حكاية (( ضحية انتقام ))

(( بارت 19 ))

حكاية (( ضحية انتقام  )) الكتابه حوراء الموسوي

بارت التاسع عشر»

......... كالت لزمو المجرم الكتل ابني وحرمني منه ولراد يموت وارث لزمو وراح يعدمونه گلللوووششش:-وفاتت من يمي طلعن تقى ولحجيه يردن يعرفن شنو هاي الهلاهل:- احس هذا الخبر نزل عليه مثل الصاعقه ونرسمت صورة حسام كدام عيوني معدوم كعدت بالكاع رجليه ميشيلني بعد تخبلت الطم على رجليه وماكو بلساني غير كلمة ولج يمه حسام راح يعدمو كل ذكرياتنه اني ويا مرت كدام عيني مثل الشريط ولكم ضحيت بكلشي علموده تالي يعدمو ارجع اكول لالا جذب تجذب عليه ام ضرغام تريد تقهرني اقنع بنفسي جذب واني متاكده لزمو مبين الخبر صدك من الفرحه البوجها اباوع وراها دخلت للبيت فرحانه ولحجيه تمشي وراها وتقى اجتني تمسح على ضهري وتكول انتي راح ترحين ضحية افعال اخوج اول شي فصليه اجيتي بسببه وهسه راح يوكف گلبج هم بسببه:-  التفتت عليها واحجي بصريخ ولج تقى هذا اخوووي تعرفين شنو يعني اخوي ضحيت بروحي بس كون ما تنمس شعرايه من عنده تالي يلزمو اااخ يممممه كمت اضرب على وجهي كلشي اله حسام هذا حبيبي هذا صديقي ولج هذا رويحتي اموت نفسي ورا والله اذا صار بي شي:- ندى ترى موت ابن اخوي وامس وارث بالانعاش بسببه شعرايه عن الموت احس بيج لان قبل شكم يوم حسيت بهذا احساسج صح الاخو عزيز بس اخوج هو الغلطان ولغلطان لازم يتحاسب هسه كومي موزين عليج گلبج ميتحمل لا تموتين اسحب بنفسي منها كمت اشوفهم من الشمات كوه كومتني وتسحب بيه دخلتني للمطبخ غسلت وجهي بماي بارد تريدني اشرب دفعت الكلاص ما اريد كلشي ما اريد عوفيني الوحدي:- سحبتني تريد ادخلني الغرفه الحجيه سمعت صوت ام ضرغام وسهام يسولفن بالموضوع وسهام تكولها:- هو هذا المجرم ايامه معدوده وتنعل بي كدام عيني وام ضرغام تكولها واخيراً راح يرتاح گلبي واشوف كتال ضرغام معلك:- تخبلت من من حجيهن ما اتحملت طلعت حركت گلبي بيهن احجي وارجف من القهر احس بداخلي بركان كلت  موت الياخذجن والله يلعنجن كاعدات تسولفن باعدام اخوي كدام عيني ما اسيطر على رجفت جسمي ودموعي  يباوعلي ويردني احجي فدشي باوعت السهام :- كولتلها انتييي انتي سبب كل هذا انتي الراسلتي تقي وخليتيهم يجون هنا وصارت كل المشاكل من جوا راسج  فتحتي الجروح انتي الله ينتقم من عندج يا حقيره  :- وهيه كامت اجتني تريد تضربني صارت تقى كدامها ودفعتني للغرفه وقفلتها عليه من  اسمعهن هي وام ضرغام يشتمن بأهلي ويتشفن بحركان گلبي ويدعن عليه وعلى حسام فرفحت روحي مثل الطير المذبوح كمت املخ بشعري من القهر الحد ما تعبت ونمطلت بمكاني خليت راسي على الكاع ومغمضه عيوني مابيه اتحرك ونغزات بگلبي دعيت على نفسي كون اموت قبل لا يجي ذاك اليوم واسمع خبر حسام يتراولي شكل أمي اشلونها هسه من عرفت لازمينه هذا عزيزها هذا حسيم هيج تصيحه اني اخته وهيج صار بيه هي شلون ضليت اردد اللهم الصبر حسيت الباب انفتح ودخلت تقى ولحجيه اجتني تركض تقى عبالها فقدت كولتلها مابيه شي خليني غطتني وطلعت ولحجيه ساكته بس تباوع عليه ومقهوره مبين بوجها ضليت بنومتي ماحسيت بنفسي غفيت..... دخلت بعالم الروئيه جن اني بعدني يم اهلي ومثل كعدتنه قبل من جنه ملتمين وشفت حسام طلع من غرفته باوع الأمي كال يمه حضريلي جنطتي اريد اسافر منتظرهم يخابروني حتى اروح شفت امي كامت تمشي ورا وتكوله ولك حسيم شو بله باوع عليه ياسفر هذا وين تريد تروح دار وجه عليها وباسها براسها وبدون ميرد طلع من البيت........ فزيت بس احس گلبي مقبوض وما فهمت شنو معنى الحلم بس مامرتاحه كمت طلعت من الغرفه شفت سهام تباوعلي بحقد ماهتميت الها امشي بلا روح بس جسد طلعت للكراج شفت صاير المغرب شلون جو يقبض الروح اجت وراي تقى هي وجهالها كعدت يمي سئلتني ها شلون صرتي هزيتلها راسي كالت يمعوده ماتعرفين الله شكاتبلنه هي هاي الحياة وضيمها كل يوم مصيبه شكل لازم نكون اقويا حتى نتخطى الله هو وحده يدبر الأمور وكلما تضيگ تفرج وهسه اكولج كومي غسلي واكليلج لكمه وتوضي وصليلج ركعتين لوجه الله بنية الفرج ورددي هاي الكلامات (( ياكشف الكرب عن وجه اخيك الحسين اكشف الكرب عني بحق اخيك الحسين )) اني مجربتها كلما تمر بيه ايام صعبه ابقى اردد بيها:- باوعتلها بعيون مدمعه طبطبت على ضهري وكالت كومي يله لا تضلين رجيجه وبس تبجين صيري قويه انتي مرت وارث صيري مثله وارث هيج يريدله مره معدله مو تتماوع وضحكت تريد تغير الموضوع وتطلعني من جوي كمت منها دخلت غسلت وتوضيت ورحت صليت صلاتي وركعتين لوجه الله مثل ما كالتلي تقى صاحتني من المطبخ وينج ندى خلصتي يله تعالي يمي هناء خابرتني جايه بالطريق وجايبه عشاها وياها رحت يمها تسولف بحماس تريدني اسولف وياها حتى انسى بس ما اكدر حسام ميروح من بالي الغصه ابلعومي سوت لفات الجهالها وسوتلي وياهم اله تاكلين راح تموتين من يطلع باجر وارث ويشوفج يخترع شماخذله مره گصبه يمعوده خلي يصير بيج لحمه الزلم تحب المربربه ابتسمت الها بطرف شفتي واخذت الفه من ايدها اكل بيها بس كوهاحس نفسي تلعب ما اريد اكل اي شي شويه ودخلت هناء هي وجهالها وزوجها دخل سلم على الحجيه وكال رايح الوارث اشوفه وراح هناء طلعت عشاها ولكل كعد تعشى اني مالي طاقه اكعد رجعت للغرفه نمت على سرير الحجيه صاحت عليه هناء توسلت بيه اجي ما قبلت تعشت واجت يمي وراها دخلت تقى ولحجيه كعدن يمي كعدت وياهن اسمع سوالفهن بس بالي مويمهن احس نفسي بغير عالم وباجر يطلع وارث وفرحانات بي واني خربت فرحتي شعور ما اتمنى الاحد اكو علاج انطانيا الدكتور من تمرضت وما جنت اكدر انام اتذكرته عفتهن كاعدات ورحت اخذت حبايه شربتها اريد انام ما اريد ابقه كاعده التفكير دمر اعصابي نمت بسرعه ما فزيت غير الصبح ويا الاذان احس نفسي شبعانه نوم ضليت بمكاني وصافنه بالفراغ نص ساعه وكمت صليت ورحت سويت جاي وشربت كمت اريد الهي نفسي بشي حتى ما اضل بس افكر البيت هدوء الكل بعده نايم كمت نظفت البيت كوله ولمطبخ وطلعت للگراج غسلته ونظفت الحديقه ورشيتها ماي دخلت للبيت صعدت الغرفتي نظفتها كولها ودخلت سبحت طلعت مشطت اباوع النفسي بالمرايه وين ذيج ندى وين هاي هاي مو اني لا شكل ولا الروح تشبهني وين ندى الجانت مغروره بشكلها وبجسمها جنت اسمع الكل يمدح بجمالي وجسمي هسه اسمع بس اليتنمرون عليه بسبب الضعف ولاهمال بنفسي حيييل متغيره موذيج ندى ابد شنو بعد مضموملي من ضيم بقى شي بعد ما شفته درت وجهي من المرايه وكمت  لفيت شعري ولبست حجابي ونزلت جوا لكيت الحجيه وتقى وهناء كاعدات فرحانات اليوم يطلع وارث يسون ريوك شافني نزلت ابتسمت بوجهي تقى خايبه ولعباس نادره ومعدله ولج شهل نشاط اليوم ريحة النظافه طالعه الراس الفرع صبحت عليهن وكعدت وياهن اكلت لفة جبن وجاي نزلت