حكاية (( ضحية انتقام ))

(( بارت 21 ))

حكاية (( ضحية انتقام )) للكاتبه حوراء الموسوي

(( البارت الواحد ولعشرون ))

..........  دخلت للغرفه شفته نايم غافي دخلت وضليت كاعده و سانده راسي على التخم واباوعله شفت موبايله كل شويه يرن تجي اشعارات ما اعرف من منو صار عندي فضول اكوم اشوفه كمت رحت امي مثل الحراميه خاف يحس عليه شلت الموبايل اباوع هوايه اشعارات جايته ردت افتحه بس مخلي رقم سري مينفتح حاولت ويا لحيت علي اجاني اشعار حاول بعد 30 دقيقه رجعته المكانه وسحبت نفسي رجعت المكاني انفتح الباب باوعتله دخلت سهام شافتني وسعت عيونها اجتني كرصتني من ايدي وتهمس يم اذاني خاف وارث يحس ويكعد كالت شعندج هنا امشي كدامي تسحب بيه من زندي طلعتني نترت ايدي منها وباوعت عليها بتحدي كولتلها ادخل يمه شوكت ميعجبني وبكيفي ومثل ما زوجج زوجي وما تخوفين جلبي سمعتي:-درت وجهي امشي لزمتني من شعري وسحبتني عليها عطت خلت ايدها الثانيه على حلكي خاف اعيط اكثر وتسحب بشعري درت وجهي عليها وضربتها على وجها وهي تخبلت دفعتني بقوه على الحايط ومخليه اديها برگبتي تريد تخنكني واني اتلاوى وياها ادفع بيها عني طلعت تقى ولحجيه من غرفتها على صوتنه اجن يدفعن بيها من عندي ولحجيه نهدت بينه ماتستحن شهل وكاحه ولعرامه زلمتجن نايم بالفراش طلع من حلك الموت وانتن ملتهيات بالمعارك ولمكافش استحن على انفسجن شويه ماتحترمن احد ولا تخافن سمعنه صوت وارث يصيح من غرفته راحتله تقى تركض واني بالكوه خلصت نفسي منها عبالك مجنونه وتفشر عليها بكل لغات العالم شايطه من القهر شلون وارث رجع وياي طبيعي اسمعه يكول خلي يجني ثنينهن وينهن بسرعه لا اكوم ومحد يخلصهن من ايدي رحد دخلت قبلها هي مستمره غلط وفشاير عليه دخلت وراي صاح انتن شنو فهمني متكولن مرييييض مالي حييل اكوم هسه انعل والديجن بنات الگوا...... ويد اول ليله ابيتي ما ارتاح مريض ونايم ماتحترمني بس خلي اكوم على حيلي والله انعل خيرجن ولحجيه ويا تساعده بالرزاله ردت احجي صاحت بيه الحجيه وطلعتنه بالغلط ولشتايم ولجن منعولات الوالدين شرايدات من هل رجال متردتنه يرتاحله يووم كمت اغلي من داخلي ردت اصعد الدرج وسمعته عاط بصوت منو لاعب بموبايلي ولكم تردون تخبلوني رجعت علي دخلت يمه تقى واكفه باوعلي معصب ويخزر بيه كالي تعالي تقربت يمه سحبني من اذاني كال انتي لاعبه بي مو من الخوف كوتله ولعباس لا مو اني قوه لزمته الاذاني وسحبها كال ولج يا العباس وماكو غيرج داخل للغرفه منو الشياطين لاعبات بالرمز مالته وشلج بي شنو جنتي تردين من موبايلي تدورين باوعتله بعيون مدمعه ومبرطمه عود اريد اكسر خاطره بس مافاد ويا صاح بأذاني:-احجي مايعبرن عليه هاي السوالف مال التمسكن:-كوتله بس عوفني واني اكولك:-صاح هاااا يعني انتي مو احد ثاني:-هزيتله راسي باوعلي مقلص عيونه:- وشنو تردين من تليفوني:- كالتله تقى خويه عوفها تولي هل زعطوطه رادت بس تلعب بي لوما زعطوطه ماتلح هلكد على الرمز باوعتلها اشرتلي احسلج هسه وغمتني عافاني ضليت افرك باذاني توجعني كوتله:- شبيك ساعه تصير شحلاتك وياي وشهر تنجلب عليه شجاك :- اني كلت هيج لو هو تخبل هاي عليه ولج منو الينجلب انيييي سويتيني جلب يا بنت الجلب:- يريد يلوحني اني ارجع ليوره خايفه ما مستوعبه الجفصه الجفصتها انضربت بالباب اريد افتحه واطلع صاح عليه اذا طلعتي الباب يا ندى والله احسب الله ما خلقج انسى انتي منو وشنو عندي تعالي هنا وخازرني عبالك ايريد ياكلني بعيونه اريد اشرد وخايفه واريد اجي وهم خايفه من عنده كمت ابجي من الخوف وتقى تأشر بايدها تشتم بيه وايدها الثاني