حيا الله الهبوب اللي تجيب طاريه ..

part ..22

حيا الله الهبوب اللي تجيب طاريه ..

Part ..22

..

عند شداد اللي مجهز السم تبعه جنب الدريشه عشان تشوفه اسيل حين تجي و تخبى هو بالبيت
و وصلت اسيل كالعادة و دخلت بسرعه و بدأت تدور بس لقيته امامها
و خذته وصارت تكلم نفسها بصوت مرتفع
اسيل : والله راحت عليك ي سيد شداد, غفلت اليوم وماقدرت تخبيه عني, اي انا اسيل انفذ اللي اقوله ..
وجاءت تلتفت تمشي وشافته واقف امامها وهالمره بدون مايتلثم ..
شهقت اسيل وخافت ..
شداد : بسم الله عليش هدي مابسوي لش شيء ..
اسيل : منو انت اصلا عشان تقدر تسوي لي شيء ..؟
شداد : انا اللي خذا قلبك وخربط عدادك وخليك كل يوم تصحين وتجيني عشان تحميني من اللي انا فيه ..

ارتبكت اسيل من كلامه وماعاد عرفت ويش تقول و ويش تسوي
اسيل : تتوهم ان واحد مثلك ممكن يهمني, وخر عن طريقي ..

طالعها بهيمان و عيون غارقه و رفع يده يعدل شعره كالعاده و مسك بشواربه و رغم تدهور حالته و السواد حول عيونه و نحفه الباين الا ان حلاوته للحين موجوده
كل هالحركات زادت جنون اسيل وصارت تطالعه بس تداركت الوضع بسرعه وبينت له انه مايهمها ..
اسيل : انت ماتفهم قلت وخر, ابي اطلع ..
شداد : اهاااا يعني ما اهمك, اجل وراك تاخذين ذا ,خليني اتسمم واموت ترا مالي احد يهتم لي ..
اسيل : مايخصك, اخذه واسوي اللي ابيه, قلت لك وخر عن طريقي ..
هنا شداد حس انه زودها معاها وخر عنها و مد يده بمعنى * اتفضلي ..*
اسيل بسرعه ركضت تطلع و حين وصلت عند الباب وقفت ولفت عليه ..
اسيل : ترا في من يهتم لك , المهم انت اهتم لحالك ..
و فتحت الباب وطلعت بسرعه ..
وتركت شداد اللي بعد كلمتها الاخيره هو موب مصدق نفسه و قاعد يضحك بأرتياح غير طبيعي, من مده ماسمع كلام يريحه وصار يكلم نفسه ..
شداد : وانا اوعدك ي بنت قلبي اني اهتم لحالي, دامك انتي اللي تهتمين لي ..

..

في محل ابو عياش ..

خالد : ي عيال تكفون الحين صرنا بعد الظهر و لاقدرنا نسوي شيء, وانتوا تدرون بعد العشاء بتصير الملكة ..
بهاج : والله ودي لو اروح اخنق رافع قبل صالح وكذه نفتك من هالملكة ..
سياف : اااااااه ي عيال لو شداد بينا الحين كان بيقول الحل عندي, حتى لو مايدري ويش اللي بيسويه ..

وهنا بهاج و خالد و سياف ضحكوا بحسره ومنزلين روسهم
بس هنا انصدموا من الصوت اللي سمعوه و رفعوا روسهم يشوفوا ..
شداد : اجل الحل عندي ي عيال ..

..

عند اسيل و شموخ, قعدت اسيل تحكي لـ شموخ اللي صار و طبعا مروا و اخذوا غرور و امها والحين كلهم ببيت ابو رافع ..
شموخ : يالهبله حتى شداد فهم انك تبيه ..
اسيل : موب كذب انا ابيه, بس لازم انقذه من اللي اهو فيه ..
شموخ : طيب اهو يدري انتي منو ..؟
اسيل : ويش تقصدين ..؟
شموخ : تدرين اللي صار معاه و مع سياف وبهاج ..
اسيل : الحين ما ابي افكر بشيء, ابيه بس يبتعد عن هالسم اللي قاعد يأذي نفسه فيه ..
وهنا جاءت غرور قعدت جنبهم ..
غرور : اي شلونكم يالبنات ..؟
اسيل : حنا بخير نحمد الله,  انتي شلونك ..؟
غرور : الحمدلله ..
جاءت طيف وقعدت معاهم ..
طيف تومي لشموخ و شموخ فهمت عليها..
شموخ : الا ي غرور الحين ماتتواصلون مع مشعل ..؟
غرور اللي فهمت ان هالكلام عشان طيف
غرور لفت ع طيف ومسكت يدها ..
غرور : والله ي قلب مشعل, مشعل بيسوي كل جهده عشان يخلص من هالتجنيد و يرجع ياخذك زوجه له ..