حكاية (( ضحية انتقام ))

(( بارت 12 ))

حكاية)( ضحية انتقام )( للكاتبه حوراء الموسوي

البارت الثاني عشر

  .........  حسيت اكو صوت وهوسه اريد اكوم بس مابقه حيل بيه من الخوف انفتح الباب ودخل وارث مثل الاعصار يرعد وركع الباب بقوه سدا ضليت ابلعم ودمي نشف خازرني و عيونه يطلع شرار منهن كال وينه اني ما اكدر انطق بأي شي وهذا الطبع بيه من اني صغيره اخاف ما احجي ابقه صافنه رجع كرر سؤاله وينه اجه شالني من صدر دشداشتي وكفني كوتله بصوت يرجف شنو كالي الموبايل العندج وييييينه كوتله يا موبايل والله ما عندي ومنو ينطينيا وانتَ اصلاً  رجعت ملابسي ولجنط كال جذابه انتي جذااابه لج ما اصدك انتي هيج تسوين كوتله والله ما سويت شي  همه يردون يوكعوني بمصيبه ويخلوك تموتني بأيدك هيه نورس هيه الي صاحتني واني ما ادري والله ما ادري  امير ينتظرني بالغرفه جبرني ابقى لما كمل الي يريد يكوله يله خلاني طلعت شفته بهتت ملامحه وقلص عيونه وتقرب عليه اكثر كال شلون شلون بله عيدي يا امير يا نورس فتح عيونه وعاط  بكل صوته ولكم شدايصير من ورا ضهري معقوله اطلع اني الغبي ومعمي على عيوني ومأمن بيكم هنا اني عرفت هو ميدري واني فضحت السالفه جان يقصد غير شي هو كمت ارجف وابجي ما اسيطر على نفسي جرني وركعني بالحايط كال ولج انتي شنوووو وبعدين امير شيريد من عندج جان يحجي بعياط ضربني راشدي على وجهي من الضربه رجع راسي انضرب بالحايط كال احجيييي شيريد من عندج امير جاوبته واني احجي وابجي كول احبج واني ماقبلت علي والله ماقبلت وكوتله اكول الوارث عليك وسع عيونه وجرني من شعري ملخه بأيده لج اني مخلي أبيتي گح.......  ابن عمج تقي يجيج للبيت وأمير يختل بيج عفيييه عليج خوش مره اني تفاجئت شنوو تقي شديحجي هذا تخبلت وبس اصرخ من وجع شعري جرني من شعري وفتح الباب ونزلني يسحب بيه صاح اميييييرر لك امييييير وينك تعال جان أمير هستوه راجع من الجامعه بعده بالمطبخ دخل هاا هاا خير شكو شافني وبعده ما مستوعب وارث عاف شعري وركض علي بوكسيات على وجه الكل طلع على صوت اعياط وارث الحجيه وثائر وفاء بناتهم وسهام نزلت هيه وبناتها اني جنت كاعده مكنبصه وابجي وشعري صاير على وجهي اباوع على وارث فقد على امير ملخه بالضرب صار وجه امير عباره عن دم من خشمه وحلكه وسامر وثائر يردون يبعدون وارث من امير ميكدرون و وفاء تعيط وتغلط ولبنات اشوفهم يبجون كوه بعدو عنه وكف هيج يلهث كاله ولك انت شنو شنوووو ومن يا طينه مخلي عينك على عرضيييي على مرتييي ولك اني اني  ربيتك على ايدي تخوني تتمعشگ بمرتي گوا........  ساق......  اني اربيك من جديد بش شكله يخوف من العصبيه احسه راح يوكع من طوله  گام أمير وكف على طوله وابو لازمه وسامر وخرهم وتقدم الوارث گاله ايييي ايييي اني احبها ما انكر هلشي وام... بعده ما مكمل وارث رجع علي دفره ابطنه وكع امير من طوله ليوره وارث بحركه سريعه طلع مسدسه جان بحزامه لان بعده بملابسه العسكريه سحب اقسام وضربه طلقه ما اعرف وين اجت الطلقه بس صار الصريخ ولعياط ما ينعرف والدم غرگ أمير التمو علي امه واخواته تخبلن بالبجي وفاء اشوفها تلطم وتملخ بروحها وابو يكعد بي شاله ابو وسامر يركض يشغل بالسياره