Hello Mr. Seatmate (Short Story)

Chapter 3

Getting Close To You

“ ‘di ba sabi mo taga sitio ka?” Nilingon ko si Francis, tumango naman ako.

“Oo.”

Ngumiti siya. “Malapit ka lang sa Palazzo.”

“Palazzo?”

“Oum, hindi mo alam?”

“Alam ko,” awkward akong ngumiti.

“Simba ka do‘n sa linggo, nagse-serve ako.”

“Nagse-serve?”

Tumango siya. “Naririnig namin ‘yon pero hindi namin nagawang puntahan kasi pang mayaman.”

Tsaka siya tumawa. “Hindi, ano ka ba?” Hindi ko alam pero parang ang cool pakinggan nang sabihin ‘yon na sinabayan niya ng tawa.

“Kahit sino naman p‘wede,” ngumiti na lang ako.

“Simba ka—kayo, sabihin mo sa mama mo. Tapos sa harap ka—kayo umupo para makita mo ako.”

Gusto kong tumawa dahil hindi niya alam kung paano siya tutukoy, pero naitago niya ‘yon.

Bilib din ako sa mga lalaki dahil kaya nilang magtago ng totoong emosyon.

“Sige, mag-sisimba kami.” Ngumiti siya kaya ngumiti rin ako.

Dumating ang oras ng uwian kaya nag-ayos na kami ng mga gamit.

“Uuwi ka na?” Tanong niya.

Tumango ako at ngumiti. “Sige, bye bye, ingat.”

Ngumiti lang ulit ako—at nang makalabas ng room, do‘n ko lang nasermunan ang sarili ko na hindi ko siya ginantihan ng pagpapa-alam.

Pero may iba pa.

Kanina pa kasi ako ngiti ng ngiti, aaminin kong dahil ‘yon sa kan‘ya at naiinis ako sa p‘wedeng mangyari.

Aaminin kong mabilis akong ma-attach.

“Ma, ma, ma.” Nasa labas pa lang tawag na ako ng tawag kay mama.

“Ano ba? Ma ka ng Ma, ‘di ka magsalita.”

“Kasi kasi ano—”

“Pumasok ka muna, ilapag mo muna bag mo.”

Hindi ko alam kung saan galing ang excitement na nararamdaman.

“Kasi nagtanong kaklase ko kung saan tayo nakatira tapos sabi ko dito.”

“Anong dito?”

“Dito.”

“Tinanong ka tapos sinabi mo dito? Buang ‘to.”

Tumawa na lang ako. “Ayusin mo mag-k‘wento, ‘Tinanong ako ng kaklase ko ma kung saan tayo nakatira, sabi ko dito.’ gano‘n? Gano‘n ka nagpakilala?”

‘to naman.

“O ano bilis na.”

“Tinanong niya ako kung saan tayo nakatira, kasi seatmate ko siya tapos nagpapakilala tapos ayon, tinanong niya saan tayo nakatira—”

“Ulit-ulit, diretsuhin mo.”

“Sabi ko sa Sitio tapos sabi niya ang lapit lang daw natin sa Palazzo—”

“Palazzo?”

“Oum, sabi niya simba raw tayo kasi nagse-serve siya do‘n.”

“Oh? Tapos?” Nakukuha ko na ang interest niya. “Anong sabi mo?”