سهام دخلت يمنه كوه طلعت منها صباح الخير ردن عليها اني ما رديت ولا حتى باوعت عليها هي كعدت واني كمت بسرعه ما اطيقها كلت أن حضرت الملائكه هربت الشياطين ما رديت عليها كملت طريقي الغرفة الحجيه شلت فراشات النوم البيها وانظف بيها دخلت هناء تخابر بأسعد شويه وسدته كالت وارث  العصر يطلع مو هسه  ويكول خلي ينظفون غرفة ثائر لان يستقر بيها هلفتره لان ميكدر يصعد وراح يجيبون سرير اله يخلو بيها يله تعالي وياي خلي نغسلها ونرتبها هزيت راسي الها ورحت وراها نظفناها وغسلناها وعطرناها فرشنه الارضيه شويه وجابو السرير وميز ويا وللعصر كاعدين منتظرين وارث  اجو بيت ثائر وبيت ناظم وحتى سناء اجت عود زعلانه وام ضرغام اجت كاعدات وبس يخازرن بيه وعيونهن مليانه حقد عليه مامهتمه الهن شويه وسمعنه صوت السيارات ولهورنات خبصو الجو طلعنه انباوع من شباك المطبخ وحده تدفع بالثانيه حتى نشوفه انفتح الباب ودخلت السياره الكاعد بيها ولكل ورا نازلين واكو بيهم لابسين زي عسكري وضباط طلعو اسلاحهم يرمون بالسماء ومحمد جاب الخروف وثائر ذبحه على رجله من نزل من السياره  عبالك عريس مسويله زفه وحتى شفت امير جان موجود بس بالأخير واكف واشوف وارث عينه على باب المطبخ يعرف نباوعله من الباب ولشباك دخلو للاستقبال ولكل فرحان برجعته للبيت بسلامه اله اني شكد جنت منتظره طلعته وفرحانه بس بخبر حسام مالي لا فرحه ولا واهس رحنه اني ولبنات نحضر بالجاي ولماي وجايبين طباخ يطبخ للعشا لان جايه هوايه عالم واصدقائه حتى يشوفو للغروب يله اجه وارث دخل للبيت حتى يرتاح تلكنه الحجيه واخواته وسهام وبناته وكولها كامت تتحمدله على السلامه اني بقيت واكفه اباب غرفة الحجيه واباوعله متوجع وهنه يحضنن بي يريد بس يوصل للغرفه كوه مبتسم ويرد عليهن وجه اصفر ولحيته طالعه ومبين بوجه التعب وضعفان اشوف عيونه ادور على احد جانت عيوني متخليني اشوف زين من الدموع فرحانه برجعته وحزنانه على اخوي امسح بعيوني اريد اشوف زين حتى اشبع من شوفته اجت عينه بعيني احسه فرح مثل الجنت ضايعه ولكاني باوعلي ويأشرلي بعيونه وراسه عود تعالي ما رحت اباوع علي دخلو للغرفه واني رحت ويا البنات اشتغل لمن خلص العشا ولكل تعشه وبدت العالم تروح هلكت من التعب ولفرران الكل تصيح ندى صارت الساعه ب9 - واكفه بالمطبخ اسوي جاي للموجودين بالصاله واجاني ابن هناء سحبني من دشداشتي كال تعالي اشاورج نزلت المستوا حتى يشاورني كالي خالو وارث يكول خلي تجيني هسه ابتسمت واحس گلبي انتعش بهاي الكلمات بوسته وگرصت خدوده كوتله كوله شويه وتجيك راح للغرفه ركض حتى يكوله رفعت راسي شفت تقى واكفه وتباوعلي وتضحك كالت مو كطعتي گلبه المكرود روحيله يله دفعتني طلعتني من المطبخ كالت روحي اسبحي وتعطري ودخلي علي الرجال فلحم عليج وتضحك اني خجلانه منها كالت ولج شمنتظره يله بسرعه صعت الغرفتي بسرعه اخذت ملابس ودخلت للحمام سبحت وطلعت ومثل ما كالت تعطري خليت من اكثر عطر يحبه جان يكولي من اشتم هذا العطر بيج اذوب نزلت بسرعه الكل جان موجود بالصاله ماباوعت عليهم رحت دكيت الباب صاحت سهام :- هييي انتي شرايده من عنده وين داخله عوفي يرتاح ما هتميت الها رجعت كالت بيا وجه داخله تشوفينه انفتح الباب طلع محمد واني دخلت شفته نايم ومخلي ايده على عيونه ومغمض كحيت دار وجه وباوعلي............  للحكايه بقيه دمتم في حفظ الله