حكاية (( ضحية انتقام ))

(( بارت 13 ))

حكاية)( ضحية انتقام)( للكاتبه حوراء الموسوي

........ دخلو ثنين شباب لابسين ملابس ممرضين وكممات ونضارات وكاسكيتات رفعت راسي ركزت بيهم زين انصدمت من نزعو الكمامات فزيت وصحت بفرحه
:- واخيراً اجيتوني
انخبصت حاولت اكعد اجوني ثنينهم ملهوفين عليه
حسام وتقي
ومرتبكين وحركتهم سريعه ومصدومين من شكلي حسام اجاني حضني بلهفه ويباوع بوجهي ويرجع يحضني وعيونه مليانه دموع ما يكدر يحجي احس العبره خانكته بس عيونه يسولفن وتقي وكف قريب عليه ومبين بوجه الصدمه گالي

تقي :- شلونج ندى ولو مبين لونج ميحتاج تكولين بس گوليلي منو سوا بيج هيج وارث مو؟
اني بس ابجي فرحت من شفتهم وبنفس الوقت خايفه لايجي وارث لو هناء تدخل وتشوفهم
اباوع الحسام لازم شعره بثنين اديه وشاد علي ويفتر بالغرفه ويردد
:- كله مني كله مني اني السبب بأذيتج  وتقي دار وجه يمسح بوجه ويدفر برجله بالحايط كوتلهم لا تخافون اصير زينه بس اذيتي بسبب تقي دار وجه عليه كالي

تقي :- مني اني.
هزيتله راسي:-  اي من عندك ليش جاي للبيت شتسوي بنص اليل جاينه وارث شايفك بالكاميرات وعباله اني وياك على تواصل ومتواعدين

صدمني تقي من گالي
:- ليش مو انتي الراسلتيني وگلتيلي تعال اريد اشوفك واجيت اني وحسام حتى نشوفج بس انتظرناج وما اجيتي للمكان الكولتيلي علي ورجعنه
گوتله
:- انييي لا متوهم أصلاً ماعندي موبايل شلون اراسلك
شفته اتفاجئ گالي بتساؤل

:- لعد منو الراسلني غيرج
اتقرب فتح موبايله وشوفني المحادثه تفاجئت بالمحادثه هاي واحد مسويها حتى يوكعني بمصيبه ويريد وارث يموتني اجه حسام گال
:- يعني اكو احد بالبيت وياج متقصد يسوي هيج بس منين يعرف تقي ليش مو اني شمعنى تقي

اجه ابالي سهام ماكو غيرها سئلتهم شلون اجيتو و منين عرفتو اني بالمستشفى جاوبني حسام گال
:- رند خابرتني وگالتلي واصلاً احنا موجودين ابغداد صار يومين اجينه علمودج عبانه صدك انتي واجينه انشوفج

