حيا الله الهبوب اللي تجيب طاريه ..

part ..15

حيا الله الهبوب اللي تجيب طاريه ..

Part ..15

..

قبل شهر ..
بعدما طلع شداد من بيت ابو عياش طلع والقهر والضيق باين عليه, ومن هنا طلع ومتوجه مايدري وين بيروح مير ان كل تفكيره انه لازم يطلع من بيت ابو عياش ومن الديره كلها, ومشى طريقه الين وصل اخر الديره وصح انه ماطلع من الديره بس ع الاقل هالمكان بعيد عن بيت ابو عياش وكمان يعتبر بعيد عن الاحياء اللي في الديره و شاف له بيت فيه غرفه فقط وباين عليه مهجور من زمان والسقف تبع البيت حده شوية امطار و يطيح بس هنا بالنسبة لـ شداد هالمكان اهون عليه من انه يرجع للبيت اللي عطاه ابو عياش ويحس بالذل والاهانه اللي شافها اليوم وغير كذه حتى سياف اللي كان خوي الروح شاف منه مايكفيه, وصح بهاج ماغلط معاه بس اكيد بيوقف بصف اخوه و ابوه, ذا كان تفكير شداد, بعدها دخل هالبيت اللي بالاساس غرفه فقط ,دخل وقعد فيها وكان فيها فراش انسدح عليه ورفع يده ع راسه وقاعد يطالع بها السقف متى بيطيح عليه, و بعدها نام بها المكان اللي طلعت الشمس, وهنا صحى وهو مررره جوعان بالاساس هو حتى ماتعشى والحين من وين بيفطر ومافي حتى مويه يشربها, قرر يطلع ويشوف ويش بيسهل له ربي, وهنا طلع و اتجه خارج الديره وللحين موب لاقي شيء ياكله و صار الوقت بعد صلاة العشاء ,هنا شداد قرر يرجع للخرابه اللي اعتبرها بيته, وبطريق عودته شاف اربعه شباب ملثمين وبيعدهم عصوه وكأنهم قطاع طريق و شاف سيارة ماشيه و وقفوها وقاعدين نهب وسلب في صاحب السيارة ,وبعدها تركوا صاحب السيارة يروح ,شداد ثار دمه من هالشيء اللي يسوونه ,وتقدم و راح لهم بحالته الهزيله التعبانه ..
شداد : وراكم واقفين ومقطعين الطريق ع خلق الله ..؟
1 : انطم وانقلع ولا تخلينا نشوف وجهك ولا تدخل بشغلنا, احسن مانسوي فيك شيء مايتسوى ..
شداد : واذا ما انقلعت والحين ممكن ابلغ عليكم ..
2 : تهقى بتعيش اذا لحقت تبلغ علينا اساسا ..
3 : عين فينا ي ابن الناس, ترا اللي نسويه ماهوب برغبه فينا, حنا مجبورين, عشان كذه توكل ولا تشغل نفسك فينا ..
4 : حنا شايفينك ولد ناس, امشى احسن مايشوفوك, بعدها تنقلب وتصير منا ..
شداد : انت ويش تقصد ..؟
1 : ولا يقصد شيء, ودامك شكلك باين عليك الفقر والعله معناه مابنستفيد منك شيء, انقلع احسن لك ..
2 : بس اذا ودك نخربط هالوجه المزيون ولا يهمك, بس بعدها يمكن مزيونتك ماعاد تقبل فيك ..
شداد تغايض من كلامه وقفز يبي يضربه, مع انه ماعنده مزيونه مثل مايقولون ولكل الغيره والرجوله تمشي بـ دم شداد, وحين قفز بيضربه ماقدر يقاوم وطاح ع الارض بسبب تعبه وجوعه ..
هنا الاربعه انصدموا وخافوا ويش اللي صار فيه ..
1 : احسن شيء نهرب قبل نبتلي فيه ..
2 : اي جاءت من الله نهرب قبل يقعد يحقق معانا و يقول يبي يبلغ ..
3 : ماهقيتها منكم بنترك مسكين بها الحاله و نروح, هالمكان موب آمن ..
