حكاية (( ضحية انتقام ))

(( بارت 18 ))

حكاية (( ضحية انتقام  )) للكاتبه حوراء الموسوي

........ مركزين بوجه هناء نريد نعرف منو هذا المتصل لان كل تفكيرنه بوارث الدقيقة صارت علينه بساعه شهكت وباوعت علينه ودموعها نزلت وجها مايتفسر وبعده المتصل يحجي وياها اني ما تحملت صحت ولج شكو وارث شبي احجي گلبي راح يوكف نزلت التليفون وكالت وهي تبجي ولج شأكول وارث موزين نبضه ضعيف يمه وارث سوده بوجهي الله ينتقم منهم شيردون من عندك من عمري على عمرك خويه كمنه نبجي كولنه وياها گالت ولجن محمد خابرني يصرخ يكول وكف گلبه ثواني ورجع الحمدالله ضليت بس ابجي وما احجي شي مثل بلاع الموس لا اكدر احجي ولا اكدر
اسكت كمت ما اخلي عيوني بعيونهم احس بالذنب لان اعرف منو السوا بي هيج شلون بعد اباوع بعيون وارث لو تأكدو من حسام وتقي هم الضاربينه كل دقيقه تمر عليه اموت الف موته ومحد كدر ينام بهاي اليلة سمعنه الاذان كمنه توضينه وصلينه وندعيله يكوم بسلامه اني صليت على المصلى مال الحجيه ما اكدر من رجلي وما سكت الساني من الدعاء واتوسل بأهل البيت وحتى كمت انذر لوجه الله تعالى اذا يطلع وارث من هاي الشده وعيوني احس تحركني من كد البجي ورمت وصار عندي صداع نصفي اشوف البنات نامن بس هناء كاعده وتبجي الحجيه نايمه بس وضعها متخربط من البارحه سكرها صاعد رحت ادور على علاج الوجع راسي مالكيت صار الوجع ما ينطاق رحت يم هناء شافتني كالت روحي نامي موزين عليج انتي هم مريضه باوعتلها بعيون مدمعه فدوه هناء راسي راح ينفجر من الوجع وما لكيت علاج اشربه كالت اني شفت البارحه بالجرار مال كنتور امي وصفتلي المكان زين رحت لكيته شربت الحبايه وحاولت انام ما اكدر طولت يله غفيت ساعتين وكعدت على هوسه صوت بجي ونحيب نسوان جاي الصوت من الصاله  كتمت انفاسي من الخوف كمت كوه من رجلي المحتركه طلعت لكيت تقى وعمتها ام زوجها جاين وتقى حاضنه امها وتبجي وبيت ثائر هم جاين طار عقلي شكو فكره موزينه اجت ابالي مركزه بالوجوه اريد اعرف صاير شي لو لا شفت هناء وكفه على صفحه  طبيعيه ماتبجي بس الحزن مبين بوجها شبه اطمأنيت مبينه ملامح وجه زينه رحتلها ها هناء اكو خبر جديد وارث شلونه كالت بعده مثل ماهو ماكوشي جديد باوعتلي زين وكالت انتي شجاج وجهج اصفر وشفايفج بيض جنج وجه ميت راح تموتين هي گالتلي هيج لو عبالك گالتلي ابجي انفجرت حضنتها وكمت ابجي بصوت مثل الي يريد يريح ضميره بكل شكل من الاشكال اجتني تقى هم حضنتنه وكامنه نبجي سوا ولحجيه وام زوج تقى هم يبجن نزلت سهام من فوك صاحت شبيجن يمعودات عليمن هل بجي بيش متفاولاتله ابجيجن هذا ولطمجن راح تموتنه باوعتلي وكالت وانتي كافي عياره وبجي عبالك ما نعرفج مسويه نفسج تبجين علي وخايفه لوما ذاك اليوم تتمعشگين براسه وهاي حالته هسه منو سببها غير اهلج اكو غيرهم و وفاء هم ذبتلها كلمه تسم البدن صاحت بيهن هناء وتقى سكتنها:: اشو انتي تستحين لا تحترمين الخطار هسه احنا بيا