ကူးပြောင်းပြီးနောက်အမြောက်စာမိသားစုကိုငါရလိုက်တယ်

chapter 134

Chapter 134 Cannon fodder family
November 08, 2023
Chapter 134

ပိုင်ရဲ့ ချီရှင်းချန်၏နဖူးနှင့်နှာခေါင်းကိုနမ်းကာ ကူညီ၍အဝတ်ပြန်ဝတ်ပေးလိုက်ပြီးနောက် လက်များကိုဆေးရန် ရေချိုးခန်းထဲသို့ ဝင်သွားလိုက်သည်။

ချီရှင်းချန်မှာမူ ကုတင်စောင်း‌တွင်ထိုင်နေပြီး သူ၏မျက်လုံးများမှာ ဘဝအတွက်စိတ်ဆန္ဒများအားလုံး ကုန်ဆုံးသွားရသည့်အတိုင်း အသက်မရှိသလိုဖြစ်နေသည်။

ပိုင်ရဲ့ သူ့ကိုမကူညီပေးခင်က သူအချိန်ကိုကြည့်မိခဲ့သည်။

ထိုအချိန်ကတည်း မိနစ်နှစ်ဆယ်ခန့်ပင် ကုန်ဆုံးသွားခြင်းမရှိသေးချေ။

၎င်းတို့တွင် စကားပြောဆိုခြင်းနှင့်သူ့နောက်မှအရာများအားလုံးပါဝင်ခဲ့သည်။

ထို့ကြောင့် အတိအကျရေတွက်ရမည်ဆိုလျှင် သူ၏ခံနိုင်ရည်အားမှာ ဆယ်မိနစ်ခန့်သာရှိနိုင်ပေမည်။

ဘုရားရေ…

ပိုင်ရဲ့ သူ့ကိုဒီအတွက် တကယ်ကြီးမရယ်လောက်ဘူးမလား…

ချီရှင်းချန် ပို၍တွေးမိလေလေ ပို၍စိတ်ပျက်လာရလေလေဖြစ်သောကြောင့် ဘေးသို့လှည့်ကာ တရားခံဖြစ်သည့် ပဝါအလိပ်ကို ဒေါသတကြီးနှစ်ကြိမ်ခန့်ထိုးလိုက်သည်။

သို့သော်လည်း ရလဒ်အနေဖြင့် သူ၏ဒေါသများမပြေသွားရုံသာမက သူ၏လက်များပင်နီရဲသွားရသည်။ ချီရှင်းချန် စိတ်တိုတိုနှင့်ပဝါအလိပ်ကိုယူကာ ပစ်ထုတ်ရန် ကြံရွယ်လိုက်သည်။

ချီရှင်းချန် အမှိုက်ပုံးအနီးသို့ ရောက်လာချိန်၌ သူရပ်တန့်သွားကာ တုန့်ဆိုင်းနေမိသည်။

သူ၏အစ်မမှာ ထိုပစ္စည်းများကို သူ့အတွက်အထူးသီးသန့်ဝယ်ယူထားပေးခဲ့သည်ဖြစ်ရာ သူသာ ဤအတိုင်းလွှင့်ပစ်လိုက်ပါက သူမ၏စေတနာများကို ဖြုန်းတီးမိသလို ဖြစ်သွားပေမည်။

ထို့အတူ… သူ အနာဂတ်အချိန်များတွင်လည်း ၎င်းတို့ကိုသုံးရနိုင်ခြေရှိသေးသည်။

သူ၏လက်ကိုပြန်ရုတ်ကာ လှည့်ထွက်လာပြီး အံဆွဲထဲသို့သာ သူခိုးတစ်ယောက်ကဲ့သို့ ခိုးကြောင်ခိုးဝှက်ဖြင့် သိမ်းထားလိုက်သည်။