4 : اي انا رأيي من رأيك, انا اقول ناخذه معانا ونساعده ونخليه يشتغل معانا ,باين عليه رجال وبينفعنا ..
..
وبعدها خذوه معاهم لمكانهم و وصلوا وحاولوا يصحوه ..
شداد : تكفون ابي مويه, ابي خبز ابي اي شيء اكله تكفون ..
3 : والله قايل لكم باين عليه حاله اسوء من حالنا ..
4 : الحين بجيب له شيء ياكل ..
و جابوا الاكل وعطوه وكان ياكل بشراهه .. وهم قاعدين يطالعون فيه ..
وبعدها خلص اكل وارتاح و رجعت له عافيته ..
1 : اعتقد الحين نقدر نسألك ويش قصتك ..؟
شداد : بالاول انا اللي اعرف ويش قصتكم لأنه قبل ساعه حالتكم تبين انكم موب ناويين ع خير و الحين اللي يبان فيكم انه انتم ناس بتسوون الخير ..
3 : ماعليك منا حنا قصة معقده ,انت قول لنا ويش قصتك ..؟
شداد : انا والله كنت عايش بديرتي بكل راحتي وسعادتي و بعدها عشان ماقبلت بطلب طلبه واحد من اهم الرجال الديره وقتها طلب مني اترك بيته اللي مقعدني فيه واترك الديره وانا طلعت وانا بالاساس يتيم يعني ماعندي احد يسأل علي ولا يهتم لي ..
4 : اااااااه ي هو الظلم لاحقنا كلنا ..
2 : ويش رأيك تقعد معانا وتشتغل معانا ..
هنا شداد بدأ يضحك هههههههه هههههههه ويش رأيكم خليكم من ذا الكلام, جيبوا لنا سوالف فيها ضحك هههههههههه
وصار ينطق كلمتين ويضحك بعدها وقف شداد واخذ شاله و ولبسه وغطى فيه وجهه و رفع ثوبه و ربطه ع خصره
والكل يطالع فيه ويضحكون ..
شداد : حطون لي اغنيه من جوالاتكم ابي ارقص, احس اني مستانس ههههههه
وهنا و احد منهم شغل اغنيه بجواله
و شداد كان يرقص بطريقه كلها هز اكتاف وحركات بالراس, اللي يشوفه مايصدق ان هذا شداد, صحصح ان شداد اكثر من يعرف بالرقص بالديره بس رقص الييوم كان مختلف عن كل مره
وهنا بعد الشباب كانوا يضحكوا لـ ضحكه و وناسته وقاموا يرقصون معه ..
الين طاح شداد ع الارض من الرقص والهبال و صار يضحك وهو منسدح ع الارض و الشباب اللي معاه قاعدين سوا يضحكون وبعدها قعدوا يسولفوا الين غلبهم النوم ..
..
وبالصباح صحوا كلهم و قعدوا يصحوا شداد وهم للحين مايدرون حتى عن اسمه
صحى شداد وهو يحس بتعب و خمول وتشتت ..
شداد : اااااااااه انا بالحيل تعبان اليوم ..
1 : تدري انك للحين ماقلت لنا عن اسمك ..
شداد : انا اخوكم شداد وانتوا منو ..؟
2 : انت ماعليك مننا يكفي تنادينا بخوي وخويي يكفي ..
شداد استغرب منهم بس مافهم ..
1 : قوله بس هو بعد بيصير مثلنا ..
شداد : ويش تقصدون ..؟
2 : نقصد ان الشيخ اللي حنا نعمل عنده عاطينا ارقام بدل الاسماء ..
شداد : مافهمت ..
3 : اعتقد دام حنا عددنا اربعه انت بتكون 5 ..
1 : يعني بيكون اسمك 5 , هاي كلمات سر للشيخ ..
شداد : بس انا مابشتغل معاكم بقطع الطريق, انا من ديره محترمه و انا ولد ناس ..
2 : اجل ويش تتوقع ويش اللي بنشغلك, بنخليك شيخنا يعني ههههههه..
1 يغمز 2 ويتواموا ..
1 : ويش رأيك نفطر بالاول بعدها نكمل كلامنا ..
