حكاية (( ضحية انتقام ))

(( بارت 10 ))

حكاية)( ضحية انتقام )( للكاتبه حوراء الموسوي

....... انفتح الباب التفتت للباب دخل وارث شافني ضل صافن عليه وبقى واكف بمكانه وسد الباب اني هنا اريد الارض تنشگ وتبلعني من الخجل حتاريت وين اضم نفسي خليت اديه على وجهي ودرته احس وجهي جمر شيكول هسه هاي ما صدكت صارت عدها غرفه بعدني دايره وجهي وحسيته صار ورايه وخلى ايده على متني ودارني علي مارفعت راسي ما اكدر اخلي عيوني بعيونه رفع راسي باصابعه واني مغمضه عيوني ما اريد افتحهن حسيت بانفاسه حاره بوجهي فتحت عيوني على كيف رفع عيونه لعيوني ويحجي بهمس اليوم الرمان بغرفتي مطشر واني صار هوايه مشتهي بلعت ريگ وحاولت ابتعد منه نزل ايده الخصري وسحبني علي وباسني ضليت جامده وسحبني ويا للسرير كعدني وكعد بصفي كال قبل كلشي اريد اكولج فدشي باوعتله وهزيت راسي كالي اني ما اريد اكون ضالم ولا اريد اضلمج وجنت مفكر فتره وارجعج لهلج لان موذنبج تدفعين ثمن غلط اخوج اني ما ردت فصليه بس بعد صارت وجنت احاول ابتعد عنج مااريد اجبرج عليه لان عرفت من ابن عمج كالي انتي ويا مخطوبين وناوين تزوجون وتحبون بعض من جنتو صغار بس العرفته منج انتي متحبي ولا ناويه تقبلين بي صح هزيت راسي كوتله صح كالي ندى وجان اول مره اسمع اسمي يكوله شكد حلو بحلكه اسمي اسئلج هسه انتي قابله تصيرين مرتي استحيت اجاوبه ونزلت راسي سمعته ضحك ورفع راسه ليفوك كالي تره عيونج فاضحتج واعرف بيج واكعه بحبي ويغمز الي متت خجل منه وكمل ولهذا السبب قررت بعد اخليج يمي وتصيرين ام جهالي رجع كال تره خزراتج الي من تشوفين سهام يمي حافظهن وحده وحده وجنج راح اتعبيني بهاي الغيره ابتسمت باوعتله كالي اويلي يابه اذوب بالاحمر الرماني وسحبني علي  كعدت الصبح على صوت موبايله يدك وهوكاعد على السرير ويلبس بتشيرت ويخابر التفت عليه شافني كعدت سحبني علي وباسني بجبيني كالي صباحيه مباركه ابتسمتله وكمت اريد اطلع للحمام اسبح سحب ايدي وكعدني على رجله ورفعلي راسه كالي ندى خلي اكولج فدشي سهام هاي الفتره الغيره مخبلتها وتريد حجه عليج حتى تضربج واني تعرفين طبيعة شغلي ما اتواجد بالبيت على طول واحميج منها وهيه تعبتني متسمع الكلمه اريد منج تبتعدين منها وخليج يم امي قريبه اوك باوعتله وكوتله تدلل كال فديت اني فدييت وباسني من رگبتي ويريد يرجعني لسرير كمت ابتعدت منه اضحك وكتله لا تصير طماع تره بطني توجعني ومشيت اجمع بشعري وهو يمط بجسمه ويباوعلي ومبتسم فتحت الباب اطلع شفت سهام واكفه اباب غرفتها مقابيل غرفتي وخازرتني تريد تاكلني بعيونها عفتها ودخلت للحمام خلصت ورجعت للغرفه ما لكيت وارث طالع ونازل جوا مشطت شعري ولبست حجابي ونزلت شفته يم الحجيه سابح بالحمام الجوا  ولابس دشداشه لونها نيلي شافني اشرلي اجي يمه دخلت صباح الخير بيبي ضحك وارث كالي بيبي شنو كوليلها عمه صرتي مرة ابنها وغمزلي خجلت منه هيه