حكاية (( ضحية انتقام ))

(( بارت 17 ))

حكاية (( ضحية انتقام ))  للكاتبه حوراء الموسوي

....... دخل محمد ملابسه مليانه دم ومرعوب اني واكفه اباوعله وموسعه عيوني فات للبيت يركض ركضت ورا اصيح ميسمعني مستعجل دخلت ورا اركض  واحجي ويا محمد شنو هذا الدم شصاير باوعلي وصرخ يبجي شفت دموعه على خدوده كال ولج ندى خالو وارث اغتالو يمشي سريع ويحجي صاح مستمسكاته بسرعه انطينياهن بسرعه يله ضليت واكفه وما مستوعبه الخبر مصدومه جمدت بمكاني الدمعه بعيني واكفه وبس اردد لا ميموت وارث رجع عليه يصيح ولج بسرعه وينهن ما اجاوبه الحجيه طلعت وسهام نزلت من فوك سمعن بالخبر كامن يعيطن ويلطمن اباوع بس ما عندي اي ردة فعل سهام انطتهم اله وطلع يركض ركضت ورا جان ابالي اريد اشوفه وصل للباب التفت شافني ورا عاط بيه ارجعي وين طالعه ما هتميت اله طلعت وهو يسحب بيه يرجعني بس اريد اشوفه حتى لو من بعيد بس ماشفته بس الهوسه مال العالم ملتمه وسيارات وشفت سيارته مفتوحه كل ابوابها صاح ولج نقلو للمستشفى طالعه ششوفين دفعني وطبك الباب بوجهي اريد ابجي بس ما اكدر وبس اردد ميموت وارث ميموت اموت ورا اذا مات والله هو أول حب بحياتي اريده يرجعلي مااريد شي من الدنيه غيره حتى اذا ميحبني ويبقى زعلان عليه ميخالف لو بس اسمع صوته هم ميخالف گلبي ينغز بيه العبره خنكتني بس ما ابجي باوعت شفت الحجيه وسهام ولبنات طالعن للكراج يبجن الجوارين اجو لان عرفو بوارث جان الحادث براس الشارع شويه وبدت تجي العالم ولشارع انخبص سيارات شرطه واخذو كل التسجيلات مال الكاميرات اجونه بيت ناظم وبيت ثائر  وأهل ضرغام وهناء دخلت موتت نفسها بالبجي البيت انمله العالم وكل الموجودين يباوعون عليه بنضرات حقد عبالك اني صاحبة الجريمه من عيون وفاء ونورس وام ضرغام ونباتها وام رند وحتى اقاربهم الاجو يباوعلي ويتهامسن كرهت روحي وما اكدر اختل بمكان البيت بكل مكان بي ثنين يسولفن  وكله تصخر بيه جيبي  ماي جيبي جاي سوي هيج حتى سهام كاعده بصف الحجيه وماله دخل بكلشي حالها حال الخطار سويت عشا للبقو بس هناء واستبرق وياي وبنات ناظم ساعدني هناء كل شويه تتصل عليهم يكولون بعده بالعمليات ادعوله احس بعد ما اتحمل اريد ابجي اريد اصرخ ما نطقت ولا كلمه اشتغل بسكته حتى التسئلني ما اجاوبها ردنه نصب العشا نزلنه الكدوره من الگوزان اني وهناء بقى بس السوب بعده انريد انزله اني وياها ابنها صاحاها يبجي صاحت على البنات وحده منجن تجي تنزل السوب ويا قطرالندى اجت سهام شالته وياي اني شايلته من جهه وهي من الجهه الثاني قبل لا نخلي بالكاع انضربت من وره على ضهري كمزت وفلت الكدر من ايدي انگلب على رجلي السوب بعده يغلي صرخت بصوت وكمت اكمز من الوجع انصلخت رجلي كعدت بالكاع افرفح النسوان التمت بالمطبخ صاحت سهام فاهيه حتى بهاي ما ترهمين وفاء ذبتلها كلمه ام ضرغام من الصاله وتصيح اسمعها حرامات ما نصلخت كولها  حوبت ابني وعمه هاي بس هناء عاطت بيهن من وجع رجلي كمت اصرخ بصوت اعيط ملخت شعري بس الحقيقه مومن وجع رجلي جنت محتاجه هيج اعيط حتى ارتاح اصرخ من گلبي مثل الميت كدامي احد عزيز عليه عيوني ما سكتن على صوت العياط دخل سامر وامير شافوني بالكاع راد امير يفوت شفت الخوف بعيونه ويريد يوصلني بس امه وهناء طلعنه وحتى سامر طلع واخذتني هناء الغرفة الحجيه وجابتلي مرهم دهنت رجلي گلبي كام يوجعني الهوى بده يضيگ بصدري اسمعهن يكولن ليش شفايفها زرك راحت هناء جابتلي حبايه شربتني واستبرق كاعده بصفي تهفي بحجابها على وجهي الشهكه بصدري هناء طلعت الكل من الغرفه  يباوعن على متشمتات بيه  واسمعهن يحجن اشكال بس ما اهتم الحجيهن  كولت الهناء خابري اسعد هسه شصار وارث شلونه طلعو من العمليات كالت هو خلي يجاوب موتني اتصل محد يجاوب اخذت الموبايل منها واتصلت بمحمد مرتين ميجاوب كمت الطم يتراولي وارث مات بعد ما اشوفه اصرخ لييييش ميجاوبون وارث بي شي يهدأن بيه بس ما اكدر گلبي فرفح كمت اتخيل هسه يدخلو للبيت بتابوت كمت ابجي بهستيريا يبجن وياي الكل دخل للغرفه يشوف شكو صاحت سهام شهل عياره اليسمعج يكول مصلوخه من ساسها الراسها