كوتله
:- يله روحو  لا يشوفكم وارث لو احد ثاني الله يخليكم اطلعو بسرعه مابيه شي اني
گال تقي:- اني اخلصج ما تبقين هيج بعدهم  يلبسون بنضاراتهم ولكمامات ونفتح الباب دخلت رند لابسه ملابس ممرضه عرفتها تداوم بهاي المستشفى باوعتلي ابتسمتلي وستعجلتهم جمدنه من انفتح الباب
ودخلت هناء باوعتلهم وباوعت الرند تسئلها منو رند تصرفت طبيعي وگالتلها ممرضين اجو ياخذون منها دم محتاجه تحاليل عامه اباوع  الهناء ما مصدكه رند وتباوعلهم بتركيز طلعو ورند طلعت وراهم جريت نفس بس مبين عليه الارتباك سئلتني شبيج وبعيونها شك اكو شي جاوبتها لامابيه شي بس خفت من الابره بعدنه هيج وسمعنه صوت قوي  وخبصه بالمستشفى نشف دمي گلبي گام يوجعني طلعت هناء تشوف شنو هاي الهوسه تأخرت ما رجعت واني التفكير راح يطير عقلي گمت كوه اريد انزل انفتح الباب دخلت رند تلطم ولج ولج ندى عمو وارث شافهم وعرفهم ولحكهم راح يلزمهم ولج يموتوني اذا عرفو اني الگلت الهم ثامر يذبحني والله كمت ابجي فرفح گلبي انفتح الباب دخلت هناء تباوع علينه بغضب گالت ولجن متفقات وياهم سحبت رند من الابكوت الابسته انتي ولج كل هذا يطلع من عندج انتي الخابرتيهم شنو براسجن ضربت رند على وجها تحلفت الها تكول الابوها وثامر عليها ورند نزلت على رجليها تتوسل بيها متكول يذبحونها عافتها واجتني باوعت بوجهي بخزره گالتلي كل هذا الضرب ولج وارث من اشوف خزرته اكوم ارجف انتي كل هذا وما خايفه وجايبتهم هنا تشوفينهم ولجن مو بنات انتن بلوه كولشي تسون جنت ابجي بخنكه واهز براسي اكولها لا ما ادري بيهم والله گالت اتحملن وارث وشراح يسوي من يرجع وأخوج بعد انقفل ملفه يم وارث ونوب ابن عمج ويا بعدنه هيج ونفتح الباب بقوه ودخل وارث اشوفه ملك الموت مو وارث تشاهدت اجاني مثل البركان الهايج ومحمد دخل ورا شالني من صدر دشداشتي احس حته رجليه ما تلوح الكاع خله وجه بوجهي ويحجي من بين اسنانه ضاغط عليهم بقوه بعدج بعدج تنكرين وتكولين ما شايفتهم وما متواصله وياهم انتي جبتيها النفسج تعرفين وعافني وكعت بالكاع بقوه رفسني برجله اجت الضربه بصدري احس النفس ما يصعد فتحت حلكي اريد الهوى كوه جريت النفس گالي موهنا حسابج بلبيت جان يفتر بالغرفه ويهز براسه بعصبيه باوع الهناء وگالها بسرعه لبسيها نرجع للبيت وباوع الرند گالها انتي جنتي تعرفين بيهم هنا جاوبته بسرعه لا لا عمو شمعرفني بيهم وتباوع الهناء بخوف هناء سكتت بس تخازر بينه اجت ساعدتني لبستني باوعت الايدي مليانه دم فالته الكانولا وباقيه تجري دم ايدي وبطني بعدها توجعني اصابع رجليه وارمه كوه احركها گومتني هو جان طالع لسياره بس العرفته ما كادر يلزمهم كادرين ينهزمون الحمدالله صعدنه اني وهناء ويا وحرك السياره بس السياره تريد تطير من كد السرعه يباوعلي بالمرايه ويتحلفلي والغلط ولفشار الي يگوله ماسامعته قبل ويضرب على الاستيرن اني تشاهدت على روحي من شفته هيج وصلنه للبيت فتح الباب وجراني من حجابي وعباتي وصعدني ويا لطابق الثالث النفس الغرفه الجنت بيها البارحه يسحل بيه مثل الحيوان الماخذينه للذبح فتح الباب ودفعني جوا داخل الغرفه وگالي راجعلج وطلع من صدك تمنيت الموت لا بعد مابيه انضرب جسمي يلجمني من كل مكان مرت نص ساعه ودخل جان عكس قبل شويه يضاهر بالبرود ما ضربني جاب سطله كعد عليها مقابيلي ورث جكاره وضل يباوع عليه اني ما جان عندي اي ردت فعل اباوع علي وارجع اشتت نضري عكس البداخلي شعور ما اعرف اوصفه من الخوف منه وجان سكوته مخوفني اكثر گالي من شوكت تتواصلين وياهم ومنيلج الموبايل منو انطاجيا لو جايبه وياج من اهلج ضليت  حتاريات شجاوبه اكوله مو اني مايصدك لان شلون عرفو اني بالمستشفى واجوني واذا اكوله رند راح يذبحونها مثل ما گالت لان حسام قاتل ابن عمها وهمه يعرفون أصلاً جانت اكو علاقه ابين حسام ورند ما اكدر اكوله رند الخابرتهم ولا اكدر انكر گال ماكو داعي تنكرين احجي بسهوله ليش تخليني اعذبج واني اتعذب اكثر من عندج تره ما اكدر اسيطر على اعصابي ومحتمل اذبحج بيدي وراح يكون غسل عار انتضرني احجي ما حجيت