[طلبت من ربي الهنا و جيتني انت ]

34

بسم الله الرحمن الرحيم
ضيفوني انستا علشان انزل لكم عن البارتات
الانستا: xxnl_156
نبداا...

عبدالرحمن: مسامحهم دام هناي سامحت
منيره وقفت : و انا يا عمي مسامحه ربي يرحمها و ولدها صغير عمره يومين و الرجال ما يعرفون يتصرفون مع الاطفال بالعمر و انا اقول خلو عايض عندنا
الجد: ربي يرضى عليكم ، و اذا عن الولد ماراح يقاطعنا بس نعزم صقر و نكلمه
هناي بتردد: عادي اخذه عندي
ناظرو فيها بصدمه عبدالرحمن: كيف يعني و ابوه
هناي: نفس ما قالت ماما الرجال ما يعرفون يتصرفون على الاقل يصير عمره شهر و ياخذه ابوه
الجد عايض: شوفي شورت زين بس ما يصير نفرق الولد عن ابوه
الجده فهده: الحفيد حفيدي و لي حق اني اخذه و انا بربيه و ابوه يجي يشوفه محد بيمنعه
عبدالرحمن:بس يمه
قاطعته:لا بس ولا غيره حفيدي بيجلس عندي
الجد:خلاص كلمو صقر يجي
سعود :طيب كذا وصلنا الامانه حنا نستأذن بنروح نريح
منيره:هناي خلصتي اغراضك لعرس بيلسان
هناي : ايوه كل شي خلصته
منيره: زين
طلعو هناي و سعود لغرفتهم "
هناي : سعود
لف عليها: سمي
هناي: ليه ما اقول لماما عن حملي
سعود: هناي امك لها حق تعرف بس اخاف يعرفون
هناي مسكت يده و جلسو بالكنب: ممكن اسال و تجاوبني
ابتسم: سمي وش
هناي: ليه ما تبيني اقول
سعود بتردد: شوفي اول شي انا ما ابي احد يعرف و بذات شذى
عقدت حواجبها: وليه بذات شذى
تنهد سعود: شوفي بقولك بس توعديني ما تسوين شي ولا تقولين لاحد
هناي توترت: سعود وترتني قول
ضحك سعود: طيب بقول امس
______فلاش باك ______
الساعه ١٢ اليل
كان جالس سعود بالحوش على الابتوب رفع راسه شاف فهد يركض له : بسم الله وش فيك تركض
جلس فهد جنب سعود ياخذ نفس : سـ عود انتبه
فز سعود: وش فيك انتبه لوش
فهد: قبل شوي رحت اشوف حور و طلعت لحوش الخلفي الا اشوف وحده طويله تكلم انا ما عرفتها الا من صوتها
سعود: طيب مين هي
فهد:طلعت شذى تكلم تقول ( تخيلي لاحد الان ما حملت و اساسا لو حملت بخليها تطيحه من اول اسبوع بعلمها كيف تاخذ سعود مني صح اني مخطوبه الحين بس القلب لواحد ثاني ) سعود انا اول ما سمعت كلامها تجمد الدم بعروقي
خاف سعود: فهد انت وش تقول
فهد : والله هاذا الي سمعته
ناظر حولهم شاف ما فيه احد همس له: فهد هناي حامل صار لها اسبوع
فهد وسع عيونه: كذاببببب
ناظر حولهم: وط صوتك يا حيوان
فهد بهمس: من متى
سعود: اقولك صار لها اسبوععع
فهد: يعني امس يوم خالد قال نفسيه حوامل و الاكشن الي صار امس صح
أبتسم سعود: ايوه ، بس ترا محد يعرف انت اول واحد تعرف ترا انتبه
فهد بفرحه: بصير عم اخيرا
ضربه على راسه: يا ورع وش اقول لك من اليوم لاحد يعرف
فهد: على خشمي مير انتبه لزوجتك
سعود: عليه الشحم
______انتهي فلاش باك ______
دمعت عيون هناي: يعني لو قلت لهم و عرفت بتسوي شي لولدي
حضنها سعود: تخسي والله ما تقرب منك ولا تمس شعره منك انتي بس ابعدي عنها و لا تاخذين شي منها
مسحت دموعها و حطت يدها على بطنها: اللهم اني استودعتك ضناي
ابتسم سعود انحنى يبوس يدها الي محاوطه بطنها : امين
ابتسمت بحب و حضنته تخبي وجهها بعنقه
حس بصوت انفاسها المنتظمه ناظر فيها شافها نايمه و عيونها دموع ابتسم شالها و نزلها على السرير و انسدح جنبها و نامو