[طلبت من ربي الهنا و جيتني انت ]

Part 39

بسم الله الرحمن الرحيم
ضيفوني انستا علشان انزل لكم عن البارتات
الانستا: xxnl_156
نبدأ ...

تجمعو الكل و سعود كان يكلم ماجد و السبيكر مفتوح : اسمعو لافي كلم فريق معنا في المقر تمام بيوصلون و يأمنون  لكم سلاح و حراس و مراقبه بين المزرعه و هناي اكرر انتبهو لها ترا في بطنها روح و اذا صار لها شي ما اسامح اي احد ما حماها و انا متاكد دامكم بيد وحده بتحمون انفسكم و تحمون قلبي الي مشيت و خليتها امانه عندكم
كانو العيال يسمعون كلام سعود و انهياره انصدمو من شافو دموعه يعرفون انها دموع القهر
سعود بغصه: اذا هناي عندكم قولو لها سعود يقول انتبهي لنفسك و الروح الي ببطنك
هناي كانت منهاره بحضن منيره و انهارت زياده من سمعت صوت سعود تتمنت تنهار بحضنه زي كل مره و تفضفض له
عبدالرحمن يطالع بهناي : سعود يا ولدي معليك هناي عندنا و انا ابوها و بقدر احميها لا تنسى اني خبير بالامور ذي انتم خلصو مهمتكم و تعالو و هناي تقول اذا كنت تحبها ارجع لها سالم و بعافيتك
مسح دموعه: قول لها سعود يغليك بروحه بس تنتبه لنفسها ولا تطلع لحالها، وانت يا عمي ما عليك خوف واثقين فيك و في اعمامي و جدي و انتبهو لامي و خواتي و خالد يقول جود انتبهو لها
ابو سعود: معليك الكل عندنا و توي الحين شفت حراس لافي محاوطين البيت كله الوضع ان شاء الله امان
سعود تنهد: ان شاء الله انتبهو لانفسكم مع السلامه
قفل الخط و سند راسه على المرتبه فهد: سعود انت قبل شوي تبكي ولا عيوني شافت شي ثاني
سعود بانفعال: يا عيال انتم ما تعرفون دموع هاذي ايش انتم متخيلين الشخص الي تحبه و تغليه يكون بخطر و انت بعيد عنه عيال افهمو انتم شفتو معاناتي بالزواج انسجن ماهر قلت اخيرا برتاح زوجتي بتكون مرتاحه بس لا طلع و راح اعيش القهر و التفكير من جديد يا عيال انا كم شهر و اصير اب شعور من اول و انا اتمناه الت/بن هاذا جاب منها ولد و مات وش بيسوي لو درا ان ولد عدوه في بطن انسانه حالها حال نفسها سوال و تقولين لي سعود انت تبكي اي ابكي من قهري على زوجتي و ضناي الي تركتهم بعيد عني ، رجع و سند راسه على المرتبه للمره الثانيه و قال: اقص ايدي اذا المهمه فخ
وقف لافي و يطالع العيال و يرجع نظره لسعود:  وش قلت
سعود و هو مغمض عيونه: اقول اقص ايدي اذا المهمه مو فخ
عبدالله: يعني وش
سعود يطالع فيهم: يعني مثال السياره الي ورانا كل ما وقفنا وقفت معنا كل ما لفينا لفت معنا و اول ما طلعنا من الرياض ارسلو خروج ماهر وش تفسرون هاذا الشي يا ابطال
خالد بعصبيه: ابن ابوييي
سعود مسك يده: هدو لا تنزلون اصبرو كم دقيقه نراقبه اذا ما تحرك معناه مرسول لنا
فهد: طيب يا عيال كيف بنرجع باقي لنا ٤ سااعات مدري اكثر على بال ما نوصل
سعود و عينه على السياره: بنروح للرياض وين بس نشوف وش يبي ذا
لافي اخذ مسدسه و دخله بجيبه: بنزل انا راقبوني اي حركه مسدساتكم بالدرج
خالد: تمام
نزل لافي بثوبه و العصبه تقدم للسياره السوداء طق الدريشه فتح المجهول : هلا وش بغيت
لافي : ابد تحتاج شي
توتر المجهول: لا
لافي : اجل ليه موقف
المجهول:ها
لافي :ليه موقف
توتر المجهول: كان عندي اتصال و وقفت اكلم
لافي :اهاا خلصت اتصالك
المجهول:اي
لافي : تقدر تمشي
المجهول حرك بدون لا ينطق من توتره
ركب لافي :خواف
سعود :وش صار
لافي:كل ما سالته سوال توتر و خليته يمشي
حركو و بنص الطريق حدوهم ثلاث سيارات لافي صرخ: ياعيال جهزو مسدساتكم و اطلعو مع الدرايش بسرعههه
سوو العيال الي قاله لافي و بدو يطلقون على السيارات سعود بصراخ و دخل: لافيي كل ما طلقنا يزيدون
دخلت سياره من قدام لافي و حاصروهم السيارات نزلو باسلحتهم و كل واحد مسك العيال فهد : فكك يا ك\لب
سعود يضرب المجهول براسه: فكنييي
المجهول ضحك: يا حبيبي تدري ليه اخذناك
سعود بعصبيه: ولييهه
المجهول: تعرف بعد شوي
خدروهم و اخذو سيارتهم و طلعو للموقع الي ارسله لهم ماهر