Chapter 138 Cannon fodder family
November 09, 2023Chapter 138
ဤသို့ဖြင့် နေ့လည်နှစ်နာရီအချိန်တွင် ချီရှင်းချန် မုန့်အနည်းငယ်စားကာ ကောင်းကင်ပေါ်မှကျဆင်းနေသောနှင်းများနှင့်အတူ အဝေးပြေးလမ်းမပေါ်သို့ တက်လာလိုက်သည်။ အဝေးပြေးလမ်းမမှာ နှင်းကျနေချိန်တွင် သွားလာရန်နှေးကွေးပြီး တစ်ခါတစ်ရံတွင် မတော်တဆမှုများနှင့် ပျက်ဆီးမှုများရှိတတ်သောကြောင့် ယာဉ်ကြောပိတ်ဆို့မှုအရှည်ကြီးရှိနေမည်ဖြစ်သည်။
ထို့ကြောင့် သူ၏ပန်းတိုင်သို့ရောက်ရှိချိန်တွင် ကောင်းကင်တစ်ခုလုံးမှာ အပြည့်အဝမှောင်မဲနေပြီဖြစ်သည်။
နှစ်သစ်ကူးပွဲတော်မှာ ထိုမြို့၏ဇာတ်ရုံတွင်ကျင်းပမည်ဖြစ်ခြင်းကြောင့် ချီရှင်းချန် ဇာတ်ရုံအနောက်တွင် ကားပါကင်ထိုးလိုက်ပြီး အားလွင်ထံဖုန်းခေါ်လိုက်သည်
" မင်းမှာဝန်ထမ်းကဒ်ရှိလား…"
ရုတ်တရက်မည်သည့်နေရာမှထွက်ပေါ်လာမှန်းမသိသောမေးခွန်းကြောင့် အားလွင်ကြောင်အသွားရသည်
" ဝန်ထမ်းကဒ်ကဘာလုပ်ဖို့လဲ…"
ချီရှင်းချန် ပွဲတော်၏အမည်ကိုထုတ်ပြောလာချိန်တွင် အားလွင်စက္ကန့်အနည်းငယ်မျှ တောင့်ခဲသွားရသည် " ဖာ့ခ် ဖာ့ခ် ဖာ့ခ် သောက်ကျိုးနည်းဟေ့…ရှင်းရှင်း မင်းလာမလို့လုပ်နေတာတော့ မဟုတ်ဘူးမလား…"
" လာမလို့လုပ်နေတာပါ…အခုဇာတ်ရုံရဲ့အပြင်မှာတောင် ရပ်နေပြီးပြီ…" ချီရှင်းချန် အသံတိုးကာပြောလိုက်သည် " မင်းတို့ရဲ့ဘော့စ်ကိုမပြောနဲ့ဦးနော်…သူ့ကိုအံ့ဩသွားအောင်လုပ်မလို့…"
အကယ်၍သာ ယခင်အချိန်တွင်ဖြစ်မည်ဆိုလျှင် အားလွင် ချက်ချင်း ချီရှင်းချန်ကိုရောင်းစားလိုက်မည်ဖြစ်သည်။ သို့သော်လည်း သူ၏ဘော့စ်နှင့်ချီရှင်းချန်တို့၏ဆက်ဆံရေးကို သိပြီးသွားချိန်တွင် အားလွင်မှာအလွန်အလိုက်သိနေပြီး ရှောင်မန်၏ဝန်ထမ်းကဒ်ကိုတောင်းကာ ချီရှင်းချန်ပို့လာသည့်နေရာသို့ သွားကြိုလိုက်သည်။
BẠN ĐANG ĐỌC
ကူးပြောင်းပြီးနောက်အမြောက်စာမိသားစုကိုငါရလိုက်တယ်
Tiểu thuyết Lịch sửTitle - After Transmigrated into a Book, I've Gained an Entire Family of Cannon Fodder Description ...