حيا الله الهبوب اللي تجيب طاريه ..

part ..4

حيا الله الهبوب اللي تجيب طاريه ..

Part ..4

..
وهنا كان ارتفع الخيل لدرجة كان بيطيح هالملثم ..
وهنا سياف صرخ ..
سياف : انتبه بتطييييييح .....
هنا الملثم فز ع الصوت اللي سمعه و زاد من ربكته و اتجهت عيونه ناحية الصوت و فجأه سياف تقدم وطبعا سياف اهو بعد كان ملثم بها اللحظه و الملثم من الارتباك من تقدم سياف زاد توترها وماعاد قدر يضبط الخيل اكثر, الين طيحه الخيل ع الارض و سياف وصل حده و قرب يبي ينقذ هالملثم ويساعده
بس هالملثم خاف منه و كان يحاول يتراجع لوراء رغم وجعه بسبب الطيحه بس كان يرجع لورا زحف و سياف هنا يحاول يقرب منه يبي يساعده ..
سياف : منو انت ؟ ويش قاعد تسوي مع خيلي؟  تأذيت انت ..؟
الملثم هنا وكان يتراجع لورا مسك بيده جذع من شجره مقطوع ع الارض و خذاه بيده بكل قوته و رماه ع راس سياف وسياف طاح ع الارض و بهاي اللحظه هالملثم قدر يهرب من جديد ..
اما سياف اللي كان طايح ع الارض وهو متوجع من الضربه اللي ع راسه بس ما تأذى بزياده كان جرح خفيف ..
بعدها حاول يقوم يدور و يلحق على هالملثم بس بدون فائده ..
بعدها ضاق سياف وماقدر يتدرب حتى, بعدها قرر يرجع للمستشفى ..
..

وقت الفجر ..
وصل سياف ع المشفى و راح لـ بهاج ..
بهاج اللي مادخل النوم لعيونه وضايق ومقهور من اللي قاعد يصير معاه و خايف ع اخته و خايف ع امه بعد, وكيف بيعاند ابوه و ياخذ البنت اللي يبيها و ماحس الا باليد اللي انحطت ع كتفه ولف بهاج ..
سياف : هونها ي اخوي عساه خير من ربك ..
بهاج : ونعم بالله ,اجل خلنا نروح نصلي, تدري شوي و ابوي بيجينا ..
بهاج : لحظه لحظه ويش فيه راسك ..؟
سياف : مافي شيء مير ما ادري من اقولك اللي عورني ..
بهاج : شلون يعني ..؟
سياف : بوقت ثاني بعلمك عنها الموضوع ..
..
في الديرة ..
في بيت ابو مشعل ..
مشعل صلي الفجر و تجهز بيرجع ع المدينة ..
ام مشعل : لزوم ترجع ي ولدي ..؟
مشعل : اي يمه ماينفع نرك عمي ابو عياش و هله ..
ام مشعل : اجل توكل وانتبه ع حالك ي ولدي ..
..

في المدينة ..
في بيت ابو خالد ..
بالقوه ابو خالد قدر يقنع ابو عياش يفطرون عنده بالاول بعدها يروحون كلهم ع المشفى ..
بعدها خلصوا يفطرون وطلعوا كلهم ع المشفى ..
..
في المشفى ..
وصل مشعل قبل ابو عياش و هله ..
استقبله سياف ..
سياف : حياك الله سياف, تعبناك معانا والله ..
مشعل : ويش هالكلام, انا لو ويش ماسويت مابقدر ارد شيء من جمايل عمي ابو عياش ..
بهاج كان يطالعه من بعيد بس بعدها راح و سلم عليه, واساسا مشعل ماله اي ذنب باللي صار ..
مشعل : جبتم لكم فطور معاي ادري ماقد فطرتم للحين ..
بهاج : تسلم ماتقصر..
وقعدوا ثلاثتهم و فطروا ..
و ع شوي جاءت الدكتورة ..
الدكتورة : انتوا اهلة طيف ..؟
بهاج فز : اي حنا فيها شيء ..؟
الدكتورة : لا كله خير, بس حبيت اقولكم ان مفعول المنوم الحين بيخلص, يعنى بتصحى خلال هالنص الساعة, والحمدلله ع سلامتها ..
بهاج و سياف : الله يسلمك ي دكتورة ..
مشعل لـ للتوأم : الحمدلله ع سلامة أختكم ..
التوأم بـ ابتسامة : الله يسلمكك..
و ع شوي وصل ابو عياش و هله ..
ام عياش : طمنوني ع بنيتي ..
سياف : بخير بخير يمه طمني قلبش, والحين بتصحى تعالوا نروح لها ..
ابو عياش : مشعل ي ولدي تعبت حالك ..
مشعل : ولو ي عمي تعبي فدا لك ..
بعدها الكل راحوا لـ غرفة طيف ..
ومشعل و خالد بقوا ثنيناتهم ..
..