كافي ثبرتينه بعياطج منا عالم باوعتلها وكولتلها الله ياخذج الله يااااخذج انتي وياهن وهيه نطت عيونها تخبلت اجتني تريد تضربني وهناء وكفت كدامها وطلع بيها من يمي وطلعن وياها كولهن وحتى هناء بقيت الوحدي بديت اهدئ الحبايه اشتغل مفعولها خف وجع البكلبي ورجعت اتنفس طبيعي بس القلق موتني وألم رجلي ما ينحمل الوج من الوجع بگلبي يدك رجعت عليه هناء مفرفحه روحها وتبجي اسعد مجاوبها ويكول الها طلع من العمليات بس ينتظرون 24 ساعه يله يزول الخطر عن حياته ويكول الها ادعيله مابدينه غير الدعاء سائلته شكم طلقه مضروب گايل الها طلقتين بصدره وحده منهن قريبه على گلبه سئلتها منو السوه هيج بي ليش شنو يردون من عنده باوعتلي وكالت عدوانه هوايه واولهم اخوج وابن عمج وحالياً الكل يكول اهلج لو اخوج لو ابن عمج :: عرفت ليش الكل يباوع عليه بنضرة حقد وام ضرغام دكول حوبت ابني وعمه تقصد وارث نزلت راسي كدامها ما اعرف شكول واذا همه صدك راح يرحون بيها هلمره حسام راح تصير جريمتين برگبته يعني اعدام بس كرهتهم ولو يمي انتقم منهم كسرگلبي مرتين بسببه انطوني فصليه ونجبرت وهسه من حبيته وتعلقت بي يردون يموتو القهر ياكل بروحي الساعات كوه تمشي الكل راح بقت هناء واستبرق وبنت  ناظم اسراء اشوفهن ينظفون بالبيت واسراء جابتلي عشا ما اكلت ما اريد التفكير راح يموتني معقوله حسام لو تقي يردون يقتلون وارث فزيت من تفكيري بصوت هناء گالت عدلي حجابج اسعد يريد يدخل يشوفج اتفاجئت شنو يشوفني شيريد من عندي دخل اسعد سلم وكعد يمي سئلني على رجلي واذا احتاج ياخذني للمستشفى ما قبلت كلت تصير زينه كال راح اشوفج فد شي اذا تعرفينه كوليلي هزيت راسي تقرب عليه وفتح جهازه وطلع مقطع تصوير مال كاميرات طلعو ثنين ملثمين وصاعدين دراجه وفاتو من باب البيت مرتين يرحون ويرجعون بدراجتهم وقف التصوير باوعلي كال تعرفينهم ذول منو باوعتله وهزيت راسي لا ما اعرفهم وشينعرف منهم ملثمين كال ركزي زين خويه بالكي تعرفينهم عاد المقطع مره ثانيه صدك ركزت بي ضليت اباوع واحد منهم لابس تشيرت اسود ربع اردان ضعيف اكو وشم على ايده بزنده ركزت بالوشم زين عرفته هذا تقي نفس الوشم نفس المكان ولرسمه ضليت صافنه اي هو تقي وهذا الكدامه مرتين من يفوت من الباب يتعمد يباوع للكاميرا مبينات عيونه وخزرته عرفته هذا حسام اعرف نضرته وعيونه زين صح مامبين شي من عنده ماكوشي يبين بس عرفته ضليت ابلعم وصافنه گالي اسعد ها خويه شنو ما شبهتي عليهم ما باوعت علي بس هزيت راسي وكوتله لا ماكو شي يبين منهم وينعرف لمحت عيونه شفته يباوعلي بنضرة شك دك تليفونه اخذا وطلع يخابر ضليت احمس بروحي عايزه عايزه قهر اني فوك كل هذا ماينطيني گلبي اكول هذوله اخوي وابن عمي يرحون سجن وحسام اكيداعدام القهر ياكل بروحي احس ريكي مرر نشف حلكي وجع رجلي بصفحه  لصبح ما نمت الوج شبه التطلك وما تجيب طلعت كوه امشي اشرب ماي شفت اسراء واستبرق كاعدات بالمطبخ يسولفن شافني كامت استبرق اجت ساعدتني شربت ماي وكعدت يمهن حتى لا ارجع الوحدي اضل اطحل بروحي سكته وگلبي  يرجع يوجعني گلت بالكي الهي نفسي بسوالف وياهن سئلت اسراء على رند  بسرعه بجت وكالت موزينه رند مرتين محاوله تنتحر ويلحكون عليها بالحضه الاخيره صايره ما تنعرف من الضعف ولا جنها ذيج رند الجانت احلى وحده بينه بس من ايدها ما بطلت شكم مره منعناها ما متنعت من عنده وهو هذا الحب بهذال:: كولتلها كلشي صار من ورا ضرغام دمرنه كولنه شكم حياة ادمرت ابسببه شنو ذنبي اني اجي فصليه وشنو ذنب رند تزوجلها رجال بعمر ابوها وشنو ذنب حسام بعد كل هذا خسر حبيبته صار مجرم بسبب هل حب وهل خسر كلشي وحته حياته راح يخسرها حسينه اكو حركه ورانه سكتنه غيرنه الموضوع دخلت هناء ها بعدجن كاعدات هستوهم جهالي نامو تعبوني واجت كعدت ويانه طلعن هم باقيات بلا عشا كامت استبرق واسراء وياها حضرن اكل من الباقي من العشا واكلت وياهم دك موبايل هناء باوعت للمتصل وباوعت  علينه مخطوف لونها فتحت خط ضلينه مركزين وياها لان الاتصال بهيج وقت باليل متأخر موطبيعي نباوعلها...........  للحكاية بقيه دمتم في حغظ الله ورعايته