حال وانتي واكفه الها تعيرين بيها وتحجين حجي من كيفج هيه ابد ما سكتت مستمره تحجي وحتى ما سلمت على تقى وعمتها طلعت للكراج استحيت من عمة تقى تباوع عليه وعلى سهام متفاجئه بالي تسمعه منها كالت للحجيه شبيها هاي شو حتى ماتعرف الاحترام ولا تقدر احد باوعتلي وكالت الله يساعدج عليها نزلت راسي ورحت للمطبخ وكعدت استبرق واسراء اجن وياي سوينه ريوك للجاين علينه من اقاربهم دخلن اخوات الحجيه اول مره اشوفهن هم حبابات مثل الحجيه سلمن عليه ودخلن يم الحجيه سويت الهن جاي واخذته قدمته الهن وطلعت بعدني بالباب واسمعهن يسئلن بالحجيه عليه اكولج ام ثائر هيه هاي الفصليه مرت وارث شو جنها جكليته شحلاتها مو مثل الجبيره جنها جندي أمريكي اجتني الضحكه على وصفهن الها جابنها صح هيه صح بيضه وبيه شگار بس ملامح وجها جنه رجال مابيها انوثه ودمها ثكيل بالصدفه اشوفها تبتسم دوم مخنزره ضليت واكفه ورا الباب عجبني اسمع سوالفهن وعرفت من سوالفهن هيه شايله رحمها ومايصير بعد عدها جهال أول مره اعرف بيها ونصدمت أكثر من گالتلهن الحجيه هو وارث ماعنده حظ بالخلفه ويه نسوانه ثنينهن ذيج شايله رحمها وهاي عدها عجز بالقلب هم بعد مايصير تحبل واضنه وارث مايصير عده ولد يشيل اسمه اسمع واني كلشي بيه جمد ماجنت اعرف الي عدها عجز بالقلب مايصير تحبل يعني راح انحرم من الضنى يعني ماراح اصير أم حياتي فززتني استبرق من نغزتني بأيدي شبيج يمعوده صافنه وجهج مخطوف لونه باوعت بوجها وما حجيت شي مشيت من يمها احس ثگل الكون كله على صدري مخنوكه اريد اصرخ بكل صوتي عفتهن يصيحن وراي استبرق وتقى وصعدت للطابق الثالث حتى ما حسيت بوجع رجلي ولحرق دخلت للغرفه الخلاني بيها وارث دخلت بيها وقفلت الباب عليه كعدت على ركبي وخليت ايدي على حلكي وكمت اصرخ من كل گلبي وما ادري من يا وجع ويا هم اصرخ وبس اردد ولج يمه تعاليلي بعد ما اتحمل والله بعد ما اتحمل ليش هيج عفتوني ليش خلفتوني وجبتوني لدنيا وضيمها اكرهكم انتو سبب أذيتي اريد اموت اسمع الباب يندك استبرق وتقى يصيحن عليه ::  ولج ندى افتحي الباب شصاير بس افتحي خلي انشوفج لا تتخربطين من گلبج اسمعهن بس ما اريد افتحه اريد ابقى الوحدي حسيت بوجع الحرق البرجلي باوعت عليها لكيتها تجري دم وشكلها يلعب النفس كمت فتحت الباب دخلن شافن حالتي كعدن بصفي منا ومنا سحبتني تقى الصدرها وتمسح بوجهي ولج شجاج راح تموتين مابي شي وارث سبع مو بهل سهوله يموت اسم الله علي قوي اخيي هسه ما تحسين اله مخابرين علينه ويكولون وارث كعد ومابي شي شهكت استبرق من منضر رجلي ولج شصاير  برجلج مصلوخ الجلد وتجري  دم كومي ناخذج للمستشفى راح تلتهب و تتسمم نزلني وياهن كوه امشي حيل مابقه عندي بعد خابرت تقى زوجها اجه اخذاني اني وتقى للمستشفى بس شاطت روحي من نضفوها الي وعقموها فرفحت حته گلبي كام يوجعني بالف يا علي طلعت بعدني اباب المستشفى وبعد ما حسيت بشي انغمى عليه فزيت باوعت المغذي بايدي وريگي