عاضتها وتحاول تهدي تكوله مو اكولك زعطوطه حتى متعرف تحجي  باوعتلهم و كعدت بلكاع وكمت ابجي بصوت مخليه اديه على وجهي اختفت اصواتهم ساكتين رفعت راسي اباوعلهم شفتهم يضحكون عليه شطت من القهر شنو ذول شبيهم اكيد عدهم انفصام بالشخصيه مو طبيعين كولتلهم الله ياخذكم تضحكون عليه كمت منهم وطلعت للحديقه مسمعه يحجي بس ماوهتميت اله فرفحوني من صدك انقهرت من كل الي صار بعد ما رحت يمه صعدت بغرفتي نمت بس كعدت ثاني يون من وقت علموده خاف يحتاج شي اول ما نزلت بوجهي للمطبخ غسلت وجهزت صينية الريوك ورحت فتحت الباب على كيف شفته كاعد يلعب بتليفونه باوعلي ودار وجه عود هو الزعلان اني هم ما حاجيته ودايره وجهي عنه خليت الصينيه قريبه علي وطلعت صاح وراي وين تعالي انتي وكليني ما اكدر طلعت ما هتميت بس طلعت الباب ضميري أنبني ما كدرت اروح وكفت غميت نفسي ورجعت دخلت علي بس ما اباوعله كال احممم تعالي ساعديني اروح للحمام رحتله كومته وكام يمشي وساندته ايد على ضهره وايدي الثانيه على بطنه وهو يخبث يذب كل ثكله عليه ويضحك سكته باوعتله وعقجت وجهي عود معاجبني وهو خرب ضحك عليه ويكرص بخدودي ودور يكولي صايره وكحه ينخاف من عندج ما تنكدرين ابتسمت واني دايره وجهي عنه كال ترى شفتج عادي عادي يله جني ما شفتج تتبوسمين ودخل للحمام ضليت منتظرته من طلع هم ذب ثكله دفعته:- اووووي شو وخر عني شثكلك جنك فيل:-كالي نجبي صايره ادبسز متحترمين شنو فيل حيوانه:- كوتله شنو هو غير لان ثكيل مو قصدي انت حيوان:-باوعلي وضربني على گصتي بغمه انتي سوايتج وحده اضرب من الثانيه خلي اسكت احسن الي لا اصير مو بس جلب وفيل لا حتى قندره:- ضحكت بصوت كالي:- انجبي لا اوكعلج هاي اسنانج بحلكج هذا الجنه دعاميه  ادبسز:- باوعتله انت مووصوجك لا والله صوجي اني اجيك واساعدك عود زوجي عشتوووو وكسرت خاطري:- غصباً ما عليج تجين شوكت ما اريد شنو كاسر خاطرج وهاي العشتووو جديده:-صحت بنفاذ صبر اوهووو هاي شيخلصها السالفه من صباحيات الله كاعد مشتدلي يدور طلايب وعراك شو يله بسرعه خلي اوصلك ريوكك برد:-باوعلي بطرف عينه ورافع نهاية حاجبه عود ما عاجبه كلامي ما هتميت وصلته لسرير كعد وكال:- تعالي انتي وكليني ما اكدر:- هزيت ايدي كوتله هو البعير يعرج من اذانه:- اني كلت هيج لو هذا تخبل دفر الصينيه مال الريوك وشال انعاله وضربني بي كالي اطلعيييي ما اريد اشوف خلقتج بعد وليييي اطلعي من يمي طلعت اركض ادركت نفسي اني جفصت الجفصه الجبيره هلمره مثلته بالبعير ضليت عاضه اصبعي واغم بنفسي واسمعه يغلط عليه وحتى عشيرتي هم ذكرهم دزالهم رحمه خاصه من عنده نزلت سهام شافتني وغمتني وراحت دخلت علي وهو زاد بالحجي اني شمسوي يم ربي وهيج ينطيني نسوان وحده اضرب من الثانيه طلعت شايله الصينيه وتدردم مادري عليه ما ادري علي تحجي رحت الغرفة الحجيه شفتها هسوها كاعده صبحت عليها كوه ترد عليه هم زعلانه مثكله وجها عليه وتقى نايمه رحت يمها ونغزتها اكعدي تقيوه شوفي شسويت شالت راسها ها خير شمسويه هلمره خوب تعودنه عليج يوميه مسويه مصيبه شكل احجي شسويتي كولتله دنطيني مجال انتي حتى احجي نهديتي بيه من مكانج افتهمي بالاول سكتت شويه ورجعت كولتلها ترى والله بدون قصد كوتله البعير يعرج من اذانه وسعت عيونها وغمتني كولتله بعد بس الحجيه تغمني وتكمل اليوم شبعتوني غمات كل الي يشوفني يغمني شبيكم مخابيل انتو لو شنو فهموني كالت هو منو الخبله غيرج زين مادفنج على هذا حجيج بس بعده مريض ميكدر شو خلي اكوم اشوف شمسويه من بلاوي بعد كامت واني امشي وراها..........  للحكاية بقيه دمتهم في حفظ الله ورعايته