بده يدك يهز برجله قوي ويشرب من الجگاره مثل الي يريد يشفطها گال زيييين امير من شوكت معترفلج يحبج وانتي ساكته ومتونسه على الوضع بلعت ريگ وجاوبته قبل يومين اها يعني ما صار هوايه زيييين جان يبينلج يتعرضلج هزيت راسي بالا ماجان يبين ولا منتبهتله أصلاً گال ليش من عرفتي يحبج ما گلتيلي اذا صدك  تحبيني مثل ما تگولين سكتت گال هسه امير اخذ جزائه بعد ثنين وين يعني يردون ينهزمون طلعه من بغداد ماكو الزمهم وشرط اصلخ جلدهم كمت ابجي اتوسله مايسويلهم شي عاط بكل صوته بوجهي كلشي بيه گمز كال هسه تحجين لو اشوف شغلي وياج بس كوتله مو اني والله مواني  الخابرتهم سحبني من ايدي وطلعني جان الدنيه ليل وبس صوت السيارات اسمعه كالي اصعدي على الحايط صعدت كوه هو ساعدني وكفني على الحايط ولازمني من ورا اباوع ليجوا ادوخ وتخيلته يدفعني شعور الماخذينه اعدام جسمي يرجف رجليه وحده تطخ بالثانيه من الرجيف وانزف اباوع اكو دم على رجليه گالي بس اعوفج توكعين وحتمال متموتين بس تتعذبين شعري مفتوح على وجهي ما اكدر ابعده عن وجهي ولدموع متخليني اشوف شي گالي اخير مره اسئلج وين الموبايل الخوف مسيطر عليه ميخليني انطق حرف وفاتحه عيوني على وسعهم دفعني بقوه وجرني ليوره بقوه صحت بكل صوتي بدون وعي رنددد مو اني والله رنددد الخابرتهم وكعني على ضهري ليوره احس وجع بگلبي قوي بحيث احس سجينه نابته بي ونفسي ضاگ عليه اضرب بالكاع براسي ورجليه اريد الهوى شافني هيج كعد يمي بلهفه رفع راسي ويضرب بوجهي ويصيح بأسمي شويه شويه خف الوجع وكدرت اتنفس ضليت افرك بصدري بجهه گلبي رفعت عيوني شفته مخليني بحضنه وعيونه بيها دموع عافني بمكاني ونزل يركض اني ضليت بمكاني عندي وجع بگلبي بس مو مثل قبل شويه واشم بالهوى مثل الي اريد اشبع منه شفته رجعلي صعد سريع وهناء ورا تمشي جايب بيده بطل ماي غسل وجهي منه وشربني وعدل كعدتي خله ضهري على الحايط وكعد مقابيلي وعلى وجه علامة الخوف الضاهر هلمره من صدك ردت اموت عيونه تتفحص بوجهي وهناء واكفه ورا سئلتني شلون صرتي هزيت راسي الها وباوعت الوارث كوتله ليش ما خليتني اموت شرايد من عندي انت ماعندك رحمه تريد تبقيني بس حتى تعذبني بعد عيونه من عيوني وگام ابتعد شويه واشوفه يفرك بوجه وشعره ونزل ايده يفتح بقميصه ويفتر اجت هنا يمي كالت هيج احسن تسوين بنفسج وبوارث ولج راح تجلطينه ليش شمقصر وياج وهيج تسوين ويا من البارحه وليوم ضغطه صاعد مينزل من وره سوالفكم انووب انتي وامير ابن اخو ليشش ندى باوعت بعيونها وبجيت والله ماعندي شي ويا امير ولا ويا تقي ولكم صدكوني ليش ماتصدكوني هاي سهام سوت هيج تريد وارث يموتني وتخلص مني كالت اتمنى اصدكج بس الشفته اليوم ميخليني اصدك هم هاي جذب انتي ورند متفقات وجايباتهم للمستشفى شكلتي النفسج ماخفتي عليهم من يشوفهم وارث يخلي كل واحد براسه طلقه وهو يدور على اخوج يريد ياخذ ثار ضرغام منه وانتي جبتي خليتي بأيده  هزيت راسي بنفي كامت من عندي اجه وارث اتقرب گال الهناء نزليها الغرفتها ونزل كدامنه نزلتني كوه امشي وكالتلي سقطتي طفلج اليوم جنتي تعرفين بنفسج حامل جاوبتها لا ما اعرف بنفسي رجعت كولتلها اريد اسبح دخلتني للحمام وراحت جابتلي ملابس سبحت كوه وطلعت الغرفتي بدون اي تفكير احس عقلي عاجز من موقفي قبل شويه ولموت الشفته بعيوني تمددت وتغطيت وغفيت ما اعرف شكد وحسيت بأستبرق يم راسي واكفه گالت شبيج يمعوده عبالي ميته هسه ردت اعيط عليهم يجون ساعدتني كعدت كالت شمسوي بيج صاير وجهج يخوف گولتلها من وره اخوج جاوبتني هو اخوي شحصل بمعجزه عاش وليوم تعده مرحلة الخطر بألف ياعلي رجعت گالت ولج هسه خابرت اسراء بنت عمو ناظم تبجي وتكول عمو وارث رايح الهم وملخ رند بالضرب وكوه مخلصينها من عنده ويكول الابوها بعدها على تواصل ويا اخوج حسام غمضت عيوني حيل وبجيت ياربي اني شهدت عليها وهيه رادت تساعدني اشوفهم سئلتني شبيج ندى جاوبتها مابيه بس رند خطيه خاف اخوها يموتها كالت والله ما اعرف ثامر مخبل بعد اضرب من عمو وارث............. للحكاية بقيه دمتم في حفظ الله ورعايته