ناشف ونيت اريد ماي اجتني تقى خطيه مبين الخوف بوجها غسلت وجهي وشربتني  ماي كولتله زينه مابيه شي خلي انروح انشوف وارث كالت مو بهاي المستشفى وارث بمستشفى اهلي وميقبلون احد يدخل علي يشوفه ومليان عالم واصدقائه الضباط ما عايفينه كالت هسه شلونج احسن هزيت راسي الها كالت لعد خلي نطلع نرجع للبيت صار ساعتين انتضرج توعين تعبت اعصابي ساعدتني لبستني عباتي وطلعنه سوا زوجها منتظرنه بسيارته رجعنه للبيت دخلت الغرفة الحجيه ما الي طاقه احجي كلمه بسرعه تمددت اريد انام دخلت وفاء كالت ماتخلص مسرحيتج وهل مرض يوميه بالمستشفى وكومي ويا البنات لا تنسدحين ما جاوبتها درت وجهي عنها وغطيت راسي ما حسيت غير الدفره بضهري كمزت باوعتلها شتردين من عندي عوفيني بحالي انتي الله مسلطج عليه عايزه ضيم اني وانتي فوك ضيمي كالت :: ما اخليج ترتاحين ماطول امير يحبج وما يقبل يزوج بسببج ::  هزيت ايدي الها اني شعلي بأمير هو تربيتج مخلي عينه عليه وحتى ما احترم عمه وارث اني لا اريده ولا بيوم باوعتله بغير نضره جنت اشوفه اخو لا غير  وهو العنده الگمر ليش يباوع للنجوم باوعت وراها شفت هناء واكفه وعلى وجها ابتسامه باوعتلي وسوتلي حركه بوجها بمعنى عفيه عليج شفت وفاء التفتت للباب تريد تعرف علشنو اباوع شافت هناء گالتلها عفيه عليج انتي وتقى كبرن راسها بعد علينه حتى ماتسمع الكلمه هل وكيحه ردتها هناء انتي شتردين منها عوفيها بحالها ماتشوفين وضعها روحي ربي ابنج زين بلا تربيه وبعدين تعالي حاسبيها وهيه شاطت وطلعت زعلانه وتدردم طلعت من البيت اخذت بناتها وراحت البيتهم كلت بگلبي همزين خلصت من شكلها شويه ودخلن تقى واسراء وهناء عليه يضحكن فرحانات ولج نديوى وارث عده مرحلة الخطر وحالته مستقره الحمدالله احس هذا الخبر حياني من جديد من الفرحه ضليت ابجي واتشكر من رب العالمين من عدة مرحلة الخطر واشوف وارث يصير زين ويطلع للبيت واشوف طوله  الثاني يوم راحت الحجيه وهناء وتقى وحتى سهام اخذاهن اسعد يشوفنه وهو بعده فاقد ما واعي بس يردن يشوفنه ويطمنن اكثر اني جنت اتمنى اروح بس خجلانه شلون اباوعله واهلي سبب اذيته وهاي نومته بالمستشفى احس بالذنب رجعن زينات مطمنات علي ولدكتور يكول باي لحظه يكعد صحت زينه مستقر وضعه ورا يوم خابر اسعد ومحمد گالو وارث صحه وزين وبعد يومين لو ثلاثه ويطلع للبيت وسمعت و يلح عليهم يريد يطلع ميريد يبقه اكثر بالمستشفى فرحت كلش بهل خبر بس اعرف حظي ما تدوم عليه الفرحه  وقبل لا يطلع وارث بيوم اني بالمطبخ الوحدي كاعده اسوي غدا  الحجيه وتقى بالصاله كاعدات وسهام وبناتها بغرفهن سمعت الباب اندك وقبل لا اوصل للباب انفتح ودخلت ام ضرغام باوعتلي بنضرة شماته وعلى وجها ابتسامه خلت ايدها على حلكها وهلهلت هلهوله شطولها احس صاير شي گلبي عصرني اباوعلها گالت وينجن يلحبايب لزمو المجرم الگتل ابني وراد يموت وارث راح ينعدم ويرتاح گلبي............. للحكايه بقيه دمتم في حفظ الله ورعايته