كالتله يا عمه ولك يمه غير بعمر بنات ثائر خليها تكولي بيبي هيه هم مثل بناتكم ومعزتهن عندي رحت يمها بستها من راسها واني همين احبج والله ماشايفه بيبياتي اني وانتي صرتي بيبيتي وحبيبتي  وارث يباوعلنه ويضحك كال خلص الغزل مالج كومي يله سويلنه اني وامي ريوك وقربي الهيتر يمي بردت طلعت للمطبخ اسوي ريوك شفت استبرق ونورس وزها وزوزه يردن يطلعن للمدرسه الخط منتضرهن وسهام دخلت تخزر بيه كالت صبحت بوجهج شلون راح يكون يومي ضحكن زها ونورس استبرق اتقربت عليه وهمستلي ندى ديري بالج اليوم منها اكو مخطط راح تنعلسين من عمه سهام باوعتلها اتأكد هزتلي راسها وطلعت خفت من الكالتلي بي استبرق شنو تسويلي خاف تموتني بس همزين وارث موجود اليوم ميروح الدوامه على كولته يكول اليوم اني عريس ما اطلع رحت سويت ريوك وكل شويه تطخني سهام وتحجي وتفشر عليه اني ساكته دخلت وفاء صارن فريق وحده ترفع ولثانيه تكبس اسمع ومغلسه جهزت الصينيه وطلعت بالباب وماحسيت غير شي طخ رجليه ماسيطرت انسمطت على وجهي وكعت الصينيه من ايدي وتطشرت ولجاي حار طفر على وجهي واديه من صوت الوكعه ولصرخه مالتي طلع وارث يركض اجاني كومني اصرخ من الحرك بوجهي واديه احتار شيسوي اخذاني يغسل بوجهي وسهام و وفاء واكفات يباوعن علينه واشوفهن يتهامسن وارث شافهن وعاط بيهن كالتله سهام واحنه شعلينه العروس مالتك هيه عوجه وفاهيه حته هاي ما دبرتها كولتلها واني ابجي والله انتي الي خليتي رجلج وكعتيني راحلها وارث لزمها من رگبتها وخلاها على الحايط ويحجي بعصبيه انتي شنو من بشر ماتبطلين سوالفج تحركينها ليش تره صابر عليج هواي ومتحملج الخاطر بناتي والا والله يا سهام من زمان شامرج لج كافي تعبت من تصرفاتج تعبت وهيه تصرخ وتغلط وتفشر عليه  من كد ما شايطه واني احير شلون ابرد وجهي واديه بس افتر وابجي واهفي بديه طلع ثائر يابه انتو ماتخلص مشاكلكم كل يوم هوسه وهارجين البيت كافي تره مصختوها راحتله سهام تكوله تعال شوف اخوك يريد يموتني علمود الفصليه شوف شسوه بيه تشوف برگبتها اله هيه وكعت الوحدها وتكوله وكعني وفاء وسهام وثائر تخبل انتَ من كل عقلك شوما تستحي وشلون تتهم مرتي ومرتك علمود وحده اخت مجرم قتل ابن اخوك  بس الضاهر سوتك محبس بأيدها و وارث تخبل وصوته المنطقه كولها تسمعه ثااائر خليييني محترمك تره مصختها شهل حجي اني مخليتني محبس بيدها شنو شفت بله مني وتحجي هيج ولكم البارحه يله خليتها بغرفه الوحدها وبعدين انتَ معليك لا بيه ولا بنسواني اني وياهن اتجازه وخليني محترمك ترى والله كوه لازم نفسي وباوع السهام انتي احسابج عندي اخذيها من هل شارب اذا ما اربيج من جديد اتحملي الجاي سحبني من ايدي وصعدني الغرفتي دخل وسد الباب شاف وجهي بس احسه يرجف من كدما عصبي كالي البسي بسرعه اخذج للمستشفى لبست وطلعت نزلت ورا طلعنه بالسياره بس ما اخذني للمستشفى نزل على صيدليه اشترالي عصاره ودهن وجهي بيده