[طلبت من ربي الهنا و جيتني انت ]

Part2

اغلبكم استوعب وقت الحادثه الي صارت وين كان خالد ولد عبدالرحمن خالد كان مسافر علشان شغل ابوه و محد قاله انه ابو عبدالرحمن توفى بعد عودته

نرجع للحاظر...

دخل خالد بيت الجد عايض و شافهم مجتمعين و يسولفون و يضحكون دخل و رحبو فيه و بدا يسلم و اول سوال قاله لهم (وين ابوي ما شفته معكم) نزلو روسهم بحزن بعد ذي المده جاي ما يدري عن ابوه تقدم الجد عايض وقال: ياولدي انت الحين رجال و تعرف بقدر الله و ابوكـ
قطع كلامه خالد وقال و هو يرجف : لا تكفى يا جد لا تقول ان ابوي ماتت لا ياجد نزل راسه الجد بحزن على حفيده و قام خالد ينادي امه و اخته وقفت له جدته وقالت :امك و اختك من بعد العزا راحو لخوالك
ركض عند سيارته و اتجه بيت خواله و دخل و جهه كله دموع و اول ما شافته منيره تقدمت تحظنه
وقال لها و هو يبكي: ابوي راح ولا احد قال لي ليه يا يمه ليه
دمعت عيون منيره بحال ولدها الوحيد الي بقى لها سند لها : ابوك راح الي ارحم مني ومنك هد ياولدي
دخلو عليهم سعد و نوير
تقدم يسلم عليهم و نزلت هناي الي تغيرت مرهه كبرت و احلوت صار عمرها ١٧ نزلت شافت خالد من بعد فراق
نطقت و عيونها دموع: خ.خالد
ناظر لها و عقد حواجبه لانه ما عرفها بعدين استوعب انها اخته هناي تقدمت تحظنه :وينك من زمان عنك اختفيت عنا لا نشوفك ولا تكلمنا و بدت تبكي و ابوي راح
نزلت دمعته من كلامها و عتابها له و جلسو يبكون

بيت ال محمد
الجد عايض:الله يصبرك يا حفيدي
الجده نوير :قلبي تقطع من شفته يبكي
دخلت عليهم مريم :سلام وش فيكم كذا وجييهكم؟
الجد عايض قال لها كل الي صار
انصدمت ان خالد رجع و رجعت انقهرت من جديد لان خالد ماهو سهل
طلعت و تدق على صقر
خلوني اتكلم عن صقر شوي
(صقر اكبر عدو لعبدالرحمن لانه اخذ الاسهم حقت الشركه الي بينهم و اتفق مع مريم يذبحونه و هو الي خطفه ) نرجع لهم
مريم:صقر خالد رجع تراه لو درا ان ابوه مات مقتول بنروح فيها
قصر بلع ريقه وقال :انا مالي دخل فيك اذلفي انتي مشيتيني على كيفك الحين لا تحطين بلاك عندي
انصدمت مريم من كلامه و عصبت جت بتتكلم و قفل بوجهها

عند ال سالم

هناي جالسه جنب خالد و تسولف معه
خالد :انتي في اي مرحله الحين
بعدين شعرها بغرور وقالت :اخر مرحله لي في الثانوي مو مصدقه بعد اسبوع ببدا دراسه اول يوم ثانوي و خوف و بنفس الوقت حلو لان بنات خوالي بيجون بكره و جُود معاييييي
خالد ابتسم من طاريها:اما عاد بيجون خوالي بكره
هزت راسها بأيه وقالت:اما بنات عماني ما خلوني في حالي بس يرمون كلام
خالد:معليك منهم ذول مهبل
و جلسو يضحكون و يطقطقون

نروح مكان ما رحنا له

ابو سعود :سعوددددد ياولد صحصح تأخرت على دوامك
سعود تهمهم و هو نايم :طيب
يقوم ابو سعود يعطيه ضربه لين صحى
و نزل سلم على العائله
سعود :صباح الخير
ردو عليه:صباح النور
نزلت جود سلمت عليكم صبحت عليهم و جلست قالت لهم:متى نروح لجدي سعد اشتقت لهناي
ابتسم من جابت طاريها وقال:المدرسه بعد اسبوع بنمشي بكره معليك
(خالد يحب جود اخت سعود و سعود يحب هناي اخت خالد كل واحد يحب اخت الثاني😭)