حيا الله الهبوب اللي تجيب طاريه ..

part ..21

حيا الله الهبوب اللي تجيب طاريه ..

Part ..21

..

بعدما وصل الكلام للكبار عن الضرب اللي قاعد يصير بمحل ابو عياش
فزوا كلهم الاربعه ابو عياش و اخوانه و او صالح معاهم,  بس هنا حين وصلوا انصدموا من اللي شافوه ..

كان كل واحد نازل بالثاني ضرب وهنا توقفوا حين سمعوا صوت ابو عياش والبقيه ..
ابو عياش بصوت جمهوري عالي : ي عيااال ..
وهنا الكل توقف اللي واقف و اللي طايح بالارض و اللي قاعد بس المشكله والمصيبه اللي خلت الكل مصدوم من المنظر اللي شافوه
رافع طايح ع الارض ويتوجع من الطعنه اللي جاءته ببطنه
وخالد اللي صح قاعد فوق رافع وللحين مصدوم من وين هالطعنه والمصيبه الاكبر السكين جنب خالد ويد خالد فيها دم
ابو رافع صاح حين شاف ولده مرمي ع الارض بين دمه ..
ابو رافع : بتذبح ولدي الله يذبحك ونفتك من شرك ..
وقفز ابو رافع لولده الطايح
وخالد بحالة صدمة مايدري ويش اللي صار ..
سياف وبهاج : لا لا لا ي عمي خالد ماسواها ..
وفزوا خذوا خالد ناحيتهم وخالد للحين مصدوم ..
ابو خالد : بتذبح ولد عمك عشان حرمه ي فضيحتك ي ابو خالد ..
خالد : يبه والله ماسويت شيء..
صالح : عمي ابو رافع لازم نلحق على رافع خلونا نوديه المشفى بعدها نرجع ناخذ حقنا ..
و فزوا صالح وصلاح وحملوا رافع وللسياره و ابو رافع و ابو صالح معاهم
و قفز بهاج وسياف رايحين معاهم بس وقفهم ابو رافع ..
ابو رافع : وين رايحين, ارجعوا لولد عمكم, انتم واقفين بالاساس معاه, بس انا بوقف مع ولدي وما ابي احد ..
سياف : بس ي عمي ..
ابو رافع : قلت كلامي ..
بهاج : عمي افهم خالد ماسواها ..
لف ابو رافع واعطاه نظره كلها غضب
ابو رافع : ثلاثتكم ماعندهم عم من اليوم اسمه ابو رافع ..
استغل صالح هالوضع وراح يساعد ابو رافع ويدخله السياره .. ومشوا متجهين المستشفى ..
..

رجعوا وابو عياش امرهم يقفلوا المحل ويرجعون البيت
وصلوا كلهم ع البيت و دخلوا ابو عياش و ابو خالد و معاهم خالد و بهاج و سياف
ابو عياش يصارخ : فضحتوني بين اهل الديره فضحتونا عند اخوي ..

وهنا بدؤا الحريم يسمعون صوت صراخهم قرروا يروحوا يشوفوا ويش اللي صاير , واليوم بالذات كانت ام رافع و سما و ريوف ببيت ابو عياش
وهنا كل الحريم فزوا و صاروا كلهم مجتمعين يشوفوا ابو عياش قاعد يصارخ ع العيال و ابو خالد قاعد و ماسك ع راسه
خالد : عمي اسمعني حنا تهاوشنا وبدينا نضرب بعض بس والله ماطعنته ..
بهاج : يبه انت تدري حنا مانسويها مع الغريب كيف بنسويها مع ولد عمنا

هنا الحريم موب قادرين يفهموا شيء
خالد : يبه تكلم علم عمي اني ما اسويها..
ماخلص كلمته الا وجاه كف من ابوه
ابو خالد : فضحتني عند اخوي, فضحتني بين الناس
ام خالد : ويش فيك ي ابو خالد ويش اللي صار ..؟

خالد كان منزل راسه وهو مقهور من ابوه, يعني حتى ابوه موب مصدق له
سياف : عمي استهدي بالله, وان شاء الله رافع مافيه الا الخير ..
هنا صرخت ام رافع
ام رافع : راااافع ويش فيه ولدي ويش صار معاه ..
ريوف : سياف ويش فيه رافع ..؟
بهاج : مافيه الا السلامة شوية خناق بينا وعمي اخذه و شوي جايين ..
سما : من وين جايين ويش اللي صار ..؟