[طلبت من ربي الهنا و جيتني انت ]

Part 26

بسم الله الرحمن الرحيم
ضيفوني انستا علشان انزل لكم عن البارتات
الانستا: xxbl_156
نبدا..

رجعو عبدالله و خالد و سيف للبيت الجد سعد"
فز عبدالرحمن: خالد اختك وش فيها ليه مجمعينا هنا
خالد: اهدا يا ابوي امي حامل ولا يصير نخوفها
الجد: يا ولد تكلم هناي فيها شي
عبدالله: بقول لكم السالفة من اولها اصبرو
بدا عبدالله يقول لهم السالفه كلها من اول ما جت رساله ماهر لهناي لمن دخلوها القسم
الجده: لا حول ولا قوة الا بالله
عبدالرحمن بعصبيه: و انتم ما لقيتو ذا الزفت
خالد: لا الله انحاش يومنا كله ندور عليه او اثر
الجد: لازم تلقونه سعود وينه
سيف: جلس عند هناي يقول ما اقدر اخليها لحالها
ابو سعود: ربي يحفضهم لبعض و يرجع هناي بخير
عبدالرحمن: مستحيل اجلس كذا و بنتي بالتوقيف
الجد: استهدي بالله يا عبدالرحمن زوجتك حامل لا تنسى هذا و انت ابوها عصبت و ضقت عاد كيف امها اهدا
هدا عبدالرحمن: طيب و اذا سألتني عنها وش اقول
الجد: قول طلعت مع سعود دام سعود معها
خالد: صح و انا بدق على سعود بقول كل محد سأل عنها قول له انها معك
عبدالرحمن: طيب دق عليه يلا

عند سعود الي كان جالس بالقسم ببدلته العسكريه و جنبه لافي : ياولد ماهو زين جلستك هنا
سعود: تبيني اروح و اترك روحي هنا خايفه
لافي : تبيني ادور لك لقاء تتطمن عليها
سعود يفز: تكفى يا لافي
فز لافي : لا تقول تكفى ادخل و اضرب الارض و احتزم بي
سعود: كفو
دخل سعود التوقيف شاف هناي جالسه و ضامه رجولها لصدره و تبكي سمعت صوت الباب يفتح رفعت راسها شافت سعود جنبها قامت و حضنته بقوه كانها تدور الامان
طبطب على ظهرها: خلاص يا ابوي انتي شوفي انا مارحت مكان جالس معك تكفين لا تبكين
هناي بأنهيار: سعود المكان مره يخوف مقدر انام
سعود: بسم الله عليك معليك تحملي بس الفجر تطلع نتايج التحليل و البصمات
بعدت عنه : سعود والله مالي ذنب انت تعرفني اني ما اسويها والله
مسك وجهها : عارف يا ابوي انتي واثق فيك مليون بالميه
دخل لافي : سعود لازم تطلع
هناي ببكاء: ما يصير ينام عندي
ابتسم سعود ناظر في لافي رد له الابتسامه: يصير بس هالمره بس
هناي : اي بس
لافي : يلا تمام طلع و قفل الباب وراه
حضنت هناي سعود دق جوال سعود شاف خالد
: هناي خالد يدق تبين تكلمينه
هناي : اي
رد سعود: هلا خالد
خالد: كيفك و كيف هناي
سعود: بخير الحمدلله
خالد: اسمع اي احد يسألك وين هناي قول له معي
هناي بغصه: خالد
خالد: ارحبي يا عيوني خالد
هناي ببكى: اشتقت لكم
حضنها سعود لصدره خالد بحزن: لا تبكين يا ابوي انتي تكفين
اخذ عبدالرحمن الجوال: هنوي بابا انتي بخير
فزت هناي للجوال: بابا
عبدالرحمن: عيون ابوك انتي بخير
هناي ببحه: ايوه بخير
عبدالرحمن: محتاجه شي تبغين شي
هناي بانهيار : محتاجه حضنك بابا
دمعت عيون عبدالرحمن بس تمالك غصته لاجل ما يوضحها قدام هناي : اوعدك يا ابوي انتي بكره بإذن الله تطلعين
سعود: خلاص يا عمي معليك هي عندي
عبدالرحمن: تكفى يا سعود انتبه لها
سعود: ابشر ولا يهمك
قفلو لف سعود و حضن هناي بقوه: لو بيدي كان دخلتك بين ضلوعي
هناي ببحه: سعود لا تتركني تكفى
سعود شد عليها: ما راح اروح عنك نامي انتي
ما اخذت دقايق و الا نامت بحضن سعود