[طلبت من ربي الهنا و جيتني انت ]

Part 40

بسم الله الرحمن الرحيم
ضيفوني انستا علشان انزل لكم عن البارتات
الانستا:xxnl_156
نبدا...

لفو من سمعو صراخ جود : هناييي
ركضو لها جلس عبدالرحمن على ركبه و سند راس هناي على رجوله: هناي يا ابوي اصحى وش فيك هناي
سعود يضرب خدها: هنوي هناي اصحي
خالد خاف على اخته صرخ على الشرطه: دقوو على الاسعاف
دقو على الاسعاف و بعد دقايق وصلت و شالو هناي و لحقوها
خالد: يبه دق على امي و قول لها حصلنا هناي
عبدالرحمن طلع جواله اتصل و مد الجوال لخالد: كلمها انت احسن علشان ترتاح
ردت منيره ببكاء: عبدالرحمن لقيتهم وينكم
خالد: يمه اهدي الحمد لله حنا بخير بس هناي اعمى عليها و رايحين للمستشفى
منيره فزت : الحمدالله و اختك وش فيها
خالد: ما فيها الا العافيه ان شاء الله بس اغمى عليها اعتقد من الاكل
منيره: طيب حنا بنجيكم
قفلت الخط و بشرت العائله و فرحو ركبو مع الاجداد و توجهو للمستشفى

المستشفى "
نزلو هناي و ركضو فيها للغرفه العمليات
الدكتوره : تطمنو آن شاء الله ما فيها الا العافيه
سعود : يا دكتوره تراها حامل لا يصير فيهم شي
الدكتوره: آن شاء الله ، دخلت الغرفه
سعود جلس عند الباب العمليات و دموعه على خده
حضنته جود: يا اخوي مو زين البكي وش بيفيد  ترا اغمى عليها يمكن من الاكل
سعود بغصه: جود طيحتها قويه لو صار شي لها و للجنين
جود: يا حبيبي لو صار شي لا سمح الله زوجتك اهم اما الولد يتعوض ان شاء الله لا تجلس كذا و تحرق قلبي و قلب امي و ابوي  عليك لو هناي شافتك كذا بتزعل صدقني قوم الحين صل ركعتين و ادع لها
سمع كلامها و قام تقدم خالد و حضن جود و جلسو جنب عبدالرحمن و ماجد كان واقف
بعد مده دخلو العائله الجد سعد: وش صار وين سعود
جود: توي هديته و راح يصلي
ام سعود حضنتها: يا عيوني انتي بخير
جود : بخير الحمدلله
منيره: كم صار لها في العمليات
خالد: صار لها ٢٠ دقيقة
وصل لهم سعود بعد ما صلى ركعتين:ما طلعت
حضنته ام سعود:الحمدالله على سلامتك يا ولدي
بادلها الحضن :الله يسلمك يمه
مسكت وجهه شافته كيف شاحب:وش فيه وجهك كذا
سعود بغصه:يمه قلبي بالعمليات و مدري ولدي يعيش او لا
حضنته : لا تقول كذا يا ولدي ان شاء الله بخير
تنهد سعود:ان شاء الله
جلسو ينتظرون هناي بعد ساعه و نصف
طلعت الدكتوره فزو الكل عبدالرحمن:بشري كيف هناي
الدكتوره:اسفه بس مدري وش اقول لكم
سعود بعصبيه:وش فيهااا انقطييي
الدكتوره:الله يعوضكم بجنينكم هناي اهملت صحتها بالاكل و واضح طاحت طيحه و اثرت على الجنين، راحت الدكتوره
طاح سعود بصدمه سنده خالد: قوم يا سعود مو زين الي تسويه
سعود اغمى عليه من قلة الاكل و شرب و زاد عليه الصدمه شالوه و حطو له مغذي طلعو هناي بعد مده للغرفه دخلو عندها العائله ما عدا العيال جلسو عند سعود
منيره تمسح على راسها: يا عيوني انتي حسبي الله عليك يا ماهر
عبدالرحمن بقهر على بنته: ان ما اخذت حقك ماني ابو خالد
الجده نوير: خلاص خلوها اذا قامت دخلنا عندها
فتحت عيونها شوي شوي فزت وجدان: قامت هناي
ناظرو فيها تقدمت منيره : هناي ماما اصحي تكفين
فتحت عيونها و شافت العائله كلها عندها و البنات بس ما شافت سعود نطقت بصوت بحه: وين سعود
عبدالرحمن يطالع فيهم : راح مع العيال و يجي شوي
حطت يدها على بطنها : ليه بطني خفيف كذا
ناظرو في بعض بتوتر و خوف عليها انها تنهار الجد عايض: كيفك الحين يا بنتي
هناي : بخير
الجد سعد حب بغير جوها حط على يده رقم خمسه : كم هاذا
ضحكت هناي بخفوت: خمسه
ضحك الجد سعد: اي كفو لا معليكم بخير
دخلت الدكتوره: كيفك هناي
هناي ببحه صوت: بخير الحمدالله
الدكتوره: مره زعلتيني منك ليه ما صرتي تاكلين و مهمله صحتك مره
هناي: معليش يا دكتوره صار لي ظرف بس ابي اعرف صحة الجنين كيف بخير
ناظرت الدكتوره للعائله: ما قلتو لها
هزو راسهم بـ لا هناي : وش فيه يا دكتوره يقولون على ايش
الدكتوره تنهدت: شوفي يا هناي انتي صحتك اهم اما البيبي ربي يعوضك فيه
انهارت هناي طلعت جود ما تحلمت تشوف اختها و صديقتها و توام روحها تنهار راحت للسعود شافته صاحي و العيال يهدونه سعود شاف جود و عيونها حمرا من البكي رخى جسمه من عيونها نطق بصوت راجف: ه هـنـاي صار لها شي
جود ببحه صوت: لا بخير الحمدلله و صحت و تدور عليك بس
سعود : بس ايش يا جود
جود انهارت: جالسه تنهار من عرفت ان ولدها مات
ضاق صدر سعود حاول يقوم مسكه عبدالله: والله ما تقوم لمن تهدى
سعود هدا شوي : خلاص هديت ابي اشوفها
فهد: يلا امش
خالد حضن جود و انهارت بحضنه: خالد كنت انتظر اصير خاله و زوجة خال و عمه  بس راح
خالد و هو ضايق صدره على اخته و ضاق صدره على زوجته : خلاص يا بعيون خالد قدر الله و ماشاء فعل تعالي نروح عندهم