حقنا مافي داعي يزيدوها هههه ..
..
غرور كانت تطالع بهاج بخوف و عيونها جاءت بعيونه و شاف بهاج في احد قاعد يطالع بغرور
هنا اومى لها بعيونه تنزل لثمتها شوي ..
و بسرعه استجابت ونزلت لثمتها ..
و طلعوا و راحوا القسم ..