و وارث واكف بعيد يلهث وجه ينكط عرگ وصاير احمر عيونه قطعه حمرا ويباوع بغضب صارت عينه عليه اجاني بس احس نفسي راح افقد من الخوف ولرهبه دفرني برجله اجت الضربه بوركي شاغت روحي بس الخوف جان اقوه جرني من شعري كومني صعدني بس مو الغرفتي صعد بيه لطابق الثالث جانت بي غرفه بدون سقف بيها اغراض قديمه دفعني بيها ورجع نزع احزامه وكل ضربه تطلع روحي وضربه منهم اجت على حلكي الحديده الي بلحزام جرحت شفايفي واحس بطعم الدم بحلكي لمن احس بعد فقدت ما اعرف شكد وحسيت بماي بارد على وجهي فتحت عيوني بس ما اكدر اتحرك وهو كاعد على سطل مقابيلي اباوع الصدره يصعد وينزل بقوه ويدك برجله بالكاع تمنيت ارجع افقد شافني وعيت اجاني كعد مقابيلي كالي هسه سولفيلي على تقي شجابه للبيت ما افهم علي شوكت جاي تقي كوه طلع صوتي جاوبته ما ادري بي شوكت جاي هز راسه بعصبيه ولازمني من فكي عصره احس شفايفي وارمات ولدم يابس بوجهي كلشي بيه يوجعني صحت ااخ كالي لا اتعبيني اكثر سولفيلي مثل ما حجيتي الصار ويا امير احجي هسه الصار ويا ابن عمج جاوبته بصوت كوه يطلع ويرجف والله ما ادري بي ولا شايفته ولا اعرف بي جاي للبيت كال لعد شلون عرف اني ماموجود بلبيت وبيوم خفارتي وجاي نص اليل شيسوي مثلاً اجه يشوفني جاوبته ما اعرف بس مو اني المخابرته ولا اعرف بي والله ما اشوف احد غيرك ولا حبيت غيرك تعرف بيه ما احب تقي ولا حتى بيوم باوعت الامير بغير نض... بعدني ما مكمله ضربني على شفايفي كالي هشش ولا كلمه راح اعرف كل الي يصير ورا ضهري مو وارث الي يلعبون من ورا ضهره ويستغفلونه وهو ما يدري لج حبيتج من گلبي لج حته مرتي وبناتي اهملتهم من وراج وتعلقت بيج هييج هييج تجازيني بس راح اربيكم على ايدي ومن جديد اتحملو الجاي رفسني وطلع قفل الباب من ورا ضليت اتلوه من وجع بطني وجع يملخ بيه وحسيت بألم باصابع رجليه باوعت شفت اصبعي الجبير كوله دم والاضفر مقلوع نص من عنده ولبقيه مكردات ماكو الم ما هااج عليه كل جسمي يون عليه انتبهت الدنيا غروب وبس صوت الاذان اسمعه ضليت على نومتي وبجيت لما عيوني ورمت مرت ساعات واني بنفس نومتي وما اعرف امير مات بعده عايش بس ما اسمع اي صوت هدوء ولباب مقفول عليه حديد عطشت وما ماكله من البارحه بليل رحت زحف للباب دكيت بي لما مليت ماكو احد يفتحه رجعت المكاني لميت نفسي وخليت راسي على الكاع وغمضت عيوني اذكرت اهلي  ليش هيج عافوني وليش تقي اجه لهنا شجان يريد معقوله اجه حتى يشوفني يطمن عليه وراث شلون عرف بي اكيد شافه من الكاميرات وهسه امير مات بسببي بس اني مو ذنبي ماسويت شي يخلي يحبني لا لا مايموت بسببي اني ماعليه هم الجابوها النفسهم الافكار موتتني كمت اضرب براسي بالكاع حته ابعد هل افكار اختنكت لعبت نفسي كعدت تقيئت مسحت وجهي بملابسي ريگي مر عيوني كوه فاتحتهم ما اعرف شكد مر وقت ساعات سمعت حركه ورا الباب وصوت بنيه خافت تصيح ندى ندى انتي تسمعيني زحفت للباب جاوبتها اي اسمعج كالت اني استبرق اجيت اشوفج ولج امير حالته خطره وبيبي بالمستشفى صعد سكرها وفقدت وامي كاعده بالكراج متقبل تدخل راح يوكف گلبه على امير وعمو وارث طلع ولج شلون عرف سهام كالتله الحقيره الله ينتقم منها كمت