واديه جنت بس ابجي وبس دموعي تنزل سكته يسوق سريع نزل يم مطعم جاب أكل واجه ورجع اخذاني المتنزه كال انزلي خلي نكعد هنا الجو حلو نزلت ويا كعدنه فتح الاكل طلع لفه وعصير كام هو يوكلني وياكل وياي بنفس الفه بس ساكتين شبعت وهو كمل اباوع الجو شكد  صار هوايه ما طالعه وشامه هوى هيج نضيف حتى الوجع نسيته كالي يله كومي نروح كمت ويا طول الطريق تليفونه ما سكت يتصلون علي يردونه ما اعرف شنو صاير بس كال راح اوصلج يم هناء ابين ما اخلص شغله وارجعلج نزل جاب علاكه جبيره حلويات كال هاي الجهال هناء وصلني دخل وهناء فرحانه بينه  وارث كالها تباركيلي البارحه اني عريس كامت تضحك  تباركتلنه وسئلتني على وجهي ليش احمر كال الها من سبحت الماي حار وحركها ويغمزلي يقصد غير شي ويضحك وهناء تضحك ويا يفشرون شكد ميستحون خجلوني صخنت يباوعولي ويضحكون كال يله اني اروح والعصر اجي اخذها كعدو جهالها وزوجها اسعد طالع الدوامه شويه وطلع وارث بقيت يمها كالت تعالي اشوفج بيتي  واني وياها افتر ونسولف وعرفت شنو صار الصبح كالتلي كولشي اتوقعي من هل حيايه سهام و وفاء وتوصي بيه ادير بالي منهن  دخلنه المطبخ سوت ريوك الجهالها مرتضى وعلي باوعت الوجهي كالت صار شكد ما حافه وجهج كولتلها من قبل لا اجي بيوم اخذني البنات لصالون وحفتلي وجهي كالت تعالي اني ارتب حواجبج وجهج ميصير ينحف هسه لمن يصير زين من  رحت وياها حفتلي حواجبي ورتبتهم طلعن كولش حلوات الوقت بسرعه خلص يمها ما حسيت للعصر اجاني وارث ورجعنه للبيت سهام ساكته هيه و وفاء عني بس خايفه من سكوتهن واشوفهن على طول يتهامسن وحتى نورس وياهن بس استبرق مالها دخل بيهن وتجي يمي نسولف ونكعد سوه بغرفه الحجيه ومرات يجي محمد وامير وسامر يكعدون ويانه نسهر سوه حياتي صارت طبيعيه وياهم لان وارث ميقبل اذا شاف واحد يرفع صوته عليه بس ثائر ميحبني كلما يشوفني يغلط عليه وعلى اهلي وارث تعلقت بي وصرت انتظره شوكت يرجع اشتاقله بسرعه وهو عودني على اهتمامه بيه واحس بي يحبني بس موبكد حبي اله وهناء كل فتره تجي علينه تونسني من تجي وتسوي جو خاص بالبيت  امير ومحمد من تجي هنا ميفاركونها ويسهرون سوه واني احب اكعد وياهم مرات اشوف عيون محمد تتبع استبرق احسه معجب بيها ويحب يسولف وياها وهيه ما حاسه بي بس نورس تتخبل من تشوفنه اني واستبرق نكعد ونسولف وياهم ونتشاقى تكعد ويانه شويه وتكوم اما امير صاير ما اعرف شبي مرات اشوفه صافن عليه لو يتعمد يسولف وياي ومن يجيب حلويات او اكل من بره يصيحلي اكل وياهم احسه يهتم بيه اكثر من قبل واشوف وارث ينزعج من هل شي وميقبل اكعد وياهم بس استحي مرات امير يلح ابقه اسهر وياهم احس اكو شي اهتمام امير اليه مبالغ بي  بس استغبي اكول ماكو شي ما معقوله امير يباوعلي بغير نضره اطرد هاي الافكار من راسي لان حيل محترمني ويحب يسعدني حتى لو بأي شي بسيط لما بيوم.......... للحكايه بقيه في حفظ الله ورعايته