[طلبت من ربي الهنا و جيتني انت ]

Part8

بسم الله الرحمن الرحيم
ضيفوني انستا علشان انزل لكم عن البارتات
انستا: xxnl_156

نبدا..
(نرجع للحاظر)
دخل عبدالرحمن بيت متعب
متعب: ها قدرت توصل لها
جلس عبدالرحمن بتعب: لا والله بس شفتها كيف فرحانه بعد ما سجنت مزون قد ايش فرحت من فرحتها تمنيت اني اكون جنبها و افرح معاها تصدق وش خايف منه
متعب: من وش؟
عبدالرحمن: خايف انهم ما يتقبلوني او انهم نسوني مدري جاني اسأله غريبه حتى اشوف انجازات ولدي البكر خالد و زوجتي و بنتي بعيدين عني نزل راسه بحزن
حزن متعب عليه وقال: شف انا ما حبيت اقولك بس قدرت اساعدك بشي واحد
رفع رأسه عبدالرحمن : وش هو؟
امس جاني خطاب ان يبون دكتور يشرف على حالة الجد سعد
انصدم عبدالرحمن: عمي ابو منيره!!
متعب : اي هو انا ما عطيتهم موافقه لانهم رشحوني قلت دامك رفيقي بستشيرك و منها اتقرب من ولدك خالد و افهمه انك عايش
اعجب في فكرته عبدالرحمن: تم اقدم و رح بس لا تقولهم ولا توضح اي شي لين انتقم من مريم و بعدها يصير خير
هز راسه متعب بتفهم
تعريف بسيط عن متعب
( متعب يتيم الاب و الام و عنده اخت اسمها وجدان ساكنه مع خوالها عمره ٢٩ و وجدان عمرها٢٢)

في بيت الجد سعد:
دخل المجلس خالد : سلام يا جد وش اخبارك
الجد سعد: هلا هلا بوليدي خالد بخير دامي شفتك بخير
ابتسم خالد لان يحب جده يرحب فيه: البقى يا جد حبيت اتكلم معك بموضوع محد يعرفه غيرك
عقد حواجبه الجد سعد وقال: عساه خير
خالد: خير خير ، يا جد ابي اتزوج
ابتسم الجد وقال: مبروك بس من ؟
خالد : جود بنت خالي
ابتسم برضا الجد : والله هاذي الساعه المباركه ازين من اخترت يا ولدي ابد تم اكلم خالك بعد صلاه المغرب
ابتسم خالد و سلم على راس الجد : الله يخليك لنا يارب و يطول بعمرك
الجد سعد : اللهم امين وياك
وقف خالد: اجل استئذنك بروح اصحي الخنافس الي فوق يقصد سعود و عبدالله
الجد سعد : اي بالله عليك فيهم
راح خالد فوق بصراخ: ورعععع قم يا حمير انت و هو الصلاه بيذن العصر قم
سعود و هو يحك عيونه بنوم : ياخي انت وش فيك نبي نرقد اذلف
همس خالد بأذن سعود وقال: ترا هناي وراي
فز سعود وقال : وين فيه
ضحك بقوه خالد: اجل هناي تقومك الله يعطيها العافية قم قم
كشر سعود : لاحول طيب بقوم
قام سعود و راح الحمام يتوضى و عبدالله صحى
تجمعو العيال مع العائله و دخلت الجده نوير: منيره
منيره : سمي امي
الجده نوير: البنات ما قامو
ام سعود: لا والله يا خاله من صباح ربي و انا و منيره نصحي فيهم ولا احد قام
الجده نوير: لا تخلونهم يسهرون و يقومن من صباح ربي
قام خالد وقال : تتحدوني اخليهم يقومون بدقيقه وحده
منيره : خويلد ان قربت لهناي ما تلوم الا نفسك
كشر وجهه خالد: و انا ولد البطه السوداء الي تتكفخ من كل نفر في البيت
ضحكو على حلطمته وقال ابو سعود: رح قومهن يمكن تنفع معكم هالمره
عقد حواجبه خالد وقال: هالمره!
ضحك ابو سعود وقال: شف وراك
لف خالد شاف سعود و عبدالله حاطين راسهم فوق بعض و نايمين قرب خالد منهم و صرخ في اذنهم فزو برعب ضحك خالد و راح للبنات
دخل شافهم نايمين جلس دقيقتين يتأمل جود حس على نفسه و صد و استغفر ربه
و ضرب الباب بقوه و جلس يصرخ ولا فاد معهم شاف علبه مويه كب عليهم مويه بدفعه وحده و المتضرر هناي شهقو البنات و قامت هناي معصبه و ركضت وراه نزل خالد بسرعه الصاله و هناي وراه تصرخ: خالدددد يا ورععع وربي ما اخليك تعاللل
دخلت الصاله شافت العائله كلها موجوده من ضمنهم سعود جالسه يتقهوى و ضحك من شاف كلها غرقان مويه و تحول تاخذ نفس : و ربي ما اخليك يا خويلد
ضحكت منيره بخفه ولفت على خالد: خالد انا مقلت لك لا تسوي ذي الحركه
ضحك خالد: شسوي انبح حلقي من الصراخ
لفت هناي لـ ماجد خالها ببرائه : خالو تكفى شوف كيف كلي مويه اخذ حقي منه تكفىى
ابتسم سعود يشوف كيف تترجاه بوجه طفولي
ماجد : افا هنو تقولي تكفى قام و قرب من خالد و مسكه من شعره لين حطه قدام هناي ماجد: ها خذي حقك منه
ابتسمت هناي و مسكت شعره بقوه صرخ بألم : خلااصص اسففف وربي اخر مرهه
هناي : علشان مره ثانيه ما ترشني يا سربوت فكت شعره و راحت فوق تكمل نومها بعد هواش