ابجي تصيح عليه ما اجاوبها بعدين  كولتلها بس جيبيلي ماي راح اموت من العطش كالت اي هسه اشمرلج من فوك بطل مي بس جان مبين على صوتها باجيه هوايه ومتغير صوتها من العياط راحت شويه ورجعت شمرت عليه البطل شربته كوله كالت راح انزل لا يجي عمو لو سهام تشوفني وتكوله راحت ضليت لصبح انام ما اعرف افقد من الوجع وارجع اكعد وطلعت الشمس وماكو احد كمت اتقيئ بس بدون اي شي معدتي فارغه حسيت حركه وره الباب وصوت القفل انفتح دخلت سهام وعلى وجه ابتسامه الانتصار ولشماته گالت حيل بيج بابوزايد تستاهلين عبالج اخليج تتهنين بوارث وتصيرين ام جهاله موسهام الي تسكت وتباوع عليج شلون تاخذين رجلها درت وجهي منها كالت بس اموري خطيه وكعتي وياج خطيه بعده بأول شبابه ويموت بسببج مو خطيه عليج باوعتلها وتفلت عليها كولتلها الله ياخذ حقي من عندج  طلعت وعافتني  رجعت فكرت موهيه الگالت الوارث ماجان يعرف بسالفت امير اني الي شهدت على نفسي من خوفي شقصدها بعد دخت والله بعد ما افهم شي شراح يصير بيه سهام ابد موهينه ومو بعيده عليها هيه الي متفقه ويا تقي حته تسويلي مصيبه ويا وارث ضليت لضهر انتظر ماكو احد جابلي ماي اكل وارث بعد مارجع عليه الوجع بطني  ثكل عليه كمت ارفس بالكاع حسيت بنفسي نزفت اباوع الملابسي مليانه دم واني تخبلت كمت اعيط بكل صوتي من الخوف فكرت راح اموت ومحد يعرف بيه بس ماكو احد اجاني انغمى عليه بعد ما اري شصار لما فتحت عيوني لكيت نفسي بالحمام  بدون ملابس باوعت شفت هناء تذب عليه ماي بس يلجم جروحي كالت شسويتي بنفسج ولج ما مصدكه كل هذا يطلع من عندج باوعت للباب شفت وارث واكف ويدخن خزرني ومشه باوعت النفسي جسمي يخوف من الضرب صاير وكله وارم ساعدتني هناء كومتني ولبستني ملابس وطلعتني ما اكدر امشي ورجعت نزفت صاحت على وارث كالتله خاف تموت ما يوكف النزف اكيد حامل وسقطت كالها بعد احسن شمعرفني اني ابو لا صدمني بهاي كلمته الغصه ابلعومي تمنيت صدك اموت ولا اسمعها من عنده هيج يكول كالتله هناء يمعود ترى ماينعرف الصدك وين هسه خلي ناخذها ونفتهم منها زين وبعدين احكم تره هسه انته بمصيبه لا تصير بثنين ما قبل ياخذني دخلتني الغرفتي وطلعت جابتلي ماي ولفه شربتني وكلتني بايدها تسولف وياي تسئل بيه بس ما اكدر اجاوب بس اباوع عليها كالت هذا شمسوي بيج ولج ما اصدك انتي هيج تسوين احجي لتضلين ساكته بهاي الحضه كلشي بعقلي تلاشى احس نفسي فقدت الذاكره بس شي ابالي اريد امي وابويه حتى الوجع ما احس بي مثل الخدر جسمي وعقلي كوه جنت ابلع واشرب مي بملحه منها شويه شويه كمت ما اشوفها بس اسمع صوتها تصيح بأسمي وعاطت بكل صوتها الوارث وبعد ما حسيت بشي لما وعيت لكيت نفسي على سرير بغرفه بارده وايدي بيها كانولا ومعلكيلي مغذي باوعت للجهه الثانيه شفت هناء نايمه وهيه على الكرسي انفتح الباب ودخلت ممرضه سئلتني شلون صرتي بس هزيت راسي شالت المغذي من ايدي وضربتني ابره وطلعت فزت هناء شافتني سئلتني شلون صرت جاوبتها احسن گالت طالعه للحمام هسه ارجع وطلعت شويه ونفتح الباب دخلو ثنين ممرضين لابسين كمامات ونضارات وكاسكيتات دخلو وسدو الباب باوعولي شفتهم ونصدمت.............. للحكايه بقيه دمتم في حفظ الله