[طلبت من ربي الهنا و جيتني انت ]

Part 36

بسم الله الرحمن الرحيم
ضيفوني انستا علشان انزل لكم عن البارتات
الانستا: xxnl_156
نبدا....

هناي مسكت راسها: مستحيل عمي يحب عمتي مستحيل يتزوج عليها
سعود: حتى انا مصدوم امي وش قصرت فيه علشان يتزوج
هناي تضايقت من ضيقته:تعال اخفي حزنك بحضني
ناظر لها و ابتسم و قام يجلس جنبها و انسدح على صدرها : تصدقين اول ما سمعت ابوي يتكلم مع جدي احس اني مو مصدق الي سمعته
مسحت على شعره : طيب عادي تقول لي وش سمعت اذا ودك
سعود : ابشري ، اول ما طلع عبدالله و زوجته
__________فلاش باك _________
عبدالله: انا استئذنكم بنطلع انا و حرمي للمطار
الجد : الله يحفظكم
جابر: توصلون بالسلامة
جابر: عمي والله ودي اني اجلس معكم بس عندي شغله بخلصها و اجي لكم
الجد: معليك يا ولدي خذ راحتك
طلع عبدالله و جابر و بقى الجد و ابو سعود و سعود
ابو سعود يهوجس سعود قام: طيب انا بروح لامي تبون شي
الجد: لا يا ولدي رح
طلع سعود الجد: طارق وش فيك
سعود و هو متجه للبيت : يوهه جوالي وين
رجع للمجلس وقف من سمع ابوه ينطق
ابو سعود تنهد: يبه الا متى بسكت على ام سعود عن زواجي يا ابوي ترا الي جالس تسويه فيني ماهو زين انا راضي بأم سعود هي حبي الاول و تراك ظالم بنت اخوك معي
الجد عصب : طارقق وقسم بالله لو ما تنتبه لبنت اخوي اني لادبك تفهم البنت يتيمه و مالها غيرنا شوف حاتم و تزوج شذى ما بقى غيري و هي حول عمرك
وقف ابو سعود بعصبيه: و مالقيت غير تلزقها فيني فيه مليون واحد بالديره طيب اخوي محمد مطلق و بناته وحده منهم بتتزوج ليه ما خليته يتزوجها ليه انا
وقف الجد نطق بعصبيه: طارقق خلاص فات الاوان الحين عندك عيال منها استح على وجهك
ابو سعود بعصبيه: اسمع يبه نوال هاذي زوجتي و ماقلنا شي اما انك تقارن هند في نوال فا انا ما ارضاها على هند
انتهى نقاشهم و سعود دخل و طلع ابو سعود برا البيت
_______انتهى______
تنهد سعود: و هاذي كل السالفه
تنهدت معه بحزن : سعود حبيبي اسمع انت سو نفسك ما سمعت طيب و خلك ورا ابوك و جدي
حبت تغير موده : و انا بكون معك شريكه بالقضيه هاذي
وش رايك
ابتسم سعود: بتكون اجمل قضيه دامك معي
هناي باست خده: و عمتي لا تقول لها شي لمن تعرف من نفسها طيب
سعود: تمام
دخلت الدكتوره فز سعود يعدل جلسته ابتسمت الدكتوره: كيفك هناي
هناي : حمدالله بخير بس ابي اطلع
الدكتوره: ايوه جيت اتطمن عليك و اقولك خلاص كتبنا لك خروج تقدرين تطلعين
سعود: زين بساعدها و نطلع الحين
طلعت الدكتوره لفت هناي على سعود: يا شايب ترا ما نسيت موضوعنا
ضحك سعود: شايب!! كنت مستانس انك نسيتيها
ضحكت هناي : انا عطيتك راحه منها بس
ضحكو و قام سعود يساعد هناي و طلعو من المستشفى

لندن"
وصلت الطياره عبدالله: بيسو قومي وصلنا
صحت بيلسان بتعب و اخذو اغراضهم و نزلو من الطياره متوجهين للسياره الفندق بيلسان: اوف ابي اناممم
عبدالله: بتنامين يا عيوني بس اصبري لمن توصل السياره
سندت راسها على كتف عبدالله وصلت سيارتهم و توجهو للفندق نامت بيلسان بسياره على كتف عبدالله
عبدالله: انت عربي
السواق: اي يا باشا
عبدالله بابتسامه: من مصر
السواق: ايوه
عبدالله: ونعم فيكم يا اهل مصر ابي رقم جوالك علشان اتعاون معك هذا الاسبوع
السواق: من عنيا ، واضح انكم عرسان جدد
عبدالله طالع على بيلسان الي كانها ملاك نايم: ايوه
السواق بابتسامه: الله يوفقكم و ان شاء الله تستمتعون بالسفره
عبدالله تنهد بابتسامه: امين
بعد دقايق السواق: وصلنا يا اخويا
عبدالله قدم فلوس له: يعطيك العافيه
السواق اخذ الفلوس: يعافيك استمتع بيومك
عبدالله: شكرا ، سند راس بيلسان و نزل توجه لبابها و شالها : بس معليش اذا ممكن تخليهم يوصلون الشنط لغرفه رقم ٢٢
السواق: من عنيا يا اخويا
ابتسم له و طلع و بحضنه بيلسان فتح باب الشقه و نزل بيلسان بخفوت علشان ما تصحى
دخل الشنط و بدل ملابسه و انسدح جنبها حضنها و نامو بعد يوم طويللل