وهنا جهزوا الفطور و خلوه يفطر وفطروا هم بعد
وهنا اعتدلت وزانت نفسية شداد و رجع يضحك معاهم وهو مستانس
2 : والحين ويش تقول بتشتغل معانا وبتكون كل يوم تروق بها الشكل ويش رأيك ..؟
شداد : وراي بـ روق من قطع الطريق ..؟
3 : عشان قطع الطريق هو سبب هالروقان اللي انت فيه ..
شداد : مافهمت ..
1 يومي لـ 2 انه يجيب شاي مضبوط لـ شداد
وشداد خذاه وشرب ..
شداد : اقولكم شيء, ي اخي انتوا اكلكم ع شايكم كله طعم غييير ما ادري كيف احس نفسي معاكم ..
1 : نقدر نقول تم بتشتغل معانا, اساسا ع ماشفناك يبدو ان مالك احد ..
4 : انا اقول تطلع معانا اليوم وتشوف الوضع كيف ..
شداد : تم ..
..
وفعلا راح معاهم شداد اول يوم وقعد بس يناظرهم ويش يسوون وصار الوقت قريب الفجر ونفسية ومزاج شداد موب زينه وبعد يحس بتعرق وقلق وضيق ومايدري ليه ..
رجعوا كلهم و شداد حالته موب تمام ..
شداد : ما ادري ويش فيني احسني دايخ وتاعب وضايق بعد ..
4 : الحين اسوي لك شاي يعدل دماغك ..
وفعلا جابوا له الشاي و رجع طبيعي ومستانس وحالته زينه ..
هنا بها الوقت وافق شداد انه يشتغل معاهم ويعلموه السر اللي موجود بأكلهم وشايهم ..
وفعلا بعدين اسبوع حين صار مايقدر يفارقهم علموه بالسر وهنا شداد صح تضايق انه وصل لهالمرحله بس الحين ماعاد يقدر بدونه ..
وكل يوم يطلع شداد معاهم ويقطعون الطريق وياخذون اللي يقدرون عليه ويجيبوه لشيخهم اللي ياخذ كل شيء و يعطيهم اللي يهديهم ويريحهم ..
ومر شهر ع هالحاله ,وطبعا صاروا عاطيين شداد اسم 5
وبيوم شداد و 4 طلعوا عشان يقطعون الطريق بس للحين ماطلع معاهم شيء ولا بقادرين ياخذون اي شيء واخيرا قدروا يلقون شيء بسيط جدا قرروا ياخذوه للشيخهم المهم مايرجعون فاضيين عشان ماينحرمون من اللي يبونه و صار الوقت نص الليل بعدها قرروا يرجعون ويعلمون شيخهم باللي صار ..
وصلوا وشيخهم و رجاله منتظرينهم و شداد و 4 حالتهم صارت تعبانه هم للحين ما اخذوا اللي يبونه وحين شاف شيخهم انهم ماجابوا غير هالشيء البسيط امر رجاله يضربوهم بحجة انهم ماعرفوا يشتغلون شغلهم بالطريقة المطلوبه..
شداد : تكفون اتركوني والله ذا اللي طلع معاي يلا الحين اعطوني, انتوا وعدتموني تعطوني, اذا جبت لكم اللي تبوه, تكفون ارحموا حالي ..
وصار يكح يكح والدم طالع من فمه وانفه ..
شيخهم : هذي ثالث مره وانت تسويها عشان كذه ارموه ذا ماينفع يكون معانا ..
هنا شداد ركض لـ رجلين الشيخ ..
شداد : ابك ابك ابك لا تخليني ,عطني اليوم اقل شيء الله يخليك ..
وهنا رماه الشيخ برفع رجله ومشى وخلاه بحاله و اخذوه رجاله و رموه بمكان بعيد عنهم لكن 4 سامحوه عشان ذي اول مره يسويها ..
..
وهنا 3و 4 بدون ما احد يدري اخذوه وساعدوه يوصل للمكان اللي اعتبره بيته و عطوه شوي عشان يهدا ..
3 : ذا اللي قدرنا نسويه عشانك ..
4 : من هنا بتنتهي طرقنا مع بعض ..
وشداد المهم يعطوه بعدها بيفكر بالباقي ..